आपत्ती व्यवस्थापन विभागातर्फे बुधवार दिनांक 1 एप्रिल 2026 रोजी मएसो राणी लक्ष्मीबाई मुलींची सैनिकी शाळा वसतिगृहामध्ये माॅक ड्रिलचे आयोजन करण्यात आले होते. इ.6 वी ते इ.9 वी व इ.11 वी च्या एकूण 366 कॅडेटस व सर्व मेट्रन्स ताईंनी सहभाग घेतला होता.
1.36 सेंकदांमध्ये सर्व कॅडेटस वसतीगृहातून हाॅलसमोरील मोकळ्या व सुरक्षित जागेत पोहोचल्या.
या माॅकड्रिल चे आयोजन शाळेचे कमांडंट एविएन विंग कमांडर श्री. म. यज्ञरामन, प्राचार्या सौ. ज्योती खिरीड यांच्या मार्गदर्शनानुसार आपत्ती व्यवस्थापन विभाग प्रमुख सिनिअर मास्टर व पर्यवेक्षक श्री. संदीप पवार, ड्युटी मास्टर व एनसीसी एएनओ सौ. राजश्री गोफणे, सैन्य प्रशिक्षक हवालदार श्री. गजानन माळी, क्रीडाशिक्षक श्री. महादेव मगर, वसतीगृह रेक्टर व मेडिकल इंचार्ज श्रीमती प्रियांका गुरव, इस्टेट सुपरवायझर श्री. समीर जाधव, सर्व मेट्रन्स ताईं व सिक्युरिटी यांनी केले होते.

02 Apr 26 / Thu / 0730 hrs

Coinciding the auspicious occasion of ‘shri hanumat jayanti’ amidst the solemn recital of ‘shri gaNapati stOtram’, vacation batch academics and enhanced training was timely started in respect of Class XII Cadets.

Sou Savitri Patil, Dept of Physics and Class Teacher for the new Class XII Cadets coordinated the event.

Officials & Staff of RLMSS were present and extended best wishes to the freshers of Class XII.

🙏
With best of our wishes,

~ The MES RLMSS Family

मएसो राणी लक्ष्मीबाई मुलींची सैनिकी शाळा येथे इयत्ता बारावीची पासिंग आऊट परेड उत्साहात संपन्न झाली. इयत्ता बारावीच्या कॅडेटसनी शानदार संचलन करीत प्रमुख अतिथींना मानवंदना देत अंतिम पग पार केले. अ‍ॅकॅडमिक कॅडेट कॅप्टन शैजल राकेश पाटील हिने पासिंग आऊट परेड चे नेतृत्व केले. सैनिकी शाळेच्या इतिहासात पहिल्यांदाच इ.12 वी च्या कॅडेटस नी शानदार असे सशस्त्र संचलन केले. कार्यक्रमाचे प्रमुख अतिथी म्हणून कर्नल पंकज करवंदे (निवृत्त), सौ. मंजुषा करवंदे, मएसो कलावर्धिनी महामात्र व रंगवेध 2026 चे समन्वयक डाॅ. गोविंद कुलकर्णी, सैनिकी शाळेचे कमांडंट एविएन विंग कमांडर म. यज्ञरामन, सिनिअर मास्टर व पर्यवेक्षक संदीप पवार हे उपस्थित होते. आपल्या मनोगतात कर्नल पंकज करवंदे यांनी सांगितले की देशाच्या संरक्षण व्यवस्थेत महिलांसाठी अनेक संधी निर्माण होत आहेत त्या दृष्टीने सर्वच कॅडेटसनी आपली शारीरिक, मानसिक व बौद्धिक क्षमता वाढविली पाहिजे असे सांगितले. याप्रसंगी सैनिकी शाळेची मानाची असलेली तलवार “बेस्ट स्वार्ड ऑफ ऑनर” चा बहुमान अ‍ॅकॅडमिक कॅडेट कॅप्टन शैजल राकेश पाटील हिला मिळाला, तर बेस्ट इन अ‍ॅकॅडमिक्स ट्रॉफी अ‍ॅकॅडमी अ‍ॅडज्युटंट कॅडेट भक्ती तानाजी मोरे, बेस्ट इन आऊट डोअर ट्रेनिंग ट्रॉफी स्पोर्ट्स व्हाइस कॅप्टन कॅडेट रिद्धी रोहित पासलकर यांना प्रमुख अतिथींच्या हस्ते पारितोषिके देण्यात आली.
दरवर्षीप्रमाणे एन सी सी च्या द्वितीय वर्षातील उत्तम प्रदर्शन करणाऱ्या कॅडेट्सना ट्रॉफीज देऊन गौरविण्यात आले. यामध्ये ‘बेस्ट इन टर्नआउट’ हा पुरस्कार LFC लावण्या शिवकुमार मुंडासे, ‘बेस्ट इन ड्रिल’ हा पुरस्कार Cpl कृष्णा अमित ढोरे आणि ‘बेस्ट कॅडेट ऑफ २०२४-२५’ हा पुरस्कार LFC देविका सुहास ताड यांना पाहुण्यांच्या हस्ते देण्यात आला.
या पासिंग आऊट परेड कार्यक्रमाचे आयोजन हवालदार गजानन माळी, सुभेदार नवनाथ पवार, क्रीडा शिक्षक महादेव मगर, ए एन ओ थर्ड ऑफिसर राजश्री गोफणे, एनसीसी प्रशिक्षक तेजश्री दिघे व कार्तिकी भालेराव, सर्व शिक्षक-शिक्षकेत्तर कर्मचारी व सैनिकी परिवाराने केले होते.

पुणे दि. 28 मार्च 2026
महाराष्ट्र एज्युकेशन सोसायटीच्या म.ए.सो. ‘कलावर्धिनी’ तर्फे तीन दिवसीय ‘रंगवेध’ चित्रकला प्रदर्शनाचे आयोजन करण्यात आले होते. समारोप व बक्षीस वितरण समारंभाचा कार्यक्रम शनिवार दिनांक 28 मार्च 2026 रोजी संध्याकाळी 4.00 वाजता म.ए.सो. राणी लक्ष्मीबाई मुलींची सैनिकी शाळेत उत्साहात संपन्न झाला.
या कार्यक्रमासाठी सुप्रसिद्ध चित्रकार डॉ. किशोर इंगळे (कला संचालक, कला संचालनालय, महाराष्ट्र शासन) हे प्रमुख अतिथी म्हणून उपस्थित होते तर कार्यक्रमाच्या अध्यक्षस्थानी म.ए.सो. उपाध्यक्ष श्री. प्रदीपजी नाईक उपस्थित होते. व्यासपीठावर
म.ए.सो. कलावर्धिनी अध्यक्ष डॉ. दिलीप शेठ, म.ए.सो. सचिव डॉ. अतुल कुलकर्णी, महामात्र डॉ. गोविंद कुलकर्णी, सीनियर मास्टर व पर्यवेक्षक श्री. संदीप पवार आणि परीक्षक डॉ. रुपेश पवार – हिरगुडे उपस्थित होते. कार्यक्रमापूर्वी सर्व मान्यवरांना एन.सी.सी. कॅडेट्सने मानवंदना दिली. मान्यवरांनी सैनिकी शाळेच्या घोष पथकाचे निरीक्षण आणि कौतुक केले. रंगवेध फलकावर मान्यवरांनी स्वाक्षऱ्या केल्या व प्रदर्शनाची पाहणी केली. म.ए.सो. कलावर्धिनी रंगवेध चित्र प्रदर्शन हे आनंदी व उत्साहपूर्ण वातावरणात हा सोहळा उजळून निघाला. म.ए.सो. च्या व मुळशी परिसरातील शाळातील विद्यार्थी, शिक्षक व पालकांनी प्रदर्शनास भेट दिली. कलेने भारावून गेलेल्या वातावरणाचा आनंद घेतला.
कार्यक्रमाची सुरुवात दीपप्रज्वलनाने झाली, प्रसंगी शिक्षिका सौ. श्रेया दिघे यांनी सरस्वती वंदना आपल्या मधुर स्वरात सादर केली. म.ए.सो. कलावर्धिनीचे अध्यक्ष डॉ. दिलीप शेठ यांनी कार्यक्रमाचे प्रास्ताविक केले. त्यांनी आपल्या प्रास्ताविकातून प्रत्येकामध्ये काही ना काही कला असते. प्रत्येक व्यक्तीत एक शिल्प दडलेले असते. मुलांमधील उत्साह निर्माण करून देण्याचा चित्रकला हा एक मार्ग आहे. कलावर्धिनीच्या माध्यमातून रंगवेध, स्वरवेध, तालवेध इ. उपक्रम सुरू असल्याचे सांगितले .सुमारे ३०० हून अधिक निवडक चित्रांचे हे भव्य कलादालन असल्याचे मत व्यक्त केले. प्रत्येकाने एक तरी कला जोपासली पाहिजे असे सांगितले व रंगवेध या उपक्रमास शुभेच्छा दिल्या.
चित्रप्रदर्शनाचे परीक्षक श्री. हिरगुडे सर यांनी चित्रांविषयी आपले मनोगत व्यक्त करताना निसर्ग चित्र, स्मरण चित्र, व्यक्ती चित्र इ. बाबत माहिती दिली. तसेच विद्यार्थिनी, शिक्षक उपस्थितांना चित्र रेखाटन याविषयी मार्गदर्शन केले.
सर्व मान्यवरांचा परिचय कलाशिक्षक श्री. अनिल म्हस्के यांनी केला. तसेच सर्व मान्यवरांचे स्वागत व सन्मान शाल, श्रीफळ, पुष्पगुच्छ, रंगवेध सन्मानचिन्ह, व विद्यार्थ्यांनी रेखाटलेल्या चित्रांच्या फ्रेम, विद्यार्थ्यांनी रंगवलेल्या कापडी टोड बॅग देऊन करण्यात आले.
प्रमुख अतिथी कला संचालक डॉ. किशोर इंगळे यांनी रंगवेध प्रदर्शनाच्या यशस्वी आयोजनाबाबत म.ए.सो. कलावर्धिनीचे विशेष अभिनंदन, कौतुक केले व पुढील वाटचालीस शुभेच्छा दिल्या. संस्थेच्या मुलींची सैनिकी शाळा या अभिनव योजनेचे विशेष कौतुक केले. कलाक्षेत्राचा प्रसार व प्रचार होण्यासाठी कला संचालनालयामार्फत राबविण्यात येणाऱ्या विविध योजनांची माहिती दिली.
कार्यक्रमाचे अध्यक्ष श्री. प्रदीपजी नाईक यांनी विविध प्रांतामध्ये कलागुणांना वाव देण्यासाठी आयोजित करण्यात येणाऱ्या उपक्रमाची माहिती देत मुक्त कलेचे महत्त्व आपल्या मनोगतातून विशद केले.
बक्षीस वितरणाच्या कार्यक्रमात कला शिक्षक श्री. अमित पाटील यांनी बक्षिसप्राप्त विद्यार्थ्यांची नावे जाहीर केली व मान्यवरांच्या हस्ते बक्षिसांचे वितरण करण्यात आले.
गटनिहाय प्रथम तीन व उत्तेजनार्थ क्रमांक जाहीर करण्यात आले.
1) कु तृषा लिंगप्पा कोळेकर (2 ऱी)- प्रथम
आद्य क्रांतिवीर वासुदेव बळवंत फडके विद्यालय, पनवेल
2) कु मिराब मायरा शेख (3 ऱी) – द्वितीय
म ए सो पब्लिक स्कुल कळंबोली
3) कु साई विनोद वाफारे (2 री) – तृतीय
ज्ञानमंदिर कळंबोली
4) मार्तंड सचिन कोकरे (4 थी) – उत्तेजनार्थ
बालविकास मंदिर सासवड

गट क्रमांक 2 इयत्ता पाचवी ते सातवी
1) कु अनन्या महेंद्र जोशी (7 वी) – प्रथम
आद्य क्रांतिवीर वासुदेव बळवंत फडके विद्यालय, पनवेल
2) कु जयदीप साहेब गायकवाड (7 वी)- द्वितीय
वाघिरे विद्यालय, सासवड
3) कु आराध्या सोमीदास ठाकरे (6 वी) – तृतीय
रेणावीकर विद्यालय, अहिल्यानगर
4) कु आयुष सतीश शिंदे ( 6 वी ) – उत्तेजनार्थ
म ए सो मुलांचे विद्यालय , पुणे

गट क्रमांक -3 इयत्ता आठवी ते दहावी
1) कु श्रवण मोहन आकारशे (8 वी) – प्रथम
वाघिरे विद्यालय, सासवड
2) कु सान्वी संदीप पाटणकर (8 वी) – द्वितीय
बालशिक्षण इंग्रजी माध्यम प्रशाला पुणे
3) ऋषिकेश संतोष सासवे (9 वी) – तृतीय
विमलाबाई गरवारे प्रशाला पुणे
4) कु वेदिका नंदकुमार शिंगाबे (9 वी)- उत्तेजनार्थ
ग.भि.देशपांडे विद्यालय बारामती

गट क्रमांक 4 – इयत्ता अकरावी व बारावी
1) कु कार्तिक मुगुट निकम (12 वी) – प्रथम
म ए सो मुलांचे विद्यालय पुणे
2) कु आर्यन अभिजित जाधव – द्वितीय
म ए सो मुलांचे विद्यालय पुणे
3) कु ज्ञानेश्वरी अतुल शिंदे- (11 वी) – तृतीय
राणी लक्ष्मीबाई मुलींची सैनिकी शाळा
4) कु राजलक्ष्मी शरद कांबळे – उत्तेजनार्थ
बालशिक्षण इंग्रजी माध्यम प्रशाला पुणे

म.ए.सो. कलावर्धिनीचे महामात्र डॉ. श्री. गोविंद कुलकर्णी यांनी सर्वांचे आभार मानले व पुढील वर्षी सहाव्या रंगवेध कार्यक्रमाचे आयोजन म ए सो रेणावीकर विद्यालय अहिल्यानगर येथे करणार असल्याचे जाहीर केले.
परिसरातील एकूण ०९ शाळांतील ४०० हून अधिक विद्यार्थी, स्थानिक नागरिक, पालक, कलाशिक्षक इ. नी चित्रप्रदर्शनाला भेट देऊन उत्स्फूर्त प्रतिसाद दिला व उत्कृष्ट कलाकृती पाहण्याचा आनंद अनुभवला.
सैनिकी शाळेतील कला विभाग प्रमुख श्री. रविराज थोरात यांनी संपूर्ण कार्यक्रमाचे सूत्रसंचालन केले व त्यांचा उत्कृष्ट आयोजबाबत सन्मान करण्यात आला.
कार्यक्रमाची सांगता व्यक्तिमत्व विकासाच्या समुपदेशक सौ. श्रेया दिघे यांनी मधुर स्वरात सादर केलेल्या पसायदानाने करण्यात आली.

पुणे दि. २७ मार्च २०२६
महाराष्ट्र एज्युकेशन सोसायटीच्या म.ए.सो. ‘कलावर्धिनी’ तर्फे तीन दिवसीय ‘रंगवेध’ चित्रकला प्रदर्शनाचे आयोजन करण्यात आले आहे. उद्घाटन समारंभाचा कार्यक्रम शुक्रवार दिनांक २७ मार्च २०२६ रोजी सकाळी १०.३० वाजता म.ए.सो. राणी लक्ष्मीबाई मुलींची सैनिकी शाळेत ‘रंगवेध’ चित्रकला प्रदर्शन उद्घाटनाचा कार्यक्रम उत्साहात संपन्न झाला.
या चित्र प्रदर्शनाचे सुप्रसिद्ध नेत्रशल्य विशारद व चित्रकार डॉ. माधवी मेहेंदळे यांनी केले. प्रसंगी महाराष्ट्र एज्युकेशन सोसायटीचे अध्यक्ष एअर मार्शल भूषण गोखले (निवृत्त) यांनी अध्यक्षस्थान भूषविले. संस्थेच्या नियामक मंडळाच्या उपाध्यक्षा सौ. आनंदीताई पाटील यांची विशेष उपस्थिती होती. म. ए. सो. कलावर्धिनी अध्यक्ष डॉ. दिलीप शेठ व महामात्र डॉ. गोविंद कुलकर्णी, महामात्र सौ. चित्रा नगरकर, म.ए.सो. राणी लक्ष्मीबाई मुलींची सैनिकी शाळेचे कमांडंट एविएन विंग कमांडर म. यज्ञरामन, सीनियर मास्टर/पर्यवेक्षक श्री. संदीप पवार या मान्यवरांना एन.सी.सी कॅडेट्सने मानवंदना दिली. मान्यवरांनी सैनिकी शाळेच्या घोष पथकाचे निरीक्षण आणि कौतुक केले. नेत्र शल्य विशारद व चित्रकार डॉ. माधवी मेहंदळे यांच्या हस्ते ‘रंगवेध’ चित्रकला प्रदर्शनाचे उद्घाटन करण्यात आले. रंगवेध फलकावर मान्यवरांनी स्वाक्षऱ्या केल्या. म.ए.सो. कलावर्धिनी रंगवेध चित्र प्रदर्शन हे आनंदी व उत्साह पूर्ण वातावरणात हा सोहळा उजळून निघाला. मान्यवरांचे कलादालनात आगमन झाले. सर्व मान्यवरांनी विद्यार्थी कलाकारांच्या चित्रांची पाहणी केली.
कार्यक्रमाची सुरुवात दीपप्रज्वलनाने झाली. व्यक्तिमत्व विकासाच्या सौ. श्रेया दिघे यांनी सरस्वती वंदना आपल्या मधुर स्वरात सादर केली. प्रशालेतील कॅडेट्सनी ‘स्वागतम शुभ स्वागतम’ हे स्वागतगीत सादर केले. म.ए.सो. कलावर्धिनीचे अध्यक्ष श्री. दिलीप शेठ यांनी कार्यक्रमाचे प्रास्ताविक केले. त्यांनी आपल्या प्रास्ताविकतेतून प्रत्येकामध्ये काही ना काही कला असते. प्रत्येक व्यक्तीत एक शिल्प दडलेले असते. कलावर्धिनीच्या माध्यमातून रंगवेध, स्वरवेध, तालवेध इ. उपक्रम सुरू असल्याचे सांगीतले. सुमारे ३०० हून अधिक निवडक चित्रांचे हे भव्य कलादालन असल्याचे मत व्यक्त केले.
म.ए.सो. च्या उपाध्यक्षा सौ. आनंदी पाटील यांनी आपल्या मनोगतातून चित्रकला विषयाला चालना देण्यासाठी म.ए.सो. कलावर्धिनी ची स्थापना करण्यात आली. तसेच प्रत्येकाने एक तरी कला जोपासली पाहिजे असे सांगितले व रंगवेध या उपक्रमास शुभेच्छा दिल्या.
यानंतर प्रसिद्ध नेत्रशल्य विशारद व चित्रकार डॉ. माधवी मेहेंदळे यांनी विद्यार्थिनी, शिक्षक व नागरिकांना मार्गदर्शन केले. आपल्या मार्गदर्शनातून व्यक्त होताना डॉ. मेहेंदळे म्हणाल्या की चित्रांमुळे एकाग्रता वाढते. डिजिटल स्क्रीन टाईम कमी होऊन चित्र काढण्यात स्वतःला व्यस्त ठेवता येते. कल्पना स्वातंत्र्यास वाव मिळून एक सकारात्मक ऊर्जा निर्माण होते. चित्रकला शिक्षणातून स्वतःचे वैचारिक क्षितिज विस्तारता येऊन व्यक्तिमत्वाची जडणघडण होते. म.ए.सो. आर्ट वॉलच्या माध्यमातून चित्रकला या विषयात सुंदर काम करीत आहे. चित्रांतून आपल्याला प्रेरणा, आनंद निर्माण होऊन मनातील भाव प्रकट करता येतात. सामाजिक संदेश देणारी, पर्यावरण विषयक मांडणी असणारी चित्रे देखील या प्रदर्शनात आवर्जून प्रदर्शित करण्यात आल्याचे त्यांनी सांगितले. भावना शब्दातून चित्रातून व्यक्त करता येत असते. कला ही सर्वांना जोडत असते. आदिमानवाने गुहांमध्ये काढलेली चित्रे यावरून असे समजते की त्यांचे जीवन कशा प्रकारचे होते हे समजते.
म.ए.सो. अध्यक्ष एअर मार्शल भूषण गोखले (निवृत्त) यांनी आपल्या मनोगतातून मी पुन्हा एकदा चित्र काढायला शिकत आहे असे आवर्जून सांगितले. म.ए.सो. चित्रकला विषयात नवनवीन कल्पना अमलात आणून विद्यार्थ्याच्या चित्रांचे एक उच्च दर्जाचे कलादालन उभारते ही एक वेगळी आणि युनिक अशी कल्पना असल्याचे त्यांनी सांगितले. या तीन दिवसीय प्रदर्शनात सुलेखन, फेस पेंटिंग, शिल्पकला इत्यादी विषयावर विविध सत्रे होणार असून, हे रंगवेध दि. २९ मार्च पर्यंत सर्वांसाठी खुले असणार आहे.
म.ए.सो. कलावर्धिनीचे महामात्र डॉ. श्री. गोविंद कुलकर्णी यांनी कार्यक्रमाचे आभार मानले. तर चित्रकला शिक्षिका सौ. यशोधिनी कुलकर्णी यांनी संपूर्ण कार्यक्रमाचे सूत्रसंचालन केले.

आज गुरूवार दि.19 मार्च प्रशालेत गुढीपाडवा सण उत्साहात साजरा झाला. शाळेचे ज्येष्ठ शिक्षक श्री. अद्वैत जगधने यांनी गुढीपाडवा सणाचे महत्व सांगितले तर सिनिअर मास्टर श्री. संदीप पवार यांनी सर्वांना गुढीपाडव्याच्या शुभेच्छा दिल्या. कार्यक्रमाचे आयोजन वसतिगृहाच्या वतीने रेक्टर श्रीमती प्रियांका गुरव व सहकारी तसेच सर्व शिक्षक शिक्षकेत्तर कर्मचारी व सैनिकी परिवाराने केले होते.

The school is located on Pune-Paud road at Kasaramboli and is about 25 Kms away from Pune city and 15 Kms from Chandni Chowk(N D A chowk). The Journey time is about 45 minutes from Pune to school.

🎨 RANGVEDH 2026: Drawing Exhibition 🎨


Presented by M.E.S. Kalavardhini, we invite you to a three-day celebration of art!

📍 Where: M.E.S. Rani Laxmibai Mulinchi Sainiki Shala

📅 When: March 27, 28, & 29, 2026

🕙 Time: 10:00 AM – 8:00 PM



Join us to explore the incredible work of our artists. Whether you are an art lover or a student looking for inspiration, we welcome you to walk through our gallery and celebrate this artistic milestone with us…

07 Mar 26 / Sat

RLMSS Annual Military Training, Sports and Cultural Championship – 2025-26
&
Commandant’s Banner Presentation

Durgavati House fought and consistently did well right since 29 Aug 25 (the Inaugural day, last year coinciding National Sports Day) and retained the Championship Tpophy & Banner (Vauhini House) this year too ..

Well done…

Thanks…

Ms Vaishali Shinde
Mr Mahadev Magar
(IC Competitions)

&

Hav Shri Gajanan Mali – IC Mil Trg

All the House Masters, Deputys, Cadet Captains, Adjutants and members of the Organising Committee…

Keep going…

And…our .Mission Statement is…

Atleast 30 by 2030…

Memorable…

~ The MES RLMSS Family (Mes Rlmss), Pune

March 2, 2026
Guidance session on Smart Projects on IR sensor conducted by students of ENTC department from Modern college of Engineering Pune

राज्य शैक्षणिक संशोधन व प्रशिक्षण परिषद, महाराष्ट्र, पुणे आणि
जिल्हा शिक्षण व प्रशिक्षण संस्था, पुणे यांच्या संयुक्त विद्यमाने
Lend A Hand या संस्थेच्या सहकार्याने पुणे जिल्ह्यातील ATL शाळांतील शिक्षकांसाठी Electronic, Mechanical, Digital Literacy या विषयांच्या प्रत्येकी 6 मार्गदर्शनपर कार्यशाळांचे आयोजन ऑक्टोबर ते फेब्रुवारी महिन्यात घेण्यात आले होते.
या कार्यशाळेत प्रशालेतील सौ. मंजिरी पाटील, श्री. महेश कोतकर, सौ. वैशाली शिंदे यांनी सहभाग नोंदवला.
कार्यशाळेत मार्गदर्शन केलेल्या संकल्पनांवर आधारित जिल्हास्तरीय ATL प्रकल्प प्रदर्शनाचे आयोजन गुरुवार दिनांक 05/03/2026 रोजी नू म वि प्रशाला, बाजीराव रोड, पुणे येथे करण्यात आले होते.
या प्रदर्शनात प्रशालेतील कॅडेट्स व शिक्षकांनी पुढील 4 प्रकल्पांचे सादरीकरण केले.
1. Electronics : IR Sensor based Smart Hand sanitiser Dispenser
2. Mechanical : Multipurpose wooden Pen stand
3. Digital Literacy : MIT Pronunciation App
4. Theme based : Smart, Innovative, Easy to operate Official seal or Stamping Machine.

January 20, 2026
Workshop on Confidence building for Research and Innovation
Conducted by students of modern college of Engineering, MBA department.

21 February 2026
On the occasion of National Science Day in association with Swaroop Wardhini and TATA Motors Vidyadhanam Science Hands on activities session was arranged in the school. Mentors from Swaroop Vardhini demonstrated science experiments and activities with active participation of cadets from class 6th to 11th.
Activities based on following concepts was conducted by the mentors.
Vishwas Kulkarni- Modern Periodic Table
Raviraj Patil – Newton Telescope, Types of mirrors, measuring equipments like Lux meter, Distance meter, Sound meter, BP apparatus
Yogesh Tambat – Sound Experiments, Ruben’s Tube
Nishikant Bhalekar- Digital Litracy, Virtual Reality,
Sanjay Tambolkar – Scientist and their discovery display
Santosh Visal – Robotics
Cadets of school enjoyed the session a lot.
It was indeed a great experience of learning by doing and critical thinking and constructive learning.
The event was organised by Mrs Savitri Patil and coordinated by Mrs Savitri Patil and Mrs Manjiri Patil, Miss Tejashree Dighe and Smt Jayashree Garud.

म. ए. सो. कलावर्धिनी आयोजित स्वरवेध लोकगीत गायन स्पर्धेत आपल्या प्रशालेच्या भारुड संघाला प्रथम पारितोषिक मिळाले.
ही स्पर्धा लोकगीतातील कीर्तन, भारुड, पोवाडा व गोंधळ या प्रकारांची होती आपल्या प्रशालेतील एकूण 44 कॅडेटस या स्पर्धेमध्ये सहभागी झाल्या होत्या. ही स्पर्धा तीन गटांमध्ये झाली. यातील दोन गटांमध्ये आपल्या प्रशालेतील कॅडेट्स सहभागी झाल्या होत्या. गट क्रमांक 2- इ. 5 वी ते इ. 7 वी च्या गटांमध्ये आपले 2 संघ गवळण आणि पोवाडा या प्रकारात सहभागी झाले होते. पोवाडा संघाला श्री. भाऊसाहेब मार्तंड व गवळण संघाला श्री. मंगेश पाटील यांनी मार्गदर्शन केले होते. तसेच गट क्रमांक 3
इ. 8 वी, इ. 9 वी व इ. 11 वी च्या गटामध्ये आपले दोन संघ गोंधळ व भारुड या प्रकारात सहभागी झाले होते. गोंधळ संघाला सौ. दिपाली भावसार व भारुड संघाला श्रीमती प्रियांका राजहंस यांनी मार्गदर्शन केले होते. गट क्रमांक 3 यामध्ये 21 संघांनी सहभाग घेतला होता. यामध्ये आपल्या प्रशालेच्या भारुड संघाला प्रथम क्रमांक मिळाला आहे. आपल्या कॅडेटस ने सर्व रंगमंचावर सर्व साहित्यानिशी आणि योग्य वेशभूषे सह अत्यंत उत्तम आणि चित्तवेधक असे सादरीकरण केले. या स्पर्धेचे परीक्षण मा. श्री संतोष मोरे व मा. श्री शाहीर हेमंत राजे मावळे यांनी केले. या स्पर्धेच्या सर्व कॅडेट्सना मार्गदर्शन हे आपल्या प्रशालेतील छंद वर्गामध्ये मिळाले. छंद वर्गामध्ये श्री. अद्वैत जगधने, तबल्यासाठी श्री. प्रसाद कन्नाव व गायन व पेटी यासाठी पूजा वाणी यांचे मार्गदर्शन मिळाले. सुरुवातीपासून प्रशालेचे कमांडंट मा. एअर विंग कमांडर म. यज्ञरामन् आणि प्रशालेच्या मुख्याध्यापिका सौ. ज्योती खिरीड, सिनियर मास्टर श्री. संदीप पवार, ज्येष्ठ शिक्षक श्री. अद्वैत जगधने यांनी खूप प्रोत्साहन दिले.
सर्व सहभागी कॅडेट्सचे व मार्गदर्शक शिक्षकांचे अभिनंदन…

शनिवार, दिनांक 28 फेब्रुवारी 2026 रोजी राष्ट्रीय विज्ञान दिन उत्साहात संपन्न झाला. विद्यार्थिनींमध्ये वैज्ञानिक दृष्टिकोन निर्माण करणे तसेच त्याचे दृढीकरण करण्यासाठी, दैनंदिन जीवनातील विज्ञान यांच्याशी सांगड अशा अनेक उद्देशाने विज्ञान छंद मंडळातर्फे सदर कार्यक्रमाचे आयोजन करण्यात आले. इयत्ता सहावी ते नववीच्या विद्यार्थिनी या उपक्रमात सहभागी झाल्या.
राष्ट्रीय विज्ञान दिनाचे औचित्य साधून सायन्स मॅरेथॉन आयोजित करण्यात आली.
सायन्स मॅरेथॉनचे स्वरूप पुढीलप्रमाणे
Round 1. Multiple choice questions.
Round 2. Buzzer round
Round 3. Concept explain
Round 4. Hands on activity
Round 5. Puzzle
सायन्स मॅरेथॉन सकाळी 9 ते 10 या वेळेत संपन्न झाली. सायन्स मॅरेथॉन स्पर्धा ही कुलश: घेण्यात आली. इयत्ता सहावी ते आठवीच्या अहिल्या, जिजामाता, लक्ष्मी व दुर्गावती अशा एकूण 12 विद्यार्थिनी या मॅरेथॉनमध्ये सहभागी झाल्या.
सायन्स मॅरेथॉन स्पर्धेचा निकाल पुढीलप्रमाणे,
प्रथम क्रमांक : अहिल्या, जिजामाता
द्वितीय क्रमांक : दुर्गावती
तृतीय क्रमांक : लक्ष्मी
विज्ञान दिनानिमित्त इयत्ता सातवी व आठवी या वर्गातील विद्यार्थिनींनी विज्ञान विषयातील विविध संकल्पनांवर आधारित 3D प्रकल्प तयार केले होते या निमित्ताने या प्रकल्पांचे प्रदर्शन देखील करण्यात आले. सदर कार्यक्रम इयत्ता नववीतील विद्यार्थी उत्तम पद्धतीने पार पाडला.
कार्यक्रमासाठी प्रशालेचे कमांडंट एविएन विंग कमांडर श्री. म. यज्ञरामन सर, प्रशालेच्या प्राचार्या सौ. ज्योती खिरीड व सीनियर मास्टर श्री संदीप पवार यांचे वेळोवेळी मोलाचे मार्गदर्शन लाभले. तसेच सर्व विज्ञान शिक्षक सौ. मंजिरी पाटील, सौ. सावित्री पाटील, श्री. प्रमोद झुरमुरे, श्री. रविंद्र उराडे, सौ. वैशाली शिंदे, श्री. शिवदास कापुरे, श्री. मंगेश पाटील, कु. संस्कृती मंगावडे व सौ. वसुधा पाटील सर्व विज्ञान शिक्षकांनी विद्यार्थिनींना उत्तम असे मार्गदर्शन केले. या कार्यक्रमाचे सर्व नियोजन विज्ञान विभागातर्फे करण्यात आले.

राष्ट्रीय विज्ञान दिनाचे औचित्य साधून शुक्रवार, दिनांक 27 फेब्रुवारी 2026 रोजी प्रशालेमध्ये वैज्ञानिक रांगोळी स्पर्धेचे आयोजन करण्यात आले. विज्ञानातील विविध संकल्पनांचे रंगीत खडूच्या साह्याने विद्यार्थिनींनी अतिशय उत्तम पद्धतीने रांगोळीचे रेखाटन केले. रांगोळी स्पर्धेचे मूल्यमापन पुढील मुद्द्यांच्या आधारे करण्यात आले. रचनात्मकता, विषयाची प्रासंगिकता, कलात्मक विवरण आणि स्पष्टता, रंगांचा योग्य वापर आणि एकूण परिणामकारकता असे एकूण 50 गुणांचे मूल्यमापन करण्यात आले. रांगोळी स्पर्धेचा निकाल पुढीलप्रमाणे
प्रथम क्रमांक: दुर्गावती
द्वितीय क्रमांक: लक्ष्मी
तृतीया क्रमांक: जिजामाता
चतुर्थ क्रमांक: अहिल्या
सदर स्पर्धेचे मूल्यमापन सौ. मंजिरी पाटील व सौ. जयश्री गरुड यांनी केले. स्पर्धेचे आयोजन विज्ञान विभाग प्रमुख व स्पर्धा विभाग प्रमुख सौ. वैशाली शिंदे यांनी केले होते.

⚜️🏆जागतिक चिंतन दिवस याचे औचित्य साधून भारत स्काऊट गाईडच्या विषयांवर वक्तृत्व स्पर्धा तसेच प्रवेश परीक्षा मएसो राणी लक्ष्मीबाई मुलींची सैनिकी शाळा येथे संपन्न!!⚜️🏆

प्रशालेमध्ये 22 फेब्रुवारी 2026 जागतिक चिंतन दिवस याचे औचित्य साधून भारत स्काऊट्स आणि गाईड चळवळीचा इतिहास, लॉर्ड बेडन पॉवेल, लेडी बेडन पॉवेल या विषयांवरती वक्तृत्व स्पर्धा आयोजित करण्यात आल्या. या स्पर्धेसाठी एक उत्तम शिक्षिका सौ. सुषमा गजानन पाटील या कार्यक्रमाच्या प्रमुख पाहुण्या व परीक्षक होत्या. श्रीमती प्रियांका गुरव व सौ. दिपाली भावसार यांनी देखील परीक्षक म्हणून काम पाहिले. कार्यक्रमाची सुरुवात स्काऊट गाईड चळवळीचे जनक लॉर्ड बेडन पॉवेल यांची प्रतिमापूजन करून झाले. सर्व गाईड्सनी गाईड प्रार्थना गायली. त्यानंतर पाहुण्यांचे स्वागत करून वक्तृत्व स्पर्धेत सुरुवात झाली. या वक्तृत्वांमधून विद्यार्थिनींमध्ये सदैव तत्पर राहणे, इतरांना मदत करणे, कठीण परिस्थितीत सामोरे जाणे, विद्यार्थिनींचा सर्वांगीण विकास, शिस्त, सेवा, चारित्र्यसंवर्धन असे संस्कार रुजविले जातात त्याचा हा एक छोटासा प्रयत्न. इयत्ता सहावी आणि सातवी एक गट आणि आठवी आणि नववी दोन गट यामधून तीन विद्यार्थिनींना क्रमांक मिळाले. त्यामध्ये
इयत्ता सहावी व सातवी मधून
* प्रथम क्रमांक कॅडेट श्रावणी शेडगे (जिजामाता हाऊस)
* द्वितीय क्रमांक कॅडेट अनुश्री गुजर (अहिल्या हाऊस)
* तृतीय क्रमांक कॅडेट सिया मयेकर (दुर्गावती हाऊस)

इयत्ता आठवी आणि नववी मधून
* प्रथम क्रमांक कॅडेट स्वरा केदारी (दुर्गावती हाऊस)
* द्वितीय क्रमांक कॅडेट अन्वी माने (अहिल्या हाऊस)
* तृतीय क्रमांक कॅडेट्स स्वराली देशमुख (जिजामाता हाऊस) आणि कॅडेट रचना जाधव (लक्ष्मी हाऊस)
सहभागी झालेल्या सर्व कॅडेट्सनी उत्कृष्ट असे वक्तृत्व केले.
सदर कार्यक्रमासाठी प्रशालेचे कमांडंट एविएन विंग कमांडर श्री. म यज्ञरामन सर उपस्थित होते सरांनी विद्यार्थिनींना मार्गदर्शन करून त्यांचे कौतुक केले. सदर कार्यक्रमासाठी प्रशालेच्या मुख्याध्यापिका सौ. ज्योती खिरिड, सीनियर मास्टर व पर्यवेक्षक श्री. संदीप पवार यांचे अनमोल मार्गदर्शन लाभले. कार्यक्रमाचे नियोजन गाईड कॅप्टन दिपाली आंबेकर, प्रियांका गुरव, जयश्री गरुड, दिपाली भावसार, प्रियांका राजहंस सर्व मेट्रन्स यांनी केले.

मएसो शिक्षण प्रबोधिनी व ज्ञानप्रबोधिनी पुणे यांच्या संयुक्त विद्यमाने म ए सो च्या सर्व माध्यमिक शाळांमध्ये छोटे सायंटिस्ट हा उपक्रम इयत्ता 5 वी ते 9 वी च्या विद्यार्थ्यांसाठी प्रतिवर्षी राबविण्यात येतो.
विज्ञानातील विविध संकल्पनांवर आधारित कृतियुक्त विज्ञान कार्यशाळेचे आयोजन दरमहा विज्ञान शिक्षकांसाठी करण्यात येते व शिक्षकांद्वारे ही सत्रे प्रशालेत घेतली जातात. शिकलेल्या संकल्पनांचे उपयोजन व दृढीकरण होण्याच्या उद्देशाने प्रतिवर्षी समस्या परिहार स्पर्धेचे आयोजन करण्यात येते.
इयत्ता सहावी व सातवी साठी SKILL SINCH competition स्पर्धेचे आयोजन शनिवार दिनांक 21 फेब्रुवारी 2026 रोजी ज्ञानप्रबोधिनी पुणे येथे करण्यात आले होते. या स्पर्धेत आपल्या शाळेतील सहावी व सातवीच्या गटातून प्रत्येकी 2 कॅडेट्स सहभागी झाल्या होत्या.
या गटाला प्रथम क्रमांकाचे पारितोषिक प्राप्त झाले.

इयत्ता सहावीच्या कॅडेट्स
1) Cdt. Aradhya Sarang Kumar Pachghare
2) Cdt. Durva Mahadev Patil

तसेच इयत्ता सातवीच्या कॅडेट्स
1) Cdt. Anushri Nagnath Gujar
2) Cdt. Snehal Vaibhav Jagdale

या यशाबद्दल प्रशालेचे कमांडंट एविएन विंग कमांडर म. यज्ञरामन व प्रिन्सिपल सौ. ज्योती खिरीड यांनी कॅडेट्सचे अभिनंदन व कौतुक केले. शाळेच्या ATL इन्चार्ज मंजिरी पाटील व विज्ञान विभाग प्रमुख वैशाली शिंदे तसेच विज्ञान शिक्षक श्री रवींद्र उराडे व संस्कृती मंगवडे यांचे मार्गदर्शन लाभले.

मराठी राजभाषा दिन / मराठी भाषा गौरव दिन कार्यक्रम
शनिवार दि.२८ फेब्रुवारी२०२६

शनिवार दिनांक २८ फेब्रुवारी २०२६ रोजी मराठी राजभाषा दिन कार्यक्रम उत्साहात साजरा…..
थोर साहित्यिक वि. वा. शिरवाडकर उर्फ कुसुमाग्रज यांचा जन्मदिवस २७ फेब्रुवारी ‘मराठी राजभाषा गौरव दिन’ म्हणून साजरा केला जातो. या निमित्ताने म.ए.सो. राणी लक्ष्मीबाई मुलींची सैनिकी शाळा, कासार आंबोली, तालुका मुळशी, जि. पुणे येथे शनिवार दिनांक २८ फेब्रुवारी२०२६ रोजी प्रशालेच्या वसतिगृह मैदानावर उत्साहात सकाळी ७.४० ते ९.१५ या वेळेत संपन्न झाला. सदरच्या कार्यक्रमासाठी प्रशालेचे कमांडंट ऐविएन विंग कमांडंर म. यज्ञरामन सर, सिनिअर मास्टर / पर्यवेक्षक श्री. संदीप पवार सर कार्यक्रमास उपस्थित होते. सर्व मान्यवरांनी प्रतिमापूजन केले. कार्यक्रमाची सुरुवात इयत्ता सातवी अ च्या विद्यार्थिनींनी ‘ही मायभूमी, ही जन्मभूमी’ हे सामुहिक गीत सादर केले. इयत्ता ६ वी अ कॅ. दुर्वा पाटील आणि कॅ. गुंजन भादुले या विद्यार्थिनींनी ‘कविवर्य कुसुमाग्रज’ आणि ‘चला मराठी जपू या’ या विषयावर माहिती सांगितली. इयत्ता ७ वी ब तील विद्यार्थिनींनी ‘माझी मराठी शाळा’, ‘स्वर्गात आकाशगंगा’ या गाण्यावर सुंदर नृत्य सादर केले. छंद वर्गातील विद्यार्थिनींनी भारुड, गवळण, पोवाडा, गोंधळ या लोकगीतांचे उत्तम सादरीकरण केले. तसेच प्रशालेतील श्री. मंगेश पाटील सर यांनी मातृभाषेचे मह्त्त्व आणि कविश्रेष्ठ कुसुमाग्रज यांच्याविषयी माहिती सांगितली. तसेच प्रशालेत शुक्रवार दिनांक २७ फेब्रुवारी २०२६ रोजी संध्याकाळी ८ ते ९ या वेळेत मराठी प्रश्नमंजुषा स्पर्धा कुलश: घेण्यात आली. त्यामध्ये प्रथम क्रमांक दुर्गावती कुल, द्वितीय क्रमांक जिजामाता कुल, तृतीय क्रमांक लक्ष्मी कुल आणि चतुर्थ क्रमांक अहिल्या कुल. स्पर्धेचे परीक्षण श्री. मंगेश पाटील सर यांनी केले होते. प्रशालेचे सिनिअर मास्टर /पर्यवेक्षक श्री. संदीप पवार सर यांनी कार्यक्रमाचे मनोगत व्यक्त केले. इयत्ता ८ वी अ तील कॅ. अपूर्वा देशपांडे आणि कॅ. गाथा सोनावणे या विद्यार्थिनींनी कार्यक्रमाचे सूत्रसंचालन केले. इयत्ता ९ वी ब कॅ. सायली पवार या विद्यार्थिनीने आभार मानले. अशा रितीने कार्यक्रम संपन्न झाला.
प्रशालेचे कमांडंट ऐविएन विंग कमांडंर म. यज्ञरामन सर, प्राचार्या सौ. ज्योती खिरीड, सिनिअर मास्टर/पर्यवेक्षक श्री. संदीप पवार या सर्व पदाधिकाऱ्यांचे नेहमीच मोलाचे मार्गदर्शन लाभत असते. या कार्यक्रमाचे सर्व नियोजन मराठी विभागाने केले होते.
मराठी राजभाषा आमची
महाराष्ट्राची शान!
भजन कीर्तन ऐकताना,
हरपते भान.

Duty Master : (Remarks & Signature) : कु. संस्कृती मंगवडे

Event Coord : सौ. सुनिता शिंदे
Senior Master : श्री. संदीप पवार
Principal : सौ. ज्योती खिरीड
Commandant : Avn विंग कमांडर एम. यज्ञरामण

आज रविवार दिनांक 1 मार्च 2026 रोजी इ. 12 वी च्या कॅडेटस पहाटे लवकर उठून लवळे गावातील डोंगरावरील पांडवकालीन गणपती मंदिर व श्री. रोटमलनाथ मंदिर येथे पायी ट्रेकिंग साठी गेल्या होत्या. या ट्रेकिंग चे नियोजन शाळेचे कमांडंट एविएन विंग कमांडर श्री. म. यज्ञरामन सर यांच्या मार्गदर्शनानुसार सैन्य प्रशिक्षक सुभेदार श्री. नवनाथ पवार सर, एन सी सी प्रशिक्षक तेजश्री दिघे, मेट्रन कमल ताई, दिव्या ताई व प्रियांका जोडमोटे ताई यांनी केले होते.


🇮🇳 विनायक दामोदर सावरकर यांची पुण्यतिथी 🇮🇳

आज गुरुवार दिनांक 26/02/ 2026 रोजी म ए सो राणी लक्ष्मीबाई मुलींची सैनिकी शाळा येथे राष्ट्रभक्त विनायक दामोदर सावरकर यांची पुण्यतिथी साजरी करण्यात आली.
कार्यक्रमाची सुरुवात प्रतिमापूजनाने झाली. पर्यवेक्षक श्री. संदीप पवार, श्री. महेश कोतकर, शिक्षिका सौ. दिपाली आंबेकर यांनी सावरकरांबद्दल आपले मनोगत व्यक्त केले. आपल्या मनोगता मधून त्यांनी सावरकरांचा संपूर्ण इतिहास त्यांच्या जन्मापासून त्यांनी केलेले कार्य, राष्ट्रभक्ती, त्यांनी सहन केलेल्या यातना, देशावरील प्रेम, त्यांचे लेखन कविता या सर्वांचा उहापोह सादर केला. इयत्ता सहावी मधील जेनिशा शुक्ला, कृतिका कदम, रागिनी देशमुख, प्रिया काळेल, आराध्या थोरात आणि पार्थवी ठोंबरे या विद्यार्थिनींनी इंग्रजी आणि मराठी भाषेतून वक्तृत्व सादर केले.
सदर कार्यक्रमाचे नियोजन इतिहास विभाग प्रमुख सौ. दिपाली आंबवणे व इतिहास विभागातील सर्व शिक्षक यांनी केले. कार्यक्रमासाठी प्रशालेचे कमांडंट एविएन विंग कमांडर श्री. म. यज्ञरामन, मुख्याध्यापिका सौ. ज्योती खिरीड, सीनियर मास्टर व पर्यवेक्षक श्री. संदीप पवार यांचे अनमोल मार्गदर्शन लाभले. प्रशालेचे ज्येष्ठ शिक्षक श्री. महेश कोतकर यांनी देखील वीर सावरकरांबद्दल माहिती सांगून कार्यक्रमाचा समारोप केला.

21 Feb 26 / Sat

RLMSS Special Assembly for Felicitations by Kreedabharati, Pune Chapter…

आज शनिवार दिनांक 21 फेब्रुवारी रोजी प्रशालेत क्रीडा भारती सामान्य ज्ञान क्रीडा मंजुषा ऑनलाईन स्पर्धेचा पारितोषिक वितरण समारंभ उत्साहात पार पडला.
या कार्यक्रमाचे प्रमुख अतिथी म्हणून अखिल भारतीय महामंत्री क्रीडा भारती श्री. राज चौधरी, अखिल भारतीय सहमंत्री श्री. मधुमय नाथ, नियामक मंडळ सदस्य, अखिल भारतीय योग व सूर्यनमस्कार प्रमुख श्री. चंद्रशेखर जहागीरदार, नियामक मंडळ सदस्य व अखिल भारतीय क्रीडा केंद्र प्रमुख श्री. ए. एन. अशोक, क्रीडा भारती मंत्री पुणे महानगर व अखिल भारतीय कार्यालय प्रमुख श्री. विजय रजपूत यांच्या शुभहस्ते क्रीडा भारती सामान्य ज्ञान क्रीडा मंजुषा ऑनलाईन स्पर्धा व ॲथलेटिक्स स्पर्धेतील यशस्वी कॅडेसचा सन्मानचिन्ह व प्रमाणपत्र देऊन सत्कार करण्यात आला. याप्रसंगी सैनिकी शाळेचे कमांडंट एविएन विंग कमांडर श्री. म. यज्ञरामन, शाळेच्या प्राचार्या सौ. ज्योती खिरीड व सर्व शिक्षक शिक्षकेत्तर कर्मचारी उपस्थित होते.
ऑनलाईन सामान्य ज्ञान क्रीडा मंजुषा स्पर्धेतील यशस्वी कॅडेटस पुढीलप्रमाणे आहेत.
1) प्रथम क्रमांक — कॅडेट कादंबरी कड — इ.11 वी
2) द्वितीय क्रमांक — कॅडेट तेजल निखाडे — इ.10 वी ब
3) तृतीय क्रमांक विभागून
१) कॅडेट समृद्धी दौंडकर — इ. 9 वी अ
२) कॅडेट श्रद्धा फड — इ. 7 वी ब
कार्यक्रमाचे सूत्रसंचालन कॅडेट श्रेया चव्हाण व कॅडेट स्नेहल देवगण यांनी केले व आभार सिनियर मास्टर व पर्यवेक्षक श्री. संदीप पवार यांनी मानले. या संपूर्ण कार्यक्रमाचे आयोजन परिपाठ विभाग प्रमुख श्री. महेश कोतकर, क्रीडा विभाग प्रमुख हवालदार श्री. गजानन माळी व सर्व सैनिकी परिवाराने केले होते.

आज दिनांक 19 फेब्रुवारी वार गुरुवार रोजी प्रशालेमध्ये शिवजयंती उत्सव उत्साहात साजरा करण्यात आला. लेझीम व ढोलताशांच्या गजरात छत्रपती शिवाजी महाराजांची मिरवणूक काढण्यात आली. वसतिगृहातील मेस शेजारील मैदानावर कार्यक्रमाचे आयोजन करण्यात आले होते. सर्वात प्रथम प्रशालेचे कमांडंट एविएन विंग कमांडर श्री. यज्ञरमन सर, प्रशालेचे सिनियर मास्टर व पर्यवेक्षक श्री. संदीप पवार सर, ज्येष्ठ शिक्षिका सौ. मंजिरी पाटील मॅडम, सौ. रेखा रायपुरकर मॅडम, सौ. सावित्री पाटील मॅडम तसेच ज्येष्ठ शिक्षक श्री. जगधने सर यांनी दीप प्रज्वलन करून छत्रपती शिवाजी महाराजांच्या प्रतिमेचे पूजन केले. तसेच प्रशालेतील कार्यक्रमास उपस्थित असणाऱ्या सर्व शिक्षकांनी व वसतिगृह विभाग प्रमुख, मेस विभाग प्रमुख, क्रीडा विभाग प्रमुख व त्या विभागातील उपस्थित सर्व सदस्यांनीदेखील (अश्वशाळा ते पाकशाळा) छत्रपती शिवाजी महाराजांच्या प्रतिमेचे पूजन केले. यानंतर इयत्ता दहावीच्या कॅडेट्सचा शुभेच्छा समारंभ पार पडला. कार्यक्रम पत्रिकेतील रचनेनुसार इयत्ता नववी मधील सर्व कॅडेट्सनी भाषण, पोवाडा, नाटिका सादरीकरण असा कार्यक्रम उत्तमरीत्या सादर केला. श्री. अद्वैत जगधने सरांनी छत्रपती शिवाजी महाराजांच्या अतुलनीय कार्याची महती आपल्या भाषणाद्वारे सर्व कॅडेट्स पर्यंत पोहोचवली. संपूर्ण कार्यक्रमाची जबाबदारी पार पडण्यासाठी वसतिगृह विभाग, मेस विभाग, सर्व मेट्रन ताई, मेट्रन इंचार्ज श्रीमती गुरव मॅडम, इतिहास विभाग, इयत्ता नववी व दहावीचे वर्गशिक्षक यांचे सहकार्य लाभले.
शिवजयंतीचा कार्यक्रम यशस्वी होण्यासाठी प्रशालेचे कमांडंट एविएन विंग कमांडर श्री. यज्ञरमन सर, प्रशालेच्या प्राचार्या सौ. ज्योती खिरीड मॅडम व सिनियर मास्टर श्री. संदीप पवार सर या सर्व पदाधिकाऱ्यांचे बहुमोल मार्गदर्शन लाभले.

ज्ञान प्रबोधिनी पुणे आयोजित छोटे सायंटिस्ट समस्या परिहार स्पर्धा – 2026
मएसो शिक्षण प्रबोधिनी व ज्ञानप्रबोधिनी पुणे यांच्या संयुक्त विद्यमाने म ए सो च्या सर्व माध्यमिक शाळांमध्ये छोटे सायंटिस्ट हा उपक्रम इयत्ता 5 वी ते 9 वी च्या विद्यार्थ्यांसाठी प्रतिवर्षी राबविण्यात येतो.
विज्ञानातील विविध संकल्पनांवर आधारित कृतियुक्त विज्ञान कार्यशाळेचे आयोजन दरमहा विज्ञान शिक्षकांसाठी करण्यात येते व शिक्षकांद्वारे ही सत्रे प्रशालेत घेतली जातात. शिकलेल्या संकल्पनांचे उपयोजन व दृढीकरण होण्याच्या उद्देशाने प्रतिवर्षी समस्या परिहार स्पर्धेचे आयोजन करण्यात येते.
इयत्ता आठवी व नववी साठी समस्या परिहार स्पर्धेचे आयोजन शनिवार दिनांक 14 फेब्रुवारी 2026 रोजी ज्ञानप्रबोधिनी पुणे येथे करण्यात आले होते. या स्पर्धेत आपल्या शाळेतील आठवी व नववीच्या गटातून प्रत्येकी 4 कॅडेट्स सहभागी झाल्या होत्या. Pressure संकल्पनेवर आधारित समस्या परिहार स्पर्धेत आठवीच्या गटाला प्रथम क्रमांकाचे पारितोषिक प्राप्त झाले.
1) Cdt Riddhi Girish Supekar
2) Cdt. Daksha yugendra Katore
3) Cdt. Swamini Vikram Ghadge
4) Cdt. Apurva Akshay Deshpande
तसेच इयत्ता 9 वी च्या कॅडेट्स
1) Cdt. Devika Suhas Tad
2) Cdt. Lavanya Shivkumar Mundase
3) Cdt. Krushna Amit Dhore
4) Cdt. Tanvi Atul Saraf

यांनी देखील स्पर्धेत उत्स्फूर्त प्रतिसाद नोंदवला.
या यशाबद्दल शाळेचे कमांडंट एम. यज्ञरमण व प्रिन्सिपल सौ. ज्योती खिरीड यांनी कॅडेट्सचे अभिनंदन व कौतुक केले. शाळेच्या ATL इन्चार्ज मंजिरी पाटील व विज्ञान विभाग प्रमुख वैशाली शिंदे तसेच विषय शिक्षक श्री. मंगेश पाटील यांचे मार्गदर्शन लाभले.

Rotary international District Sustainable Environment peace Conference -2026
बुधवार दिनांक 12 फेब्रुवारी 2026 रोजी Rotary District club 3131 व पुणे महानगरपालिका यांच्या संयुक्त विद्यमाने बालगंधर्व रंगमंदिर, पुणे येथे शाश्वत पर्यावरण व शांतता (Sustainable Environment and Peace) याविषयी परिषदेचे आयोजन करण्यात आले होते.
रोटरी क्लब चे विविध पदाधिकारी, पर्यावरण तज्ञ, संशोधक यांनी नैसर्गिक पर्यावरण व जागतिक शांतता याविषयी मार्गदर्शन केले.
विविध सत्रे, शोधनिबंध सादरीकरण, सांस्कृतिक कार्यक्रम इत्यादींद्वारे शांतता परिषद कार्यक्रमात शांती संदेश व Sustainable Environment विषयक मार्गदर्शन करण्यात आले.
या कार्यशाळेत 50 शाळांमधील एकूण 550 जण सहभागी झाले होते. सर्व सहभागी शाळांमधील विद्यार्थी, शिक्षक यांचा शांतीदूत (Peace Ambassador) म्हणून सन्मान करण्यात आला.
शांतता प्रतिज्ञा (Peace oath) ने कार्यक्रमाचा समारोप करण्यात आला. प्रशालेतील इयत्ता 7 वी ते 9 वी व 11 वी च्या एकूण 29 cadets शांती परिषदेत सहभागी झाल्या होत्या.
विद्यार्थिनींना प्रमाणपत्र व मेडल देण्यात आले.
प्रशालेच्या प्राचार्या मा. सौ. ज्योती खिरीड, विज्ञान अध्यापिका, ATL प्रमुख सौ. मंजिरी पाटील व इको क्लब प्रमुख श्री. भाऊसाहेब मार्तंड यांनी या कार्यशाळेत सहभाग नोंदवला.

दीपस्तंभ चॅरिटेबल ट्रस्ट यांच्यातर्फे स्कूल संसद 2026 चे आयोजन करण्यात आले. यामध्ये प्रथम फेरीमध्ये आपल्या शाळेतील पाच कॅडेट्स निवडल्या गेल्या. संसदेच्या दुसऱ्या फेरीमध्ये कॅडेट सारा चतुरे व कॅडेट कार्तिकी मरगज यांची संपूर्ण महाराष्ट्रात झालेल्या फेऱ्यांमधून, एकूण 2000 विद्यार्थ्यांमधून निवड झाली. दुसरी फेरी हीएस एम जोशी हॉल पुणे येथे स्कूल संसद 2026- दिनांक 5, 6, 7, 8 फेब्रुवारी रोजी पार पडली. यामध्ये कॅडेट सारा चतुरे हिची उपपंतप्रधान म्हणून निवड झाली. या पूर्ण कार्यशाळेसाठी मुलींना आपल्या शाळेचे कमांडंट एविएन विंग कमांडर श्री. एम. यज्ञरामन व प्राचार्या सौ. ज्योती खिरीड मॅडम तसेच सौ. राजश्री गोफणे मॅडम व श्री. मंगेश पाटील सर यांचे मार्गदर्शन लाभले.

07 Feb 26 / Sat /0700 hrs

⚜️ म ए सो राणी लक्ष्मीबाई मुलींची सैनिकी शाळा येथील इयत्ता नववीच्या गाईड कॅडेट्स भारत स्काऊट गाईड जिल्हा मेळाव्यामध्ये उत्स्फूर्त सहभाग घेऊन ठरले अनेक बक्षीसांचे मानकरी!!⚜️

पुणे भारत स्काऊट गाईड जिल्हा कार्यालय व जिल्हा परिषद पुणे तसेच श्री. जैन विद्या प्रसारक मंडळ संचलित श्री. फतेचंद जैन विद्यालय व ताराबाई शंकरलाल मुथा कन्या प्रशाला यांच्या संयुक्त विद्यमाने पुणे भारत स्काऊट गाईड जिल्हा मेळाव्याचे उद्घाटन शनिवारी पार पडले. दि.7 ते 8 फेब्रुवारी 2026 या कालावधीत चिंचवड येथे संपन्न झालेल्या या स्काऊट गाईड जिल्हा मेळाव्यात जिल्हयातून 39 शाळेतील 1048 स्काऊट-गाईड व स्काऊटर गाईडर मोठ्या उत्साहात सहभागी झाले होते. सदर मेळाव्यासाठी आपल्या प्रशालेतील इयत्ता नववीच्या एकूण 32 गाईड्स, गाईड कॅप्टन दिपाली आंबेकर, गाईड इन्स्ट्रक्टर प्रियांका गुरव यांनी सहभाग घेतला होता. मेळाव्यामध्ये संचालनाचे सादरीकरण, कवायती, योगासने, बँड कलर पार्टी, शेकोटी स्पर्धा, तंबू सजावट स्पर्धा, बिन भांड्यांचा स्वयंपाक स्पर्धा, फिजिकल डिस्प्ले स्पर्धा, शोभायात्रा अशा विविध स्पर्धांचा समावेश होता. आपल्या प्रशालेतील विद्यार्थिनींनी अथक परिश्रम घेऊन उत्तुंग यश मिळवले त्यामध्ये,
१. उत्कृष्ट संचलन प्रथम क्रमांक 🏆
२. बँड कलर पार्टी द्वितीय क्रमांक🏆
३. शेकोटी स्पर्धा द्वितीय क्रमांक🏆
4. शोभायात्रा उत्तेजनार्थ अशी अनेक बक्षीसे मिळवून सन्मानाचिन्ह मिळवले.
तसेच भारत स्काऊट गाईड राष्ट्रीय जांभोरी लखनऊ येथे संपन्न झालेली होती. त्यामध्ये आपल्या प्रशालेमध्ये मधील सहभागी गाईडचे आणि गाईड कॅप्टन चे सन्मानचिन्ह देऊन स्वागत आणि सत्कार करण्यात आला.
प्रशालेच्या वतीने सदर मेळाव्यासाठी मार्गदर्शनाबद्दल पुणे जिल्हा स्काऊट संघटक श्री. दिगंबर करंडे व गाईड संघटक सौ. उषा हिवराळे यांचे आभार मानले.
सदर मेळाव्यासाठी प्रशालेचे एविएन एअर विंग कमांडर यज्ञ रमण, मुख्याध्यापिका सौ. ज्योती खिरीड, सीनियर मास्टर व पर्यवेक्षक श्री. संदीप पवार, गाईड कॅप्टन सौ. दिपाली आंबेकर, सुभेदार श्री. नवनाथ पवार इन्स्ट्रक्टर श्रीमती प्रियांका गुरव, इन्स्ट्रक्टर विनायक पाटील, श्री. राम दाहित सर्व शिक्षक शिक्षकेतर कर्मचारी यांचे मोलाचे मार्गदर्शन व सहकार्य लाभले.
⚜️🌹⚜️🎯🙏🎯⚜️🌹⚜️

RLMSS Bharat Scouts & Guides Contingent of the following, in a first, left for participating and competing in District Level Annual Training Camp at Pimpri, Pune.

~ Sou Dipali Suhas Ambekar – Guide Captain

~ Subedar Shri Navnath Pawar – Adm & Team Manager

~ Smt Priyanka Gurav – Guide Instructor

~ Shri Ram Dhait – Adm Asst & Transportation

~ 32 Girl Cadets of Class IX


Upon arrival at the venue, Cadets were briefed on Camp Modalities, Adm Instructions, Tent Pitching etc, got accommodated and have settled down to undergo the training.


AnandvArtA….

08 Feb 26 / Sun

Award Time…

RLMSS Bharat Scouts & Guides Contingent performed well in the Camp among 34 Schools (1100 plus participants) and were awarded with the following Three Trophies at a Grand Closing Ceremony.

⚜️Winners⚜️
~ Contingent March Past – Winners, First position

~ Camp Fire Displays – Second Position

~ Band & Colour Party – Second Position

Training ethos and committment on part of RLMSS Contingent was widely appreciated and spoken about.

Admission Queries were attended too.

You made us all proud…Keep going…

With best of our wishes,

~ The MES RLMSS Family, Pune

AnandvArtA…

For the year 2025,

Maharashtra Air Sqn NCC stands declared the best Air NCC at the National Level and on 29 Jan 26, Wg Cdr Shailendra Marathe, Commanding Officer, 3 Mah Air NCC Sqn recieved the coveted DG’s Trophy from DG NCC at Delhi.

RLMSS Air NCC Sqn, being part of the Unit is happy to profess and celebrate this happy moment.

Best of our wishes,

~ The MES RLMSS Family

31 Jan 26 / Sat

Goodwill visit by Phadkes, Pune

~ Mrs Sunanda Vijaykumar Phadke, an Army Wife, Octagenerian and a Good Samaritan, alongwith her two Daughters (Australia based NRI Professionals) paid a goodwill visit to RLMSS Campus, interacted with Officials and Cadets alike expressed happiness in wanting to continue their ongoing philanthropic activities for the School.

~ Mr Samir Jadhav, the Estate Supervisor, RLMSS coordinated the visit and also briefed the visitors on various ongoing projects including CSR activities.

Thanks….Madam and Phadkes.

With best wishes,

~ The MES RLMSS Family, Pune

26 Jan 2026 / Mon

On this glorious 77th Indian Republic Day, the MES RLMSS salutes the Tricolour with unwavering pride!

Veteran Colonel Pankaj K Karvande, ASC
as the RO & Chief Guest unfurled the Tricolour – a symbol of India’s sovereignty, unbreakable unity, and indomitable fearless spirit and later addressed the gathering while inspiring the young Cadets to join Indian Armed Forces in days to come and serve.

Mrs Manjusha Karvande,
Sou Chitratai Nagarkar, Visitor RLMSS, Commandant, Principal and members of Staff and Cadets of the MES RLMSS Family, Parents, Invitees and Guests too graced the occasion,
stood shoulder-to-
shoulder in solemn tribute, united in devotion to the Motherland.

The air echoed with the soul-stirring National Anthem, Jaikaar, Samvidhan prati shapat grahan and Govt of Maharashtra protocol points followed by Ceremonial March Past (as Inter-House Drill Com), MT Displays, Vande Mataram – celebrating 150 years of the song that ignited our freedom struggle and stirs every heart with a sense of pride, loyalty and devotion to the nation.

The event culminated with the traditional Shivgarjana, group photographs and High-Tea.

Memorable.

Best of our wishes,
~ The MES RLMSS Family, Pune

Watch & Download photos from 👇 link…
https://drive.google.com/drive/folders/1FqmUJCq_OtEClWYZ908kO8sJcvICWk38?usp=sharing

सोमवार दिनांक 19 जानेवारी रोजी शैक्षणिक गुणवत्ता संवर्धन अभियान अंतर्गत शालेय तपासणी यशस्वीरित्या पार पडली भुगाव चे केंद्रप्रमुख श्री. सुनिल वाल्हेकर सर, स्वामी विवेकानंद मा. विद्यालय आसदे चे मुख्याध्यापक व मुळशी तालुका मुख्याध्यापक संघाचे अध्यक्ष श्री. सतीश शिंदे सर, श्री. छत्रपती शिवाजी विद्यालय पौड चे मुख्याध्यापक श्री. संतोष भोकरे सर, माध्यमिक विद्यालय काशिग चे सहशिक्षक श्री. संजीव भामरे सर, माध्यमिक विद्यालय कुळे चे सहशिक्षक श्री. नानाभाऊ आवारी सर व म. ए. सो. राणी लक्ष्मीबाई मुलींची सैनिकी शाळेचे ज्येष्ठ लिपिक श्री. मनोजकुमार शिंदे सर यांनी ही तपासणी करून सैनिकी शाळेमध्ये सुरू असलेल्या विविध उपक्रमांचे कौतुक केले व काही सुचना ही दिल्या.
शाळेच्या मुख्याध्यापिका सौ. ज्योती खिरीड मॅडम व सिनियर मास्टर व पर्यवेक्षक श्री. संदीप पवार यांनी सर्वांचे स्वागत केले. शै. गुणवत्ता संवर्धन अभियान समन्वयक सौ. रेखा रायपूरकर, सदस्य — श्री. अद्वैत जगधने, सौ. मंजिरी पाटील, सौ. अश्विनी मारणे, सर्व शिक्षक शिक्षकेत्तर कर्मचारी व सर्व सैनिकी परिवाराने नियोजन केले होते.
शाळेचे कमांडंट एविएन विंग कमांडर श्री. एम. यज्ञरामन सर यांचे मार्गदर्शन लाभले.

‘A’ Certificate Exam of 2nd year NCC Cadets was centrally held on 18 Jan 26, (Sun) at St Vincent High School, Pune Camp.

RLMSS Contingent of 44 cadets alongwith Ms. Tejashri Dighe and Mr. Vinayak Patil reached the venue by 0830hrs.

After administrative formalities the written exam was conducted from 1030 to 1300 hrs.

Post short lunch break Practicals were conducted till 1430 hrs.

All the cadets of RLMSS did very well in the said exam.

आनंद वार्ता
इयत्ता दहावीची कॅडेट दयुति जानी हिने 25 डिसेंबर ला भोपाळ येथे झालेल्या 68 नॅशनल रायफल अँड पिस्टल शूटिंग कॉम्पिटिशन मध्ये पिपसाईट एअर रायफल सब युथ आणि युथ कॅटेगरीमध्ये सहभाग घेतला. तिने 600 पैकी 594.7 पॉईंट घेतले. तिची निवड ISSF साठी झाली आहे. या स्पर्धेसाठी शूटिंग प्रशिक्षक हवालदार श्री. गजानन माळी यांचे मार्गदर्शन लाभले व इम्पोर्टेड रायफल व घरी असताना भरूच येथे तिला मिस मित्तल एम गोहील यांचे मार्गदर्शन लाभले.

⚜️⚜️ म ए सो राणी लक्ष्मीबाई मुलींची सैनिकी शाळेतील इयत्ता आठवीच्या “गाईड” कॅडेट्सनी “रस्ता सुरक्षा अभियाना” द्वारे समाजामध्ये केली जनजागृती!

12 जानेवारी ते 17 जानेवारी 2026 ’रस्ता सुरक्षा सप्ताह’ अंतर्गत म ए सो राणी लक्ष्मीबाई मुलींच्या सैनिकी शाळेतील इयत्ता आठवीच्या स्काऊट गाईडच्या विद्यार्थिनींनी आज शुक्रवार दिनांक 16 /01/ 2026 रोजी घोटावडे फाटा, मुळशी, पुणे येथे रस्ता सुरक्षा अभियान केले. यामध्ये त्यांनी जनजागृती निर्माण करण्यासाठी विविध प्रकारच्या घोषणा दिल्या वाहन चालवताना मोबाईलवर बोलू नये, हेल्मेट चा वापर करावा, ॲम्बुलन्सला वाट द्यावी, सीट बेल्ट चा वापर करावा, दारू पिऊन गाडी चालवू नये या सर्व महत्त्वाच्या गोष्टींचे पथनाट्याद्वारे सादरीकरण केले व जनजागृती केली.
त्याचप्रमाणे “तंबाखू मुक्ती” संदर्भात विविध घोषणा देऊन तंबाखू ही शरीरासाठी किती घातक आहे. त्याच्यामुळे कुटुंबाचे नुकसान होते अशी जनजागृती केली. त्या संदर्भात विविध घोषणा दिल्या. ट्रॅफिक पोलीस यांचे काम किती महत्त्वाचे आहे त्यांच्या कामाप्रति एक कृतज्ञता म्हणून त्यांचा सत्कार करण्यात आला.
सदर कार्यक्रमासाठी प्रशालेचे कमांडंट. एविएन एअर विंग कमांडर श्री. एम. यज्ञरामन प्राचार्या सौ. ज्योती खिरीड, पर्यवेक्षक श्री. संदीप पवार, युनिट लीडर व गाईड कॅप्टन सौ. दिपाली आंबेकर यांचे मार्गदर्शन लाभले. तसेच प्रशालेतील सौ. दिपाली भावसार, रेक्टर प्रियांका गुरव, विनायक पाटील व तेजश्री दिघे यांचे सहकार्य लाभले.⚜️⚜️

53 वे मुळशी तालुकास्तरीय विज्ञान प्रदर्शन 2025-26 दिनांक 23 ते 24 डिसेंबर 2025 रोजी न्यू इंग्लिश स्कूल मारुंजी या ठिकाणी संपन्न झाले. सदर प्रदर्शनामध्ये प्रश्नमंजुषा, वकृत्व स्पर्धा व प्रकल्प स्पर्धा आयोजित करण्यात आल्या होत्या. सदर स्पर्धेमध्ये सहभागी झालेल्या स्पर्धकांची नावे पुढीलप्रमाणे
प्रश्नमंजुषा स्पर्धा:
लहान गट:
1) कॅडेट अपूर्वा अक्षय देशपांडे – इ. 8 वी
2) कॅडेट कशिश बिपीन वाले इ. 8 वी
मोठा गट:
1) कॅडेट इंद्रजा योगेश भोसले – इ. 11 वी
2) कॅडेट प्रशंसा अरविंद वानखेडे – इ. 11 वी
प्रश्नमंजुषा लहान गटासाठी सौ. मंजिरी पाटील व मोठा गटासाठी सौ. सावित्री पाटील यांनी मार्गदर्शन केले.
वक्तृत्व स्पर्धा:
लहान गट:
1) कॅडेट श्रुतिका संतोष घिवारे- इ. 7 वी विषय : भारत व आधुनिक शेती
मोठा गट:
1) कॅडेट अपूर्वा चंद्रकांत केंजळे – इ.11 वी A विषय : जागतिक तापमानवाढ आणि आपली जबाबदारी
वकृत्व स्पर्धा लहान गट यासाठी सौ. वैशाली शिंदे व मोठा गट यासाठी श्री. प्रमोद झुरमुरे व श्री. शिवदास कापुरे यांनी मार्गदर्शन केले.
प्रकल्प:
लहान गट: 1) कॅडेट स्वरा योगेश केदारी – इ. 8 वी Smart innovation for health and hygiene safety product
मोठा गट:1) कॅडेट गायत्री गिरीश रसाळ – इ.9 वी Smart street light to prevent accident in ghat area
लहान गटातील प्रकल्पासाठी सौ. प्रियांका हजारे घोडके व श्री रविंद्र उराडे व मोठ्या गटासाठी कु. संस्कृती मंगावडे व श्री. मंगेश पाटील यांनी मार्गदर्शन केले.
तालुकास्तरावर कॅडेट्सला उत्तम असे यश मिळाले. वकृत्व स्पर्धा लहान गटांमध्ये कॅडेट श्रुतिका संतोष घेवारे या कॅडेटला प्रथम क्रमांक मिळाला, प्रश्नमंजुषा मोठा गट यांचा द्वितीय क्रमांक आला. तर लहान गटातील प्रकल्पाचा तालुकास्तरावर द्वितीय क्रमांक येऊन या प्रकल्पाची जिल्हास्तरासाठी निवड झाली.
जिल्हास्तरीय विज्ञान प्रदर्शन दिनांक 8 ते 10 जानेवारी 2026 रोजी रायसोनी इंजिनीअरिंग कॉलेज वाघोली पुणे येथे संपन्न झाले. लहान गटातील प्रकल्प कॅडेट स्वरा योगेश केदारी व तिला मार्गदर्शन करणाऱ्या सौ. प्रियांका हजारे घोडके व श्री. रविंद्र उराडे यांनी जिल्हास्तरासाठी तिला मार्गदर्शन केले. सर्व विज्ञान शिक्षकांनी यासाठी विशेष प्रयत्न घेतले. शाळेचे कमांडंट एविएन विंग कमांडर यज्ञरामन, शाळेच्या मुख्याध्यापिका सौ. ज्योती खिरीड, सिनियर मास्टर श्री. संदीप पवार यांचे वेळोवेळी मार्गदर्शन लाभले.

Scroll to Top
Skip to content