🚩⚜️ इतिहास विभागातर्फे वक्तृत्व स्पर्धा उत्साहात संपन्न… 🚩⚜️

१ ऑगस्ट लोकमान्य बाळ गंगाधर टिळक यांची पुण्यतिथी व लोकशाहीर अण्णाभाऊ साठे यांची जयंती याचे औचित्य लक्षात घेऊन, प्रशालेत वक्तृत्व स्पर्धा ठेवण्यात आल्या होत्या. चार कुलांमध्ये या स्पर्धा घेण्यात आल्या. इयत्ता सहावी, सातवी, आठवी व नववी वर्गातील विद्यार्थिनींनी अहिल्या, जिजामाता, लक्ष्मी व दुर्गावती या कुलातून सहभाग नोंदवला. स्पर्धेसाठी भारतीय क्रांतिकारक, भारतीय समाज सुधारक, भारतीय गौरवशाली कथा, भारतीयांनी अभिमान वाटेल अशा प्रेरणादायी स्त्रियांच्या गोष्टी असे विषय देण्यात आले होते. अंगावर रोमांच उठतील असे विषय विद्यार्थिनींनी मांडले. या स्पर्धेचे परीक्षक म्हणून श्री. श्याम नांगरे (सिनियर मास्टर) व अद्वैत जगधने (सीनियर शिक्षक) यांनी काम पाहिले.
स्पर्धेचे नियोजन वैशाली शिंदे स्पर्धा विभाग प्रमुख, तसेच प्रशालेतील इतिहास विभागाने केले होते.