२७ फेब्रुवारी २०२४
मराठी राजभाषा दिनानिमित्त कार्यक्रम
भाषा संवर्धन पंधरवडा :-
“मराठी भाषेचा प्रचार व प्रसार” या विभागाच्या मुख्य धोरणास अनुसरून ” मराठी भाषा संवर्धन पंधरवडा” शासन परिपत्रकानुसार-
प्रशालेत सोमवार दिनांक १४ जानेवारी २०२५ ते २८ जानेवारी २०२५ दरम्यान उपक्रम राबविण्यात आले.
सोमवार दिनांक १४ जानेवारी २०२५ रोजी परिपाठात प्रशालेतील ज्येष्ठ शिक्षक श्री. अद्वैत जगधने सर यांनी मराठी भाषेचे महत्त्व आणि मराठी भाषेला मिळालेला अभिजात दर्जा याबाबत मार्गदर्शन केले.
अभिवाचन उपक्रम :-
१६ जानेवारी इ.११ वी कु. अदिष्ठी काळे हिने अच्युत गोडबोले यांचे ‘मुसाफिर’ या पुस्तकाचे अभिवाचन केले. १७ जानेवारी इ.११ वी कु. सर्वज्ञा गांजाळे हिने बाबासाहेब पुरंदरे यांचे ‘शिवचरित्र’ या पुस्तकाचे वाचन केले.
१८ जानेवारीरोजी इ.११ वी कु. स्वराली ठेलकर हिने शरद तांदळे यांचे अंत्रप्रेन्यूअर या पुस्तकाचे अभिवाचन केले. २० जानेवारी रोजी इ.११ वी कु. सिद्धी वाडेकर हिने माझा प्रवास या पुस्तकाचे अभिवाचन केले. २१ जानेवारी कु. समिक्षा आगवणे हिने ‘पानिपत’ या पुस्तकाचे अभिवाचन केले.
पुस्तक परीक्षण :-
२२ जानेवारी रोजी इ. ८ वी तील कु. सारा चत्तुरे हिने स्वामी विवेकानंदांचे जीवन विचार या पुस्तकातील विचार व्यक्त केले. २३ जानेवारी रोजी इयत्ता ९ वी अ कु. अद्विका केदारी हिने महाभारताचे रहस्य या पुस्तकातील विचार व्यक्त केले. २४ जानेवारी रोजी प्रशालेच्या अध्यापिका सौ. वैशाली शिंदे यांनी ‘अग्निपंख’ हे डॉ.ए.पी.जे अब्दुल कलाम यांचे आत्मचरित्र या पुस्तकाचे पुस्तक परीक्षण केले.
हस्ताक्षर स्पर्धाः-
व्हीनस ट्रेडर्स तर्फे, मराठी आणि इंग्रजी विषयासाठीच्या सोमवार दि. १३ जानेवारी २०२५ रोजी इयत्ता ६ वी ते ९ वी च्या विद्यार्थिनींच्या हस्ताक्षर स्पर्धा घेतली.
स्पर्धा दोन गटात घेतली इ. ६ वी ते ७ वी गट आणि इ.८ वी ते ९ वी गट हस्ताक्षर स्पर्धा
इयत्ता ६ वी ते ७ वी गट विजेत्या विद्यार्थिनी पुढीलप्रमाणे
प्रथम क्रमांक कु. अपर्णा कैलास भोरडे इ.७ वी अ
द्वितीय क्रमांक कु. संनिधी गोवर्धन पुजारी इ. ७ वी ब
तृतीय क्रमांक कु. तनिष्का राहुल सस्ते इ.७ वी ब
गुरुवार दिनांक २७ फेब्रुवारी २०२५ रोजी मराठी राजभाषा दिन कार्यक्रम उत्साहात साजरा…..
थोर साहित्यिक वि.वा. शिरवाडकर उर्फ कुसुमाग्रज यांचा जन्मदिवस २७फेब्रुवारी ‘मराठी राजभाषा गौरव दिन’ म्हणून साजरा केला जातो. या निमित्ताने म.ए.सो. राणी लक्ष्मीबाई मुलींची सैनिकी शाळा, कासार आंबोली तालुका मुळशी जि. पुणे येथे गुरुवार दिनांक २७ फेब्रुवारी २०२५ रोजी प्रशालेच्या बहुउद्देशीय सभागृहात उत्साहात सकाळी ७.४० ते ९.१५ या वेळेत संपन्न झाला. सदरच्या कार्यक्रमासाठी प्रशालेचे कमांडेंट विंग कमांडर एम. यज्ञरमन, प्राचार्या श्रीमती पूजा जोग, पर्यवेक्षक श्री. संदीप पवार कार्यक्रमास उपस्थित होते. सर्व मान्यवरांनी प्रतिमापूजन केले. सदर कार्यक्रमाची सुरुवात प्रशालेच्या इयत्ता नववीच्या विद्यार्थिनींनी २० कवितांचे तालासुरात काव्यगायन केले. तसेच इयत्ता ६ वी अ तील कॅ. श्रुतिका घिवारे विद्यार्थिनींनी कविवर्य कुसुमाग्रज यांच्या विषयी माहिती सांगितली आणि इयत्ता ६ वी अ च्या विद्यार्थिनींनी जीवन हे निसर्गाने दिलेले एक अनमोल वरदान आहे हे ‘बहुमोल जीवन’ या कवितेचे कृतियुक्त गायन केले. इ.९ वी अ कॅ. कार्तिकी निंबाळकर या विद्यार्थिनींनी आभार प्रदर्शन केले.
प्रशालेचे कमांडेंट विंग कमांडर एम. यज्ञरमन, प्रशालेच्या प्राचार्या श्रीमती पूजा जोग, पर्यवेक्षक श्री. संदीप पवार या सर्व पदाधिकाऱ्यांचे नेहमीच मोलाचे मार्गदर्शन लाभत असते.
या कार्यक्रमाचे सर्व नियोजन मराठी विभागाने केले होते.
मराठी राजभाषा आमची
महाराष्ट्राची शान !
भजन कीर्तन ऐकताना,
हरपते भान.
