शनिवार दि. 08/02/2025 रोजी प्रशालेत म. ए. सो. चे उपाध्यक्ष मा. प्रदीपजी नाईक, मा. सौ. सुधा नाईक, महर्षी कर्वे संस्थेच्या Vision School मधील प्राचार्या, स्टाफ व काही निवडक मुली यांनी भेट दिली. सैनिकी शाळेचा दिनक्रम, सैनिकी शाळेतील विविध उपक्रम, त्याचबरोबर सैनिकी शाळेत चालणारे सैनिकी प्रशिक्षण अनुभवण्यासाठी त्यांनी प्रशालेस भेट दिली. सुरुवातीस सर्व पाहुण्यांचे औक्षण करून स्वागत करण्यात आले. प्रशालेचे कमांडंट श्री.एम. यज्ञरमण व प्रशालेच्या मुख्याध्यापिका श्रीमती पूजा जोग यांनी प्रशालेतील सर्व शिक्षक शिक्षकेतर कर्मचारी यांचा पाहुण्यांना परिचय करून दिला. त्यानंतर सर्वांना प्रशालेचा परिसर दाखविण्यात आला. त्यानंतर आलेल्या सर्व मुलींनी घोडेस्वारी, रायफल शूटिंग, आर्चरी, ट्रेकिंग या ऍक्टिव्हिटीज मध्ये उत्स्फूर्तपणे सहभाग घेतला. तसेच Vision school मधील आलेल्या सर्व शिक्षिका यांनी देखील सर्व ऍक्टिव्हिटी मध्ये उत्स्फूर्तपणे सहभाग घेतला. सर्वांनी दुपारी मेस मध्ये जेवणाचा आस्वाद घेतला. ATL Lab, Physics, Chemistry, Biology, Maths lab, ग्रंथालय या ठिकाणी सर्वांनी भेट देऊन माहिती घेतली. या भेटीचे संपूर्ण नियोजन सैनिकी परिवाराने केले होते.
