आज ११ ऑक्टोबर २०२४ रोजी म.ए.सो राणी लक्ष्मीबाई मुलींची सैनिकी शाळा, कासार आंबोली येथील शाळेत विजयादशमी खंडेनवमीच्या निमित्ताने शाळेचे कमांडंट विंग कमांडर श्री. एम यज्ञरामन, मुख्याध्यापिका सौ. पूजा जोग, पर्यवेक्षक श्री. श्याम नांगरे, पर्यवेक्षक श्री. संदीप पवार, सर्व शिक्षक – शिक्षिका यांच्या हस्ते शस्रपूजन करण्यात आले. त्यानंतर इ. 9 वी व इ. 11 वी च्या कॅडेटने पिरंगुट येथील सनशाईन प्लाझा ते गोळे आळी, पवळे आळी येथे शानदार असे संचलन केले. याप्रसंगी पवळे उद्योग समूहाच्या डायरेक्टर संगिता ताई पवळे, पिरंगुटचे माजी सरपंच श्री. ज्ञानेश्वर पवळे, माजी सरपंच सौ. सुरेखाताई पवळे, माजी उपसरपंच श्री. दीपक गोळे, माजी उपसरपंच श्री. महेश वाघ यांच्या उपस्थितीत अश्वाचे पूजन करण्यात आले, त्यानंतर बॅंडच्या तालावर सुंदर संचलन केले, भैरवनाथ मंदिरासमोरील शिवस्मारका समोर कॅडेटसनी शिवगर्जना म्हटली. सर्व पिरंगुट ग्रामस्थांनी संचलनाचे उत्साहात स्वागत करून विजयादशमी च्या शुभेच्छा दिल्या. या संपूर्ण कार्यक्रमाचे आयोजन पर्यवेक्षक श्री. संदीप पवार, ज्येष्ठ शिक्षक श्री. अद्वैत जगधने, श्री. भाऊसाहेब मार्तंड, श्री. महादेव मगर, व सर्व सैनिकी परिवाराने केले होते.
