दिनांक १७ सप्टेंबर ते २ ऑक्टोबर २०२५ या कालावधीत देशभरामध्ये सेवा स्वच्छता सप्ताह साजरा केला जात आहे. याचाच एक भाग म्हणून महाराष्ट्र एज्युकेशन सोसायटीच्या म. ए. सो. राणी लक्ष्मीबाई मुलींच्या सैनिकी शाळेच्या कॅडेटसनी अश्व व बॅडच्या तालावर शानदार संचलन करीत कासार आ़ंबोली गाव ग्रामपंचायत, जिल्हा परिषद शाळा, पद्मावती माता मंदिर व विठ्ठल मंदिर येथील परिसराची स्वच्छता केली व शिंदेवाडी गावातील पद्मावती माता मंदिर, श्री. कानिफनाथ मंदिर व जिल्हा परिषद शाळा या ठिकाणी जाऊन स्वच्छता केली. या स्वच्छता मोहिमेत दोन्हीं गावांमधील ग्रामस्थ तसेच माजी सरपंच श्री. उमेश सुतार, श्री. सचिन धुमाळ, श्री. स्वप्निल शिंदे, श्री. समीर शिंदे, श्री. शेखर शिंदे यांनी सहभाग घेतला होता. या कार्यक्रमाचे आयोजन शाळेचे कमांडंट एविएन विंग कमांडर श्री. एम यज्ञरामन, प्राचार्या सौ. ज्योती खिरीड यांच्या मार्गदर्शनानुसार सिनियर मास्टर श्री. संदीप पवार, सुभेदार श्री. नवनाथ पवार, एन. सी. सी ऑफिसर सौ. राजश्री गोफणे, गाईड कॅप्टन सौ. दीपाली आंबेकर व सर्व शिक्षक शिक्षकेत्तर कर्मचारी व सैनिकी परिवाराने केले होते.
