सैनिकी शाळेत ‘वाचन प्रेरणा दिन’ साजरा…….

वाचन प्रेरणा दिन….
शनिवार दिनांक- १४/१०/२०२३
दिनांक १५ ऑक्टोबर हा डॉ. ए.पी.जे. अब्दुल कलाम यांचा जन्मदिवस आपण वाचन प्रेरणा दिन म्हणून साजरा करतो. वाचन हे ज्ञानार्जनाचे एक साधन आहे. तसेच वाचन ही जीवनभर पुरणारी शिदोरी आहे. अशा या वाचनाचे महत्त्व सांगणारा ‘वाचन प्रेरणा दिन’ म.ए.सो. राणी लक्ष्मीबाई मुलींची सैनिकी प्रशालेमध्ये वाचन प्रेरणा दिनाचे औचित्य साधून दिनांक १४/१०/२०२३ रोजी साजरा करण्यात आला. त्यानिमित्ताने प्रशालेच्या बहुउद्देशीय सभागृहात कार्यक्रमाचे आयोजन करण्यात आले. कार्यक्रमाला प्रमुख पाहुणे म्हणून ज्येष्ठ साहित्यिक श्री. तुकाराम दादा पाटील हे लाभले. आपल्या प्रभावी वक्तृत्वातून त्यांनी वाचनाचे मानवी जीवनातील महत्त्व पटवून दिले. तसेच NIE सकाळ वर्तमानपत्राचे कर्मचारी श्री. समीर सर या कार्यक्रमास उपस्थित होते. इयत्ता सहावी व इयत्ता सातवीच्या विद्यार्थिनींनी NIE सकाळ वर्तमानपत्राचे वाचन देखील केले. इयत्ता सातवी अ मधील विद्यार्थिनींनी कार्यक्रमाचे नियोजन केले. इयत्ता सहावी अ मधील विद्यार्थिनींनी कविता वाचन सादर केले. इयत्ता आठवी अ मधील विद्यार्थिनींनी पुस्तक परीक्षण सादर केले.
या कार्यक्रमासाठी प्रशालेच्या कॅम्पस डायरेक्टर सौ. गीतांजली बोधनकर मॅडम, मुख्याध्यापिका सौ. सुवर्णा कांबळे मॅडम, उपमुख्याध्यापक श्री. कुलकर्णी सर, पर्यवेक्षक श्री. नांगरे सर श्री. पवार सर यांचे तसेच मराठी विभागाचे बहुमोल मार्गदर्शन लाभले.