आनंदी शनिवार व ATL community involvement उपक्रमास उत्स्फूर्त प्रतिसाद…
शनिवार दिनांक 5 ऑक्टोबर 2024 रोजी आनंददायी शनिवार व ATL community involvement उपक्रमांर्गत इयत्ता 6 वी ते 8 वी च्या विद्यार्थ्यांसाठी विज्ञान खेळणीद्वारे सहज शिक्षण या कार्यक्रमाचे आयोजन प्रशालेत करण्यात आले होते. ATL community involvement द्वारे तालुक्यातील विविध शाळांमधील विदयार्थ्यांना समूह शाळेच्या माध्यमातून आधुनिक तंत्रज्ञानाची ओळख व्हावी व विज्ञान प्रसाराद्वारे विज्ञान विषयक रुची निर्माण व्हावी या उद्देशाने सैनिकी शाळेमार्फत विविध कार्यक्रमांचे आयोजन प्रतिवर्षी केले जाते. विज्ञान भारती चे सदस्य व नेहरू विज्ञान केंद्र, मुंबई येथे 30 वर्षे विज्ञान समन्वयक म्हणून कार्यरत असलेले मा. श्री. विठ्ठल रायगावकर व त्यांचे सहकारी मा. श्री. सुनिलजी चांदोरकर हे प्रमुख अतिथी म्हणून उपस्थित होते. भारतीय शास्त्रज्ञांचे संशोधनक्षेत्रातील योगदान, विविध विज्ञान कृती उपकरणे, प्रयोग व खेळणीद्वारे विज्ञानविषयक संकल्पना व दैनंदिन जीवनातील विज्ञान याविषयी प्रमुख अतिथींनी मार्गदर्शन केले.
काही कृती विदयार्थ्यांनी स्वतः केल्या तर प्रयोग सादऱीकरणामध्ये विविध शाळांतील विदयार्थ्यांनी प्रत्यक्ष सहभाग नोंदवला.
कार्यशाळेसाठी मुळशी तालुक्यातील 11 निमंत्रित शाळांपैकी 8 शाळांमधील इयत्ता 6 वी ते 8 वी च्या एकूण 275 विद्यार्थी व 22 विज्ञान शिक्षकांनी उत्स्फूर्त सहभाग नोंदवला.
कार्यक्रमाचे सूत्रसंचालन इयत्ता 8 वी च्या विद्यार्थिनी कॅडेट शिवांजली ढगे व कॅडेट देविका ताड यांनी केले. प्रास्ताविक व अतिथी परिचय ATL incharge सौ. मंजिरी पाटील तर आभार विज्ञान विभाग प्रमुख सौ. वैशाली शिंदे यांनी मानले. प्रशालेचे कमांडंट एअर विंग कमांडर (निवृत्त) यज्ञरमण सर व मुख्याध्यापिका श्रीमती पूजा जोग मॅडम यांनी उपस्थितांसोबत संवाद साधला.
कार्यक्रमासाठी प्रशालेचे पर्यवेक्षक श्री. श्याम नांगरे व श्री. संदीप पवार तसेच सर्व शिक्षकवृंद उपस्थित होते.
कार्यशाळेविषयी प्रातिनिधिक स्वरूपात मनोगत 2 विद्यार्थी व
जिल्हा परिषद प्राथमिक शाळा, शिंदेवाडी येथील शिक्षिका सौ. अश्विनी पवार व संस्कार स्कूल पिरंगुट येथील शिक्षिका कोल्हे मॅडमनी व्यक्त केले.
कार्यक्रमाचा समारोप विज्ञान गीताद्वारे करण्यात आला.
