७ जुलै हा राणी लक्ष्मीबाई मुलींच्या सैनिकी शाळेचा वर्धापन दिन आहे. प्रशालेची स्थापना सात जुलै 1997 रोजी झाली. दरवर्षीप्रमाणे यावर्षी ही वर्धापन दिन उत्साहात साजरा करण्यात आला. कार्यक्रमाच्या सुरुवातीला दीप प्रज्वलनानंतर विद्येची देवता, सरस्वती, राणी लक्ष्मीबाई तसेच मएसोचे संस्थापक यांना पुष्पहार अर्पण करण्यात आले.
कार्यक्रमाच्या प्रास्ताविकात सौ. मंजिरी पाटील यांनी प्रशालेच्या दृष्टीने आजच्या दिनाचे महत्त्व विशद केले, तर सिनियर मास्टर श्री. अद्वैत जगधने यांनी सोसायटीची माहिती, ध्येय व उद्दिष्टे सांगून त्या उद्दिष्ट्याला अनुसरून राणी लक्ष्मीबाई मुलींच्या सैनिकी शाळेची स्थापना करण्यात आल्याचे सांगितले. त्यांनी प्रशाला स्थापने मागचा उद्देश लक्षात घेऊन वाटचाल करण्याचे विद्यार्थिनींना आवाहन केले. प्राचार्या ज्योती खि्रीड यांनी शुभेच्छा देताना सैनिकी शाळेच्या ध्येयाची आठवण करून दिली, तर प्रशालाचे कमांडंट विंग कमांडर एम. यज्ञरामन यांनी ‘Atleast 30 by 2030’ या उद्दिष्टाकडे वाटचाल करण्यास सांगितले. कार्यक्रमाचे आभार व सूत्रसंचालन श्री महेश कोतकर यांनी केले.
MES RLMSS Foundation day pgm photos –
https://drive.google.com/drive/folders/1AW10voRXmCEQrhHFiOBJWxkVsjf5Mulv?usp=drive_link