⚜️ म.ए.सो राणी लक्ष्मीबाई मुलींची सैनिकी शाळा कासार आंबोली येथे मुळशी तालुका स्काऊटर गाईडर उजळणी वर्ग व तंबाखू मुक्त कार्यशाळा उत्साहात संपन्न… ⚜️
आज दि. २८/०७/२०२५
जिल्हा परिषद पुणे शिक्षण विभाग पुणे, भारत स्काऊट्स आणि गाईड्स, जिल्हा कार्यालय पुणे गटशिक्षणाधिकारी कार्यालय मुळशी यांच्या संयुक्त विद्यमाने तालुकास्तरीय एक दिवसीय स्काऊटर व गाईडर युनिट नोंदणी व उजळणी वर्ग आणि तंबाखूमुक्त कार्यशाळेचे आयोजन करण्यात आले. म.ए.सो राणी लक्ष्मीबाई मुलींची सैनिकी शाळा कासार आंबोली, तालुका मुळशी जिल्हा पुणे येथे संपन्न झाला.
कार्यशाळेचे उद्घाटन मुळशी तालुका गटशिक्षणाधिकारी तथा सहाय्यक जिल्हा आयुक्त स्काऊट मा. श्री. दत्तात्रय भालेराव यांच्या शुभ हस्ते झाले.
प्रमुख पाहुणे म्हणून दिगंबर करंडे (जिल्हा संघटक – स्काऊट), श्रीमती उषा हिरवाळे (जिल्हा संघटक – गाईड), श्रीमती सुनेत्रा वेदपाठक (जिल्हा प्रशिक्षण समुपदेशक गाईड, पुणे), डॉ. जयश्री सारस्वत, प्रभारी विस्तार अधिकारी मा. श्री. सोपान ठकोरे, प्रशालेच्या प्राचार्या पूजा जोग, पर्यवेक्षक संदीप पवार, विषयतज्ञ श्री. प्रदीप आखाडे, कार्यालयीन कर्मचारी विनोद उमाप, तंबाखू मुक्त अभियान मार्गदर्शक श्री. उमाकांत क्षीरसागर, श्री. सोमनाथ लांडे, श्री संजय बनसोडे व सौ. सारिका बेल्हेकर शिक्षण विभागाचे सर्व केंद्रप्रमुख, मुख्याध्यापक इ. मान्यवर उपस्थित होते.
स्काऊट गाईड चळवळीचे जनक लॉर्ड बेडन पावेल व विद्येची आराध्य देवता माता सरस्वती यांच्या प्रतिमा पूजनानंतर स्काऊट गाईड प्रार्थनेने उजळणी वर्गाची सुरुवात झाली.
कार्यक्रमात उपस्थित मान्यवरांचे स्वागत व सत्कार म.ए.सो राणी लक्ष्मीबाई मुलींचे सैनिकी शाळा प्राचार्या पूजा जोग मॅडम व पर्यवेक्षक संदीप पवार हस्ते करण्यात आला.
या उपक्रमात मुळशी तालुक्यातील जिल्हा परिषद शाळा, माध्यमिक शाळा तसेच खाजगी शाळांतील स्काऊटर व गाईडर शिक्षकवर्ग मोठ्या संख्येने उपस्थित होता. तंबाखूमुक्त आरोग्य संपन्न शाळा व युनिट नोंदणी प्रक्रिया, स्काऊट-गाईड चळवळीची तत्त्वे व कार्यपद्धती यावर सखोल मार्गदर्शन करण्यात आले.
कार्यक्रमाच्या यशस्वी आयोजनासाठी सैनिकी शाळेचे कमांडंट एविएन विंग कमांडर एम. यज्ञरामन यांच्या मार्गदर्शनानुसार गाईड प्रमुख सौ. दिपाली आंबेकर, प्रियांका हजारे, प्रियांका राजहंस, सौ. दिपाली भावसार, श्रीमती. प्रियांका गुरव, सौ. जयश्री गरुड व मेट्रन्स, यांनी अथक परिश्रम घेतले. त्यांच्या समन्वयातून संपूर्ण कार्यक्रम यशस्वी व सुरळीत पार पडला.
कार्यक्रमाचे प्रास्ताविक जिल्हा संघटक स्काऊट गाईड श्री. दिगंबर करंडे, सूत्रसंचालन सौ. दिपाली आंबेकर यांनी केले. तर आभार श्री. संदीप पवार यांनी मानले. राष्ट्रगीता नंतर कार्यक्रमाची सांगता झाली.
उपस्थित मान्यवर व शिक्षकांनी कार्यक्रमाचे उत्स्फूर्त कौतुक करत, अशा उपक्रमांची सातत्याने गरज असल्याचे मत व्यक्त केले.
⚜️👍🌹👆⚜️👍🌹👆⚜️
