सकाळ वर्तमानपत्रात -” करियर ‘ती’ चे ” या सदरात प्रशालेच्या प्राचार्या मा. डॉ. सुलभा नितीन विधाते यांची लेखमाला …...

दि. ६ जानेवारी २०२१ 

दि. १३  जानेवारी २०२१ 

दि. २० जानेवारी २०२१ 

दि. १७ मार्च २०२१

सैन्य प्रशिक्षण देणारी म. ए. सो. राणी लक्ष्मीबाई मुलींची सैनिकी शाळा ही सामजिक बांधिलकीचे भान ही देते. याच सामाजिक जाणिवेचे दर्शन महाराष्ट्र दिनाचे औचित्य साधून शाळेच्या विद्यार्थिनींनी सैन्य गणवेशात कोरोना विषयी जनजागृती करणारा संदेश जनतेला दिला. अशी सामाजिक बांधिलकी जपणाऱ्या विद्यार्थिनींचा आम्हा सर्वांना अभिमान आहे.

पुणे महानगरपालिका आणि स्टेट इक्वेस्ट्रीयन असोसिएशनतर्फे आयोजित पुणे महापौर चषक राज्यस्तरीय अश्वारोहण स्पर्धेत म.ए.सो. राणी लक्ष्मीबाई मुलींची सैनिकी शाळेतील विद्यार्थिनींनी उल्लेखनीय कामगिरी केली आहे. शाळेतील एकूण ११ विद्यार्थिनी या स्पर्धेत सहभागी झाल्या होत्या, त्यापैकी ६ विद्यार्थिनींनी पदकांची कमाई केली आहे. स्पर्धेचे पारितोषिक वितरण पद्मश्री मुरलीकांत पेटकर यांच्या हस्ते झाले.

दिग्विजय हॉर्स रायडिंग अ‍ॅकॅडमी, शिवसृष्टी, कात्रज आंबेगाव येथे ही स्पर्धा आयोजित करण्यात आली होती. अश्वारोहणातील ड्रसाज, शो-जंपिंग आणि जिमखाना इव्हेंटस् अशा तीन प्रकारांत ही स्पर्धा झाली. अकलूज, नागपूर, चंद्रपूर, गडचिरोली, ठाणे, मुंबई आणि पुणे अशा विविध भागांतून ९ संघातील १६० खेळाडू सहभागी झाले होते.

महापौर चषक पुणे राज्यस्तरीय अश्वारोहण स्पर्धेत म.ए.सो राणी लक्ष्मीबाई मुलींची सैनिकी शाळेतील विद्यार्थिनींनी उज्वल कामगिरी केली एकूण ११ विद्यार्थिनींनी सहभाग घेतला होता.

श्रद्धा वणवे हिने २ सुवर्ण पदके, १ रौप्य पदक तसेच बेस्ट रायडर ट्रॉफी व दहा हजार रुपयांचे रोख पारितोषिक मिळवले.

सिद्धी टाकळकर हिने एक सुवर्ण आणि २ कांस्य पदके मिळविली.

राजकुँवर मोहितेने एक रौप्य आणि एक कांस्य पदकाची कमाई केली.

मेघना चव्हाणने दोन तर मयुरी पवारने एक सुवर्ण पदक मिळवले.

अनुष्का मस्के हिला एक रौप्य पदक मिळाले.

शाळेतील रसिका देशमुख,ओवी गुरव,श्रावणी बामगुडे,तृषा कटकधोंड आणि साक्षी कारळे या विद्यार्थिनींनी देखील या स्पर्धेत आपला सहभाग नोंदवला.

या विद्यार्थिनींना श्री. गुणेश पुरंदरे आणि श्री. कुणाल सर यांनी मार्गदर्शन केले.

सर्व खेळाडू व त्यांचे मार्गदर्शक यांचे अभिनंदन!

पुणे, दि. ५ : महाराष्ट्र एज्युकेशन सोसायटीच्या राणी लक्ष्मीबाई मुलींची सैनिकी शाळेत शिक्षण घेतलेल्या दोन विद्यार्थिनींची भारतीय सैन्यदलात अधिकारी म्हणून निवड झाली आहे. कु. दामिनी दिलीप देशमुख हिची भारतीय वायूसेनेत तर कु. पल्लवी सुनील काळे हिची भारतीय तटरक्षक दलामध्ये निवड झाली आहे.

कु. दामिनी ही इ. १२ वी च्या परीक्षेत शाळेत सर्वप्रथम आली होती. धनुर्विद्या आणि किक-बॉक्सिंग या खेळांमध्ये तिने राज्यस्तरावर चमकदार कामगिरी करून अनेक पारितोषिके पटकावली आहेत. सैन्यात जाण्याचे आपले स्वप्न पूर्ण झाल्याबद्दल आनंद व्यक्त करताना दामिनीने या यशाचे श्रेय आपली शाळा आणि शिक्षकांना दिले आहे. “आज आभार नाही मानणार, तुमच्या ऋणातच राहायला आवडेल” असे तिने म्हटले आहे.

कु. पल्लवीने इ. १० वी च्या परीक्षेत शाळेत प्रथम क्रमांक मिळविला होता. तिनेही किक-बॉक्सिंगमध्ये राज्यस्तरीय स्पर्धा गाजवल्या आहेत. भारतीय तटरक्षक दलामध्ये असिस्टंट कमांडंट पदासाठी निवड झाली आहे. स्टाफ सिलेक्शन कमिशनच्या परीक्षेत ती देशात दुसरी आली आहे.

म.ए.सो. राणी लक्ष्मीबाई मुलींच्या सैनिकी शाळेतून शिकून बाहेर पडलेल्या दोन विद्यार्थिनींची एकाच दिवशी सैन्यदलात अधिकारी म्हणून निवड होण्याची ही पहिलीच वेळ आहे. त्यांच्या निवडीने राणी लक्ष्मीबाई मुलींची सैनिकी शाळेच्या शिरपेचात मानाचा आणखी एक तुरा खोवला गेला आहे. शाळा स्थापन झाल्यापासून गेल्या २२ वर्षात शाळेच्या १५ माजी विद्यार्थिनींची सैन्यदलात निवड झाली आहे.

कु. दामिनी आणि कु. पल्लवी या दोघींच्या यशाबद्दल महाराष्ट्र एज्युकेशन सोसायटीच्या नियामक मंडळाचे अध्यक्ष श्री. राजीव सहस्त्रबुद्धे, शालासमितीच्या अध्यक्षा डॉ. माधवी मेहेंदळे, शाळेच्या महामात्रा डॉ.मानसी भाटे, सर्व पदाधिकारी, शाळेच्या प्राचार्या डॉ. सुलभा विधाते, शाळेचे कमांडंट ग्रुप कॅप्टन विजय कुलकर्णी (निवृत्त) आणि शिक्षकांनी अभिनंदन केले असून त्यांना पुढील वाटचालीसाठी शुभेच्छा दिल्या आहेत.

या दोघींच्या यशाबद्दल शाळेत पेढे वाटून आनंद साजरा करण्यात आला.

म.ए.सो राणी लक्ष्मीबाई मुलींची सैनिकी शाळेत आयोजित करण्यात आलेले ‘शौर्य’ साहसी क्रीडा प्रशिक्षण शिबिर उत्साहात पार पडले. या शिबिराच्या पारितोषिक वितरण समारंभाला म.ए.सो. क्रीडावर्धिनीचे समन्वयक प्रा. शैलेश आपटे व महामात्र श्री. सुधीर भोसले प्रमुख पाहुणे म्हणून उपस्थित होते.
शाळेच्या महामात्रा डॉ. मानसी भाटे, शाळेच्या प्राचार्या डॉ. सुलभा विधाते, शाळेचे कमांडंट ग्रुप कॅप्टन विजय कुलकर्णी, शाळेचे उपमुख्याध्यापक अनंत कुलकर्णी, पर्यवेक्षक श्याम नांगरे व संदीप पवार या प्रसंगी उपस्थित होते.

प्रा. शैलेश आपटे यांनी आपल्या भाषणात, शौर्य शिबिरातून मुलांनी आपण टी.व्ही. व मोबाईलशिवाय देखील दूर राहू शकतो हे सिद्ध केले आहे. मुलांनी मैदानावर रोज किमान २ तास तरी खेळलेच पाहिजे असे सांगितले. या प्रसंगी सर्व शिबिरार्थींचा प्रमाणपत्र देऊन त्यांचा गौरव करण्यात आला. शिबिरार्थी व त्यांच्या पालकांनी देखील या वेळी मनोगत व्यक्त केले.

लहान वयातच साहसाची आवड निर्माण व्हावी आणि त्यांचे व्यक्तिमत्व विकसित होऊन त्यांच्यात स्वयंशिस्त निर्माण व्हावी यासाठी शौर्य शिबिरात घोडेस्वारी, रायफल शूटिंग, धनुर्विद्या,ऑबस्टॅकल, वॉल क्लायंबिंग, रोप मल्लखांब इ. साहसी क्रीडा प्रकार तसेच शिल्पकला, रांगोळी, वारली पेंटिंग, विविध व्यक्तिमत्व विकसन व्याख्याने यांचे आयोजन करण्यात आले होते.

या कार्यक्रमाचे प्रास्ताविक शिबिराचे उपप्रमुख महेश कोतकर यांनी केले तर संदीप पवार यांनी आभार प्रदर्शन केले.
कार्यक्रमाचे सूत्रसंचालन सौ. रुपाली लडकत यांनी केले.

म. ए. सो राणी लक्ष्मीबाई मुलींची सैनिकी शाळा कासार आंबोली, मुळशी, येथे शौर्य शिबिराची उत्साहात सुरुवात झाली, या शिबिराचे उद्घाटन म. ए. सो. क्रीडावर्धिनी चे महामात्र प्रा. श्री. सुधीर भोसले यांच्या शुभहस्ते झाले. या प्रसंगी शाळेच्या प्राचार्या डॉ. सुलभा विधाते, कमांडंट ग्रुप कॅप्टन श्री. विजय कुलकर्णी, उपमुख्याध्यापक श्री. अनंत कुलकर्णी, पर्यवेक्षक श्री श्याम नांगरे. श्री. संदीप पवार , शिबिरप्रमुख श्री. भाऊसाहेब मार्तंड, उपप्रमुख श्री. महेश कोतकर उपस्थित होते. अतिथी मनोगतात प्रा. सुधीर भोसले यांनी या शिबिरातून मुलांमध्ये साहसाची आवड निर्माण करून व्यक्तिमत्त्व विकासासाठी स्वयंशिस्त निर्माण करणे यासाठी घोडेस्वारी,रायफल शूटिंग, धनुर्विद्या, आॅबस्टॅकल , वाॅल क्लांयबिंग, रोप मल्लखांब, इ. साहसी व शिल्पकला, रांगोळी, वारली पेंटिंग, विविध व्यक्तिमत्व विकसन व्याख्याने यांचे आयोजन करण्यात आले आहे असे सांगितले, शाळेचे कमांडंट ग्रुप कॅप्टन श्री. विजय कुलकर्णी यांनी ही शिबिरार्थींना शुभेच्छा दिल्या , या कार्यक्रमाच्या प्रास्ताविकात डॉ. सुलभा विधाते यांनी शौर्य शिबिराचे महत्त्व सांगितले, शिबिरातील दिनक्रम सौ. रूपाली लडकत यांनी सांगितला, आभार श्री. साईनाथ जगदाळे यांनी मानले तर कार्यक्रमाचे सूत्रसंचालन श्री. महेश कोतकर यांनी केले.

दक्षिण कोरिया येथे झालेल्या नवव्या एशियन योग चॅम्पियनशिप स्पर्धेत मुळशी तालुक्याची सुकन्या व आंतरराष्ट्रीय योगासन खेळाडू कु. श्रेया शंकर कंधारे हिने भारत देशाला सुवर्णपदक मिळवून दिल्याबद्दल म.ए.सो. राणी लक्ष्मीबाई मुलींची सैनिकी शाळेच्या प्राचार्या डॉ. सुलभा विधाते यांच्या हस्ते कु.श्रेयाचा सन्मानचिन्ह,शाल ,श्रीफळ व पुष्पगुच्छ देऊन सत्कार करण्यात आला तसेच श्रेयाची आई सौ.वर्षा कंधारे यांचा ही सन्मान करण्यात आला याप्रसंगी सामाजिक कार्यकर्ते श्री.नंदुशेठ भोईर ,श्री.सुभाष शिंदे श्री.महादेव काटे .माण चे माजी उपसरपंच श्री.तानाजी पारखी ,श्री.सूर्यकांत साखरे ,श्री.नितिन विधाते, उपमुख्याध्यापक श्री.अनंत कुलकर्णी, पर्यवेक्षक श्री.शाम नांगरे ,श्री.संदीप पवार हे उपस्थित होते , याप्रसंगी सैनिकी शाळेतील विद्यार्थिनीं प्रतिनिधींना मा.प्राचार्या डॉ.सुलभा विधाते व कु.श्रेया कंधारे यांच्या हस्ते Rank देण्यात आली,यानंतर कु.श्रेया कंधारे हिच्या योगासनांच्या प्रात्यक्षिकाने सर्व विद्यार्थिनींना व पालक व शिक्षकांना मंत्रमुग्ध केले.आपल्या मनोगतात कु्.श्रेया कंधारे हिने आपण ८ते १० तास सराव करीत असल्यानेच तसेच आई वडिलांच्या , शिक्षक, मार्गदर्शक, डॉक्टर यांच्या प्रोत्साहनामुळेच हे यश मिळाल्याचे सांगितले ,प्रास्ताविकात मा.प्राचार्या डॉ.सुलभा विधाते यांनी कु.श्रेया सारखे खेळाडू आपले आदर्श असले पाहिजेत असे सांगितले, कार्यक्रमाचे सूत्रसंचालन क्रीडा विभाग प्रमुख श्री.संदीप पवार व श्री.शाम नांगरे यांनी केले, कार्यक्रमाचे आयोजन क्रीडा विभाग प्रमुख श्री.संदीप पवार व सर्व सहकारी शिक्षकांनी केले.

‘कसबा पेठ गणपती’, पुण्याचा मानाचा पहिला गणपती. याच्या गणेश विसर्जनात आपल्या महाराष्ट्र एज्युकेशन सोसायटीची ‘राणी लक्ष्मीबाई मुलींची सैनिकी शाळा, कासार-आंबोली’, या प्रशालेतील मुलींनी रोप मल्लखांबाचे चित्त थरारक प्रात्यक्षिके पुण्यातील लाखो लोकांसमोर सादर केली. सदर मिरवणुकीत पुण्याचे खासदार मा. गिरीशजी बापट, तसेच पुणे महानगर पालिकेचे महापौर मा. मुक्ता टिळक, माजी विद्यार्थिनी व कसबा पेठ नगरसेविका सौ. गायत्री खडके यांनी भेट दिली. तसेच या मिरवणुकीत संस्थेचे नियामक मंडळाचे अध्यक्ष श्री. राजीवजी सहस्त्रबुद्धे, नियामक मंडळाचे उपाध्यक्ष डॉ. माधव भट, नियामक मंडळाचे सदस्य व शालासमिती सदस्य श्री बाबासाहेब शिंदे, प्रशालेच्या शाला समिती अध्यक्षा डॉ. माधवीताई मेहेंदळे, शाला समिती महामात्रा डॉ. मानसी भाटे तसेच प्रशालेच्या प्राचार्या डॉ. सुलभा विधाते , प्रशालेचे उपमुख्याध्यापक श्री. अनंत कुलकर्णी, पर्यवेक्षक श्री. श्याम नांगरे, व श्री. संदीप पवार, तसेच प्रशालेतील शिक्षकगण व पालक उपस्थित होते. नियामक मंडळ सदस्य ऍडव्होकेट नेवसे सर यांचे महत्वाचे सहकार्य लाभले.

सालाबाद प्रमाणे यंदाही दि. २ सप्टेंबर ते ३ सप्टेंबर २०१९ रोजी राणी लक्ष्मीबाई मुलींच्या सैनिकी शाळेमध्ये गणेशोत्सव अत्यंत उत्साहात आणि भावपूर्ण वातावरणामध्ये साजरा करण्यात आला. इयत्ता दहावी अ व ब मधील विद्यार्थिनींनी गणेशोत्सवाचे पूर्ण नियोजन केले. सदर कार्यक्रमांमध्ये धार्मिक विधी बरोबरच सांस्कृतिक कार्यक्रम, आगमनाची मिरवणूक, विसर्जनाची मिरवणूक आणि शिक्षक व इतर सर्वांचा सहभाग त्यामध्ये घेण्यात आला. कार्यक्रमाच्या पहिल्या दिवशी सकाळी साडेसात वाजता गणेश मिरवणूक काढण्यात आली. शाळेतील विद्यार्थ्यांच्या ढोल पथकाने नाद पूर्ण वादन करून, भक्तिमय वातावरणामध्ये गणेशाची प्रतिष्ठापना करण्यात आली. सकाळची आरती मा. मुख्याध्यापिका डॉ. सौ सुलभा विधाते व मा. नितीन विधाते यांच्या हस्ते करण्यात आली. संध्याकाळी सहा ते आठ या वेळेत विविध गुणदर्शनाचा कार्यक्रम साजरा करण्यात आला. यामध्ये १० वीच्या विद्यार्थिनींनी इयत्तानुसार इतर मुलींच्या खेळाचे आयोजन केले होते. याप्रसंगी शिक्षक व मेट्रन यांचे देखील खेळ घेण्यात आले. या गणेशोत्सवाचा एक बिंदू असणारा मुलींचा नृत्यप्रकार दहावी अ व दहावी ब च्या मुलींनी सादर केला. दिनांक 3 रोजी सकाळी पालक-शिक्षक संघाच्या उपाध्यक्ष काटे मॅडम व इतर सदस्य यांनी श्री. गणेशाची आरती केली यानंतर पालक शिक्षक संघाच्या वतीने सर्व विद्यार्थिनींना प्रसादाचे वाटप करण्यात आले. सकाळी नऊ ते दहा या वेळात गणेशाची विसर्जन मिरवणूक काढण्यात आली व या विसर्जन मिरवणूक नंतर गणेशोत्सवाची सांगता झाली. शाळेतील दीड दिवसांचा गणेशोत्सव अत्यंत उत्साहात व आनंदात साजरा करण्यात आला. सदर उत्सवाचा देखावा करताना विद्यार्थिनींनी काही महत्त्वाच्या गोष्टींचा विचार केला होता डॉक्टर अब्दुल कलाम यांचे स्वप्न व्हिजन ट्वेंटी-ट्वेंटी यावर आधारित देखावा साजरा करण्यात आला होता यामध्ये प्रगतीचे रूप असणारी पुणे मेट्रो त्याचबरोबर इस्रोचे चांद्रयान 2, चांद्रयान-1, इतर मोहिमा आणि अद्ययावत असणारे आधुनिक शहर ही संकल्पना साकार करण्यात आली होती. विद्यार्थ्यांनी स्वतःच्या प्रयत्नांमधून शाडूच्या मातीपासून मेट्राच्या कॅप्टनच्या वेषातील मंगलमुर्ती स्वतः तयार केली होती. संपूर्णपणे गणपतीची मूर्ती इको फ्रेंडली करण्याचा मुलींचा आटोकाट प्रयत्न होता. सदर कार्यक्रमासाठी शाळेच्या प्राचार्या डॉक्टर सौ सुलभा विधाते मॅडम,शाळेचे उपमुख्याध्यापक श्री कुलकर्णी सर, पर्यवेक्षक श्री नांगरे सर व श्री पवार सर यांच्याबरोबरच शाळेतील इतर शिक्षक वृंद यांनी याकामी महत्त्वाचे व मोलाचे सहकार्य केले. इयत्ता दहावीचे वर्गशिक्षक श्री अद्वैत जगधने व रेखा रायपूरकर यांनी या सर्व कार्यक्रमाचे संपूर्ण आयोजन व नियोजन केले होते. सालाबाद प्रमाणे यंदाही दि. २ सप्टेंबर ते ३ सप्टेंबर २०१९ रोजी राणी लक्ष्मीबाई मुलींच्या सैनिकी शाळेमध्ये गणेशोत्सव अत्यंत उत्साहात आणि भावपूर्ण वातावरणामध्ये साजरा करण्यात आला. इयत्ता दहावी अ व ब मधील विद्यार्थिनींनी गणेशोत्सवाचे पूर्ण नियोजन केले . सदर कार्यक्रमांमध्ये धार्मिक विधी बरोबरच सांस्कृतिक कार्यक्रम, आगमनाची मिरवणूक ,विसर्जनाची मिरवणूक आणि शिक्षक व इतर सर्वांचा सहभाग त्यामध्ये घेण्यात आला. कार्यक्रमाच्या पहिल्या दिवशी सकाळी साडेसात वाजता गणेश मिरवणूक काढण्यात आली. शाळेतील विद्यार्थ्यांच्या ढोल पथकाने नाद पूर्ण वादन करून, भक्तिमय वातावरणामध्ये गणेशाची प्रतिष्ठापना करण्यात आली. सकाळची आरती मा. मुख्याध्यापिका डॉ. सौ सुलभा विधाते व मा. नितीन विधाते यांच्या हस्ते करण्यात आली. संध्याकाळी सहा ते आठ या वेळेत विविध गुणदर्शनाचा कार्यक्रम साजरा करण्यात आला. यामध्ये १० वीच्या विद्यार्थिनींनी इयत्तानुसार इतर मुलींच्या खेळाचे आयोजन केले होते. याप्रसंगी शिक्षक व मेट्रन यांचे देखील खेळ घेण्यात आले. या गणेशोत्सवाचा एक बिंदू असणारा मुलींचा नृत्यप्रकार दहावी अ व दहावी ब च्या मुलींनी सादर केला. दिनांक 3 रोजी सकाळी पालक-शिक्षक संघाच्या उपाध्यक्ष काटे मॅडम व इतर सदस्य यांनी श्री. गणेशाची आरती केली यानंतर पालक शिक्षक संघाच्या वतीने सर्व विद्यार्थिनींना प्रसादाचे वाटप करण्यात आले. सकाळी नऊ ते दहा या वेळात गणेशाची विसर्जन मिरवणूक काढण्यात आली व या विसर्जन मिरवणूक नंतर गणेशोत्सवाची सांगता झाली. शाळेतील दीड दिवसांचा गणेशोत्सव अत्यंत उत्साहात व आनंदात साजरा करण्यात आला. सदर उत्सवाचा देखावा करताना विद्यार्थिनींनी काही महत्त्वाच्या गोष्टींचा विचार केला होता डॉक्टर अब्दुल कलाम यांचे स्वप्न व्हिजन ट्वेंटी-ट्वेंटी यावर आधारित देखावा साजरा करण्यात आला होता यामध्ये प्रगतीचे रूप असणारी पुणे मेट्रो त्याचबरोबर इस्रोचे चांद्रयान 2, चांद्रयान-1, इतर मोहिमा आणि अद्ययावत असणारे आधुनिक शहर ही संकल्पना साकार करण्यात आली होती. विद्यार्थ्यांनी स्वतःच्या प्रयत्नांमधून शाडूच्या मातीपासून मेट्राच्या कॅप्टनच्या वेषातील मंगलमुर्ती स्वतः तयार केली होती. संपूर्णपणे गणपतीची मूर्ती इको फ्रेंडली करण्याचा मुलींचा आटोकाट प्रयत्न होता. सदर कार्यक्रमासाठी शाळेच्या प्राचार्या डॉक्टर सौ सुलभा विधाते मॅडम,शाळेचे उपमुख्याध्यापक श्री कुलकर्णी सर,पर्यवेक्षक श्री नांगरे सर व श्री पवार सर यांच्याबरोबरच शाळेतील इतर शिक्षक वृंद यांनी याकामी महत्त्वाचे व मोलाचे सहकार्य केले. इयत्ता दहावीचे वर्गशिक्षक श्री अद्वैत जगधने व रेखा रायपूरकर यांनी या सर्व कार्यक्रमाचे संपूर्ण आयोजन व नियोजन केले होते .