दिनांक : 09 ते 15 मे 2026
स्थळ : रामबाग, भोर.
म.ए.सो. राणी लक्ष्मीबाई मुलींची सैनिकी शाळेतील स्काऊट शिक्षिका श्रीमती प्रियांका विश्वास गुरव या स्काऊट-गाईड प्रशिक्षण, रामबाग भोर येथे सहभागी झाल्या होत्या. हे प्रशिक्षण शिबिर अत्यंत उपयुक्त, ज्ञानवर्धक आणि प्रेरणादायी ठरले. शिबिरामध्ये शिस्त, स्वावलंबन, नेतृत्वगुण आणि समूहभावना विकसित करण्यावर विशेष भर देण्यात आला.
प्रशिक्षणाच्या पहिल्या दिवशी शिबिराचे उद्घाटन करण्यात आले. त्यानंतर स्काऊट-गाईडचे नियम, प्रतिज्ञा, ध्वजवंदन, प्राथमिक उपचार, गाठी बांधणे, नकाशा वाचन, शिस्तबद्ध संचलन इत्यादी विषयांवर मार्गदर्शन करण्यात आले. विविध प्रात्यक्षिकांद्वारे आम्हाला प्रत्यक्ष अनुभव घेण्याची संधी मिळाली.

शिबिरादरम्यान अनेक सांघिक उपक्रम, खेळ, सांस्कृतिक कार्यक्रम आणि देशभक्तिपर गीते आयोजित करण्यात आली. त्यामुळे सहभागी विद्यार्थ्यांमध्ये आत्मविश्वास, सहकार्याची भावना आणि नेतृत्वगुण वाढीस लागले. प्रशिक्षकांनी दिलेले मार्गदर्शन अत्यंत प्रभावी व प्रेरणादायी होते.
या प्रशिक्षणातून स्वावलंबन, वेळेचे नियोजन, शिस्त आणि सामाजिक जबाबदारी यांचे महत्त्व समजले. हे शिबिर अत्यंत संस्मरणीय आणि उपयुक्त अनुभव ठरले. याचा उपयोग सैनिकी शाळेतील कॅडेटससाठी होणार आहे अशी प्रतिक्रिया श्रीमती प्रियांका गुरव यांनी दिली.
सैनिकी शाळेचे कमांडट एविएन विंग कमांडर म. यज्ञरामन सर, मुख्याध्यापिका. सौ. ज्योती खिरीड मॅडम, सीनियर मास्टर श्री. संदीप पवार सर यांचे मार्गदर्शन लाभले.

Inter Unit Sports Shooting Championship (IUSSC) for the year 2026, was conducted by 2 Mah Girls Bn wef 20 to 22 Apr 2026 at Short Range, NCC Gp HQ, Pune änd firing range at BEG Centre Khadki.

Our Air NCC cadet – Cdt Janhavi Rajesh Maharnur won 1 Gold Medal in Application fire in all Junior boys and girls and 1 Bronze Medal in Grouping fire in Junior girls category.

Janhavi’s outstanding performance in the application firing event cause the 3 Maharashtra Air Squadron NCC, Pune Unit secured the second place in Pune Group.

Thank you to the Commandant Wg Cdr Yagnraman sir, Principal Mrs. Jyoti Khirid ma’am and Senior Master Sandeep Pawar Sir for their support and cooperation.

Special thanks to ANO T/O Rajashree Gophane ma’am and Military Instructor Ex Hav Gajanan Mali sir for their guidance.

MES RLMSS – Camp Shaurya – 2026 – II

म. ए. सो. राणी लक्ष्मीबाई मुलींची सैनिकी शाळेत दि. 2 मे ते 9 मे 2026 या कालावधीत कॅम्प शौर्य – 2 उत्साहात संपन्न झाला.

इ.6 वी ते इ.11 वी च्या एकूण 126 कॅडेट्स ने सैनिकी शाळेच्या साहसी उपक्रमात सहभाग घेतला. आर्टिफिशियल वाॅल क्लांइबिंग’, रिव्हर क्राॅसिंग, स्विमिंग, रायफल शूटिंग, रायडिंग, कराटे, Obstacles, शिवकालीन मर्दानी खेळ, बँड, आपत्ती व्यवस्थापन, बौद्धिक खेळ, कॅम्प फायर, नाईट रुट मार्च, तंबू बांधणे, ड्रिल SSB प्रमाणे कॅडेट्स च्या मुलाखती इ. उपक्रमात सहभाग घेतला. या कॅडेट्स ची शारीरिक क्षमता चाचणी, वैद्यकीय क्षमता चाचणी घेण्यात आली. कॅडेट्स साठी उत्तम भोजन व निवासाची व्यवस्था करण्यात आली होती.
या शिबिरातून व्यक्तिमत्त्व विकसनासाठी सैनिकी शिस्त, राष्ट्रीय संस्कार व पर्यावरण हे गुण रुजविण्याचे प्रयत्न करण्यात आले.

या शिबिराचे उत्कृष्ट आयोजन शाळेचे कमांडंट एविएन विंग कमांडर म. यज्ञरामन सर, प्राचार्या ज्योती खिरीड मॅडम, सिनिअर मास्टर श्री. संदीप पवार यांच्या मार्गदर्शनानुसार शिबिर समन्वयक श्री. गजानन पाटील, सर्व शिक्षक शिक्षकेतर कर्मचारी व सैनिकी परिवाराने केले होते.
Camp Shaurya Photo 2026

MES RLMSS – Camp Shaurya – 2026 – II

म. ए. सो. राणी लक्ष्मीबाई मुलींची सैनिकी शाळेत दि. 2 मे ते 9 मे 2026 या कालावधीत कॅम्प शौर्य – 2 उत्साहात संपन्न झाला.

इ.6 वी ते इ.11 वी च्या एकूण 126 कॅडेट्स ने सैनिकी शाळेच्या साहसी उपक्रमात सहभाग घेतला. आर्टिफिशियल वाॅल क्लांइबिंग’, रिव्हर क्राॅसिंग, स्विमिंग, रायफल शूटिंग, रायडिंग, कराटे, Obstacles, शिवकालीन मर्दानी खेळ, बँड, आपत्ती व्यवस्थापन, बौद्धिक खेळ, कॅम्प फायर, नाईट रुट मार्च, तंबू बांधणे, ड्रिल SSB प्रमाणे कॅडेट्स च्या मुलाखती इ. उपक्रमात सहभाग घेतला. या कॅडेट्स ची शारीरिक क्षमता चाचणी, वैद्यकीय क्षमता चाचणी घेण्यात आली. कॅडेट्स साठी उत्तम भोजन व निवासाची व्यवस्था करण्यात आली होती.
या शिबिरातून व्यक्तिमत्त्व विकसनासाठी सैनिकी शिस्त, राष्ट्रीय संस्कार व पर्यावरण हे गुण रुजविण्याचे प्रयत्न करण्यात आले.

या शिबिराचे उत्कृष्ट आयोजन शाळेचे कमांडंट एविएन विंग कमांडर म. यज्ञरामन सर, प्राचार्या ज्योती खिरीड मॅडम, सिनिअर मास्टर श्री. संदीप पवार यांच्या मार्गदर्शनानुसार शिबिर समन्वयक श्री. गजानन पाटील, सर्व शिक्षक शिक्षकेतर कर्मचारी व सैनिकी परिवाराने केले होते.
Click the link to catch glimpses of Camp Shaurya 2026 – II
Camp Shaurya Photo 2026

महाराष्ट्र एज्युकेशन सोसायटीच्या स्वच्छ शाळा, सुंदर शाळा व पर्यावरण पूरक शाळा स्पर्धेत आज आमच्या म.ए.सो. राणी लक्ष्मीबाई मुलींची सैनिकी शाळेस सलग दुसर्‍या वर्षी प्रथम क्रमांकाचे पारितोषिक मिळाले. रोख रक्कम, सन्मानपत्र व ट्रॉफी, प्रमुख अतिथींच्या हस्ते स्वीकारताना मुख्याध्यापिका सौ. ज्योती खिरीड, शाला समिती अध्यक्षा सौ. आनंदीताई पाटील, महामात्रा प्रा. चित्रा नगरकर, समन्वयक सौ. सावित्री पाटील, लिपिक निकिता जोरी, सिनियर मास्टर व पर्यवेक्षक श्री. संदीप पवार….
💐💐💐💐💐💐

संपूर्ण सैनिकी परिवाराचे मनपूर्वक हार्दिक अभिनंदन…

प्रशालेत आज मंगळवार दिनांक 14 एप्रिल 2026 रोजी डॉ. बाबासाहेब आंबेडकर यांची जयंती उत्साहात साजरी करण्यात आली. स्वच्छता सेविका सौ. अर्चनाताई कांबळे, सौ. सविता ताई मोरे व ज्येष्ठ सेवक श्री. पोपट काका कनगरे यांच्या शुभहस्ते डाॅ. बाबासाहेब आंबेडकर यांच्या प्रतिमेस पुष्पहार अर्पण करण्यात आला. ज्येष्ठ शिक्षक श्री. महेश कोतकर यांनी डॉ. बाबासाहेब आंबेडकर यांच्या जीवनाविषयी सविस्तर माहिती सांगितली. शाळेचे सिनिअर मास्टर व पर्यवेक्षक श्री. संदीप पवार यांनी सर्वांना शुभेच्छा दिल्या. या कार्यक्रमाचे आयोजन श्री. भाऊसाहेब मार्तंड, श्री. रविराज थोरात यांनी केले होते. या प्रसंगी सौ. सावित्री पाटील, श्री. शिवदास कापुरे व श्रीमती निलांबरी ताई हे उपस्थित होते.

आज रविवार दिनांक 5 एप्रिल 2026 रोजी प्रशालेत इ.10 वी चे उन्हाळी वर्ग व इ.12 वी चे CET वर्ग उत्साहात सुरू झाले.
💐💐💐💐💐🙏🙏🙏🙏🙏

02 Apr 26 / Wed

In a first, select Cadets of Class XII & X Designates along with members of Staff, coordinated by
Shri Pramod Zurmure, Dept of Biology, RLMSS visited the Aviation Training Centre. The contingent had
Ms Jayashree Garud, Ms Sanskruti Mangawade & Mr Ram Dhait helping the cause.

At Yoskies Training Centre,
the RLMSS Contingent was briefed by Capt Ritesh Kokare, a qualified Pilot by himself, on various aspects of Civil Aviation while imparting the Cadets with the introductory knowledge of Aerodrome Layout, Orientation, Navigational aids, Telecommunication, RT Phraseology, Meteorology, Regulations etc.

Cadets were thrilled to have gone through live demonstrations on Airbus and Cessna aircraft Simulators.

Airveteran Sqn Ldr Ajay Paranjape, the Founder President of Yoskies interacted with the Cadets and spoke about the Aviation legacy, with few anecdotes and case studies and encouragingly made the Cadets understand the finer aspects of Civil Aviation and the possibility RLMSS Cadets getting trained by Yoskies in days to come.

Cadets could also interact with the Yoskiens
Airveterrans
Air Cmde V Dedgaonkar, Gp Capt JK Joshi, Capt Tushar Kaul and Mr Khushagra and felt enriched.

Memorable.

Thanks dear Ponju Sir (Sqn Ldr Ajay Paranjape) & Team Yoskies.

Best of our wishes,
🙏
~ The MES RLMSS Family, Pune

मएसो राणी लक्ष्मीबाई मुलींची सैनिकी शाळा येथे इयत्ता बारावीची पासिंग आऊट परेड उत्साहात संपन्न झाली. इयत्ता बारावीच्या कॅडेटसनी शानदार संचलन करीत प्रमुख अतिथींना मानवंदना देत अंतिम पग पार केले. अ‍ॅकॅडमिक कॅडेट कॅप्टन शैजल राकेश पाटील हिने पासिंग आऊट परेड चे नेतृत्व केले. सैनिकी शाळेच्या इतिहासात पहिल्यांदाच इ.12 वी च्या कॅडेटस नी शानदार असे सशस्त्र संचलन केले. कार्यक्रमाचे प्रमुख अतिथी म्हणून कर्नल पंकज करवंदे (निवृत्त), सौ. मंजुषा करवंदे, मएसो कलावर्धिनी महामात्र व रंगवेध 2026 चे समन्वयक डाॅ. गोविंद कुलकर्णी, सैनिकी शाळेचे कमांडंट एविएन विंग कमांडर म. यज्ञरामन, सिनिअर मास्टर व पर्यवेक्षक संदीप पवार हे उपस्थित होते. आपल्या मनोगतात कर्नल पंकज करवंदे यांनी सांगितले की देशाच्या संरक्षण व्यवस्थेत महिलांसाठी अनेक संधी निर्माण होत आहेत त्या दृष्टीने सर्वच कॅडेटसनी आपली शारीरिक, मानसिक व बौद्धिक क्षमता वाढविली पाहिजे असे सांगितले. याप्रसंगी सैनिकी शाळेची मानाची असलेली तलवार “बेस्ट स्वार्ड ऑफ ऑनर” चा बहुमान अ‍ॅकॅडमिक कॅडेट कॅप्टन शैजल राकेश पाटील हिला मिळाला, तर बेस्ट इन अ‍ॅकॅडमिक्स ट्रॉफी अ‍ॅकॅडमी अ‍ॅडज्युटंट कॅडेट भक्ती तानाजी मोरे, बेस्ट इन आऊट डोअर ट्रेनिंग ट्रॉफी स्पोर्ट्स व्हाइस कॅप्टन कॅडेट रिद्धी रोहित पासलकर यांना प्रमुख अतिथींच्या हस्ते पारितोषिके देण्यात आली.
दरवर्षीप्रमाणे एन सी सी च्या द्वितीय वर्षातील उत्तम प्रदर्शन करणाऱ्या कॅडेट्सना ट्रॉफीज देऊन गौरविण्यात आले. यामध्ये ‘बेस्ट इन टर्नआउट’ हा पुरस्कार LFC लावण्या शिवकुमार मुंडासे, ‘बेस्ट इन ड्रिल’ हा पुरस्कार Cpl कृष्णा अमित ढोरे आणि ‘बेस्ट कॅडेट ऑफ २०२४-२५’ हा पुरस्कार LFC देविका सुहास ताड यांना पाहुण्यांच्या हस्ते देण्यात आला.
या पासिंग आऊट परेड कार्यक्रमाचे आयोजन हवालदार गजानन माळी, सुभेदार नवनाथ पवार, क्रीडा शिक्षक महादेव मगर, ए एन ओ थर्ड ऑफिसर राजश्री गोफणे, एनसीसी प्रशिक्षक तेजश्री दिघे व कार्तिकी भालेराव, सर्व शिक्षक-शिक्षकेत्तर कर्मचारी व सैनिकी परिवाराने केले होते.

पुणे दि. 28 मार्च 2026
महाराष्ट्र एज्युकेशन सोसायटीच्या म.ए.सो. ‘कलावर्धिनी’ तर्फे तीन दिवसीय ‘रंगवेध’ चित्रकला प्रदर्शनाचे आयोजन करण्यात आले होते. समारोप व बक्षीस वितरण समारंभाचा कार्यक्रम शनिवार दिनांक 28 मार्च 2026 रोजी संध्याकाळी 4.00 वाजता म.ए.सो. राणी लक्ष्मीबाई मुलींची सैनिकी शाळेत उत्साहात संपन्न झाला.
या कार्यक्रमासाठी सुप्रसिद्ध चित्रकार डॉ. किशोर इंगळे (कला संचालक, कला संचालनालय, महाराष्ट्र शासन) हे प्रमुख अतिथी म्हणून उपस्थित होते तर कार्यक्रमाच्या अध्यक्षस्थानी म.ए.सो. उपाध्यक्ष श्री. प्रदीपजी नाईक उपस्थित होते. व्यासपीठावर
म.ए.सो. कलावर्धिनी अध्यक्ष डॉ. दिलीप शेठ, म.ए.सो. सचिव डॉ. अतुल कुलकर्णी, महामात्र डॉ. गोविंद कुलकर्णी, सीनियर मास्टर व पर्यवेक्षक श्री. संदीप पवार आणि परीक्षक डॉ. रुपेश पवार – हिरगुडे उपस्थित होते. कार्यक्रमापूर्वी सर्व मान्यवरांना एन.सी.सी. कॅडेट्सने मानवंदना दिली. मान्यवरांनी सैनिकी शाळेच्या घोष पथकाचे निरीक्षण आणि कौतुक केले. रंगवेध फलकावर मान्यवरांनी स्वाक्षऱ्या केल्या व प्रदर्शनाची पाहणी केली. म.ए.सो. कलावर्धिनी रंगवेध चित्र प्रदर्शन हे आनंदी व उत्साहपूर्ण वातावरणात हा सोहळा उजळून निघाला. म.ए.सो. च्या व मुळशी परिसरातील शाळातील विद्यार्थी, शिक्षक व पालकांनी प्रदर्शनास भेट दिली. कलेने भारावून गेलेल्या वातावरणाचा आनंद घेतला.
कार्यक्रमाची सुरुवात दीपप्रज्वलनाने झाली, प्रसंगी शिक्षिका सौ. श्रेया दिघे यांनी सरस्वती वंदना आपल्या मधुर स्वरात सादर केली. म.ए.सो. कलावर्धिनीचे अध्यक्ष डॉ. दिलीप शेठ यांनी कार्यक्रमाचे प्रास्ताविक केले. त्यांनी आपल्या प्रास्ताविकातून प्रत्येकामध्ये काही ना काही कला असते. प्रत्येक व्यक्तीत एक शिल्प दडलेले असते. मुलांमधील उत्साह निर्माण करून देण्याचा चित्रकला हा एक मार्ग आहे. कलावर्धिनीच्या माध्यमातून रंगवेध, स्वरवेध, तालवेध इ. उपक्रम सुरू असल्याचे सांगितले .सुमारे ३०० हून अधिक निवडक चित्रांचे हे भव्य कलादालन असल्याचे मत व्यक्त केले. प्रत्येकाने एक तरी कला जोपासली पाहिजे असे सांगितले व रंगवेध या उपक्रमास शुभेच्छा दिल्या.
चित्रप्रदर्शनाचे परीक्षक श्री. हिरगुडे सर यांनी चित्रांविषयी आपले मनोगत व्यक्त करताना निसर्ग चित्र, स्मरण चित्र, व्यक्ती चित्र इ. बाबत माहिती दिली. तसेच विद्यार्थिनी, शिक्षक उपस्थितांना चित्र रेखाटन याविषयी मार्गदर्शन केले.
सर्व मान्यवरांचा परिचय कलाशिक्षक श्री. अनिल म्हस्के यांनी केला. तसेच सर्व मान्यवरांचे स्वागत व सन्मान शाल, श्रीफळ, पुष्पगुच्छ, रंगवेध सन्मानचिन्ह, व विद्यार्थ्यांनी रेखाटलेल्या चित्रांच्या फ्रेम, विद्यार्थ्यांनी रंगवलेल्या कापडी टोड बॅग देऊन करण्यात आले.
प्रमुख अतिथी कला संचालक डॉ. किशोर इंगळे यांनी रंगवेध प्रदर्शनाच्या यशस्वी आयोजनाबाबत म.ए.सो. कलावर्धिनीचे विशेष अभिनंदन, कौतुक केले व पुढील वाटचालीस शुभेच्छा दिल्या. संस्थेच्या मुलींची सैनिकी शाळा या अभिनव योजनेचे विशेष कौतुक केले. कलाक्षेत्राचा प्रसार व प्रचार होण्यासाठी कला संचालनालयामार्फत राबविण्यात येणाऱ्या विविध योजनांची माहिती दिली.
कार्यक्रमाचे अध्यक्ष श्री. प्रदीपजी नाईक यांनी विविध प्रांतामध्ये कलागुणांना वाव देण्यासाठी आयोजित करण्यात येणाऱ्या उपक्रमाची माहिती देत मुक्त कलेचे महत्त्व आपल्या मनोगतातून विशद केले.
बक्षीस वितरणाच्या कार्यक्रमात कला शिक्षक श्री. अमित पाटील यांनी बक्षिसप्राप्त विद्यार्थ्यांची नावे जाहीर केली व मान्यवरांच्या हस्ते बक्षिसांचे वितरण करण्यात आले.
गटनिहाय प्रथम तीन व उत्तेजनार्थ क्रमांक जाहीर करण्यात आले.
1) कु तृषा लिंगप्पा कोळेकर (2 ऱी)- प्रथम
आद्य क्रांतिवीर वासुदेव बळवंत फडके विद्यालय, पनवेल
2) कु मिराब मायरा शेख (3 ऱी) – द्वितीय
म ए सो पब्लिक स्कुल कळंबोली
3) कु साई विनोद वाफारे (2 री) – तृतीय
ज्ञानमंदिर कळंबोली
4) मार्तंड सचिन कोकरे (4 थी) – उत्तेजनार्थ
बालविकास मंदिर सासवड

गट क्रमांक 2 इयत्ता पाचवी ते सातवी
1) कु अनन्या महेंद्र जोशी (7 वी) – प्रथम
आद्य क्रांतिवीर वासुदेव बळवंत फडके विद्यालय, पनवेल
2) कु जयदीप साहेब गायकवाड (7 वी)- द्वितीय
वाघिरे विद्यालय, सासवड
3) कु आराध्या सोमीदास ठाकरे (6 वी) – तृतीय
रेणावीकर विद्यालय, अहिल्यानगर
4) कु आयुष सतीश शिंदे ( 6 वी ) – उत्तेजनार्थ
म ए सो मुलांचे विद्यालय , पुणे

गट क्रमांक -3 इयत्ता आठवी ते दहावी
1) कु श्रवण मोहन आकारशे (8 वी) – प्रथम
वाघिरे विद्यालय, सासवड
2) कु सान्वी संदीप पाटणकर (8 वी) – द्वितीय
बालशिक्षण इंग्रजी माध्यम प्रशाला पुणे
3) ऋषिकेश संतोष सासवे (9 वी) – तृतीय
विमलाबाई गरवारे प्रशाला पुणे
4) कु वेदिका नंदकुमार शिंगाबे (9 वी)- उत्तेजनार्थ
ग.भि.देशपांडे विद्यालय बारामती

गट क्रमांक 4 – इयत्ता अकरावी व बारावी
1) कु कार्तिक मुगुट निकम (12 वी) – प्रथम
म ए सो मुलांचे विद्यालय पुणे
2) कु आर्यन अभिजित जाधव – द्वितीय
म ए सो मुलांचे विद्यालय पुणे
3) कु ज्ञानेश्वरी अतुल शिंदे- (11 वी) – तृतीय
राणी लक्ष्मीबाई मुलींची सैनिकी शाळा
4) कु राजलक्ष्मी शरद कांबळे – उत्तेजनार्थ
बालशिक्षण इंग्रजी माध्यम प्रशाला पुणे

म.ए.सो. कलावर्धिनीचे महामात्र डॉ. श्री. गोविंद कुलकर्णी यांनी सर्वांचे आभार मानले व पुढील वर्षी सहाव्या रंगवेध कार्यक्रमाचे आयोजन म ए सो रेणावीकर विद्यालय अहिल्यानगर येथे करणार असल्याचे जाहीर केले.
परिसरातील एकूण ०९ शाळांतील ४०० हून अधिक विद्यार्थी, स्थानिक नागरिक, पालक, कलाशिक्षक इ. नी चित्रप्रदर्शनाला भेट देऊन उत्स्फूर्त प्रतिसाद दिला व उत्कृष्ट कलाकृती पाहण्याचा आनंद अनुभवला.
सैनिकी शाळेतील कला विभाग प्रमुख श्री. रविराज थोरात यांनी संपूर्ण कार्यक्रमाचे सूत्रसंचालन केले व त्यांचा उत्कृष्ट आयोजबाबत सन्मान करण्यात आला.
कार्यक्रमाची सांगता व्यक्तिमत्व विकासाच्या समुपदेशक सौ. श्रेया दिघे यांनी मधुर स्वरात सादर केलेल्या पसायदानाने करण्यात आली.

पुणे दि. २७ मार्च २०२६
महाराष्ट्र एज्युकेशन सोसायटीच्या म.ए.सो. ‘कलावर्धिनी’ तर्फे तीन दिवसीय ‘रंगवेध’ चित्रकला प्रदर्शनाचे आयोजन करण्यात आले आहे. उद्घाटन समारंभाचा कार्यक्रम शुक्रवार दिनांक २७ मार्च २०२६ रोजी सकाळी १०.३० वाजता म.ए.सो. राणी लक्ष्मीबाई मुलींची सैनिकी शाळेत ‘रंगवेध’ चित्रकला प्रदर्शन उद्घाटनाचा कार्यक्रम उत्साहात संपन्न झाला.
या चित्र प्रदर्शनाचे सुप्रसिद्ध नेत्रशल्य विशारद व चित्रकार डॉ. माधवी मेहेंदळे यांनी केले. प्रसंगी महाराष्ट्र एज्युकेशन सोसायटीचे अध्यक्ष एअर मार्शल भूषण गोखले (निवृत्त) यांनी अध्यक्षस्थान भूषविले. संस्थेच्या नियामक मंडळाच्या उपाध्यक्षा सौ. आनंदीताई पाटील यांची विशेष उपस्थिती होती. म. ए. सो. कलावर्धिनी अध्यक्ष डॉ. दिलीप शेठ व महामात्र डॉ. गोविंद कुलकर्णी, महामात्र सौ. चित्रा नगरकर, म.ए.सो. राणी लक्ष्मीबाई मुलींची सैनिकी शाळेचे कमांडंट एविएन विंग कमांडर म. यज्ञरामन, सीनियर मास्टर/पर्यवेक्षक श्री. संदीप पवार या मान्यवरांना एन.सी.सी कॅडेट्सने मानवंदना दिली. मान्यवरांनी सैनिकी शाळेच्या घोष पथकाचे निरीक्षण आणि कौतुक केले. नेत्र शल्य विशारद व चित्रकार डॉ. माधवी मेहंदळे यांच्या हस्ते ‘रंगवेध’ चित्रकला प्रदर्शनाचे उद्घाटन करण्यात आले. रंगवेध फलकावर मान्यवरांनी स्वाक्षऱ्या केल्या. म.ए.सो. कलावर्धिनी रंगवेध चित्र प्रदर्शन हे आनंदी व उत्साह पूर्ण वातावरणात हा सोहळा उजळून निघाला. मान्यवरांचे कलादालनात आगमन झाले. सर्व मान्यवरांनी विद्यार्थी कलाकारांच्या चित्रांची पाहणी केली.
कार्यक्रमाची सुरुवात दीपप्रज्वलनाने झाली. व्यक्तिमत्व विकासाच्या सौ. श्रेया दिघे यांनी सरस्वती वंदना आपल्या मधुर स्वरात सादर केली. प्रशालेतील कॅडेट्सनी ‘स्वागतम शुभ स्वागतम’ हे स्वागतगीत सादर केले. म.ए.सो. कलावर्धिनीचे अध्यक्ष श्री. दिलीप शेठ यांनी कार्यक्रमाचे प्रास्ताविक केले. त्यांनी आपल्या प्रास्ताविकतेतून प्रत्येकामध्ये काही ना काही कला असते. प्रत्येक व्यक्तीत एक शिल्प दडलेले असते. कलावर्धिनीच्या माध्यमातून रंगवेध, स्वरवेध, तालवेध इ. उपक्रम सुरू असल्याचे सांगीतले. सुमारे ३०० हून अधिक निवडक चित्रांचे हे भव्य कलादालन असल्याचे मत व्यक्त केले.
म.ए.सो. च्या उपाध्यक्षा सौ. आनंदी पाटील यांनी आपल्या मनोगतातून चित्रकला विषयाला चालना देण्यासाठी म.ए.सो. कलावर्धिनी ची स्थापना करण्यात आली. तसेच प्रत्येकाने एक तरी कला जोपासली पाहिजे असे सांगितले व रंगवेध या उपक्रमास शुभेच्छा दिल्या.
यानंतर प्रसिद्ध नेत्रशल्य विशारद व चित्रकार डॉ. माधवी मेहेंदळे यांनी विद्यार्थिनी, शिक्षक व नागरिकांना मार्गदर्शन केले. आपल्या मार्गदर्शनातून व्यक्त होताना डॉ. मेहेंदळे म्हणाल्या की चित्रांमुळे एकाग्रता वाढते. डिजिटल स्क्रीन टाईम कमी होऊन चित्र काढण्यात स्वतःला व्यस्त ठेवता येते. कल्पना स्वातंत्र्यास वाव मिळून एक सकारात्मक ऊर्जा निर्माण होते. चित्रकला शिक्षणातून स्वतःचे वैचारिक क्षितिज विस्तारता येऊन व्यक्तिमत्वाची जडणघडण होते. म.ए.सो. आर्ट वॉलच्या माध्यमातून चित्रकला या विषयात सुंदर काम करीत आहे. चित्रांतून आपल्याला प्रेरणा, आनंद निर्माण होऊन मनातील भाव प्रकट करता येतात. सामाजिक संदेश देणारी, पर्यावरण विषयक मांडणी असणारी चित्रे देखील या प्रदर्शनात आवर्जून प्रदर्शित करण्यात आल्याचे त्यांनी सांगितले. भावना शब्दातून चित्रातून व्यक्त करता येत असते. कला ही सर्वांना जोडत असते. आदिमानवाने गुहांमध्ये काढलेली चित्रे यावरून असे समजते की त्यांचे जीवन कशा प्रकारचे होते हे समजते.
म.ए.सो. अध्यक्ष एअर मार्शल भूषण गोखले (निवृत्त) यांनी आपल्या मनोगतातून मी पुन्हा एकदा चित्र काढायला शिकत आहे असे आवर्जून सांगितले. म.ए.सो. चित्रकला विषयात नवनवीन कल्पना अमलात आणून विद्यार्थ्याच्या चित्रांचे एक उच्च दर्जाचे कलादालन उभारते ही एक वेगळी आणि युनिक अशी कल्पना असल्याचे त्यांनी सांगितले. या तीन दिवसीय प्रदर्शनात सुलेखन, फेस पेंटिंग, शिल्पकला इत्यादी विषयावर विविध सत्रे होणार असून, हे रंगवेध दि. २९ मार्च पर्यंत सर्वांसाठी खुले असणार आहे.
म.ए.सो. कलावर्धिनीचे महामात्र डॉ. श्री. गोविंद कुलकर्णी यांनी कार्यक्रमाचे आभार मानले. तर चित्रकला शिक्षिका सौ. यशोधिनी कुलकर्णी यांनी संपूर्ण कार्यक्रमाचे सूत्रसंचालन केले.