आज म.ए.सो. राणी लक्ष्मीबाई मुलींच्या सैनिकी शाळेत रथसप्तमी निमित्त सूर्यनमस्कार एक अभिनव उपक्रम राबविण्यात आला. सकाळी 5.30 वाजता शालेय सभागृहात इ.6 वी ते 9 वी व 11 वी घ्या एकूण 398 कॅडेटसनी प्रत्येकी 13 या प्रमाणे एकूण 5174 सूर्यनमस्कार घातले तर सकाळी 7.30 वाजता शालेय राजपथावर इ.6 वी ते इ.12 वी च्या एकूण 532 कॅडेटसनी प्रत्येकी 13 या प्रमाणे एकूण 6916 व 34 शिक्षक – शिक्षकेत्तर कर्मचारी यांनी 352 सूर्यनमस्कार घातले. एकूण सूर्यनमस्कार संख्या 12,442 झाली. इ.9 वी ची कॅडेट अनया कदम हिने रथसप्तमी व सूर्यनमस्काराचे महत्व समजावून सांगितले. मा. प्राचार्या पूजा जोग यांनी शुभेच्छा दिल्या. या कार्यक्रमाचे आयोजन शाळेचे कमांडंट एविएन विंग कमांडर म. यज्ञरामन सर यांच्या मार्गदर्शनानुसार पर्यवेक्षक संदीप पवार, योग प्रशिक्षिका प्रिती वाळके, ए.एन.ओ. राजश्री गोफणे, क्रीडा शिक्षक महादेव मगर, सैन्य प्रशिक्षक अक्षय मांडगे व सर्व शिक्षक शिक्षकेत्तर कर्मचारी यांनी केले होते.

खगोल विश्व आणि संशोधन या संस्थेच्या सहकार्याने मंगळवार दिनांक २१ जानेवारी २०२५ रोजी प्रशालेत एक दिवसीय खगोलशास्त्रीय कार्यशाळा आणि आकाश दर्शन या उपक्रमाचे आयोजन करण्यात आले होते. विद्यार्थिनींना खगोलशास्त्र आणि आकाश निरीक्षणाच्या मूलभूत संकल्पनांची ओळख व्हावी हा या उपक्रमाचा मुख्य हेतू होता. विश्वाची निर्मिती कशी झाली, विश्वात कोणकोणते घटक आहेत, विश्वातील आपले स्थान काय, पृथ्वीबाहेर जीवसृष्टी असण्याची शक्यता किती आहे यांबाबत कार्यशाळेच्या पहिल्या सत्रात स्लाईड शो आणि फिल्मसह माहिती देण्यात आली. दुसऱ्या सत्रात रात्रीच्या आकाशाची रचना कशी असते, राशी, नक्षत्रे, तारकासमूह कसे तयार झाले, रात्रीच्या आकाशात साध्या डोळ्यांनी आणि टेलिस्कोपने कोणकोणते ग्रह, तारे पाहता येतात, आकाशात घडणाऱ्या घटनांचे निरीक्षण कसे करतात यांबाबत माहिती देण्यात आली. विद्यार्थिनींकडून मोठ्या संख्येने प्रश्न विचारण्यात आल्यामुळे कार्यशाळेचे स्वरूप संवादाचे राहिले.
तिसऱ्या सत्रात सूर्यास्तानंतर संध्याकाळच्या आकाशात ओळीने दिसत असलेले शनी, शुक्र, गुरू आणि मंगळ हे ग्रह विद्यार्थिनींना टेलिस्कोपच्या साह्याने दाखवण्यात आले. दहा इंच आणि आठ इंच व्यासाच्या टेलिस्कोपच्या साह्याने शनीची कडी, शुक्राची कला, गुरू आणि त्याचे चार चंद्र आणि तांबूस मंगळ प्रत्यक्ष पाहता आल्याने विद्यार्थिनींच्या चेहऱ्यावरील आनंद लपत नव्हता. खगोलशास्त्र कार्यशाळेत एकूण ३६६ विद्यार्थिनींनी सहभाग घेतला. या सर्व विद्यार्थिनींना सहभागाचे प्रमाणपत्र देण्यात आले. खगोल विश्व आणि संशोधनाच्या वतीने मयुरेश प्रभुणे, सुप्रिया प्रभुणे, शार्विल जोशी आणि शरद भालेराव यांनी कार्यशाळेला मार्गदर्शन केले.
प्रशालेचे कमांडंट मा. श्री. यज्ञरमण, प्राचार्या मा. श्रीमती पूजा जोग, पर्यवेक्षक मा. श्री. श्याम नांगरे व मा. श्री. संदीप पवार यांच्या उपस्थितीत कार्यक्रमाचे उद्घाटन झाले. ATL इन्चार्ज सौ. मंजिरी पाटील यांनी कार्यक्रमाचे संयोजन केले .
कार्यक्रमाच्या यशस्वितेसाठी सर्व विज्ञान शिक्षक सौ. सावित्री पाटील, श्री. प्रमोद झुरमुरे, विभागप्रमुख सौ. वैशाली शिंदे, श्री. शिवदास कापुरे, कु. प्रियांका हजारे, सौ. आरती जोशी तसेच इयत्ता 9वी विज्ञान छंद मंडळाच्या विद्यार्थिनींचे सहकार्य लाभले .

———–

म.ए.सो. राणी लक्ष्मीबाई मुलींच्या सैनिकी शाळेत 76 वा प्रजासत्ताक दिन उत्साहात साजरा करण्यात आला. प्रजासत्ताक दिनाच्या कार्यक्रमाचे प्रमुख अतिथी कर्नल विजयकुमार (निवृत्त) यांच्या हस्ते भारतमाता पूजन व ध्वजारोहण झाले. याप्रसंगी शाला समितीच्या महामात्रा प्रा. चित्रा नगरकर, म.ए.सो. सिनियर काॅलेज च्या प्रा. पूनम रावत, समुपदेशक वैशाली बोबडे, रोटरी क्लब पुणे विजडम चे नीलेश धोपटे, पालक प्रतिनिधी अपर्णा धर्माधिकारी, शाळेचे कमांडंट ए.वि.एन. विंग कमांडर एम. यज्ञरामन, शाळेच्या प्राचार्या पूजा जोग, पर्यवेक्षक शाम नांगरे व संदीप पवार हे उपस्थित होते. ध्वजवंदनानंतर इयत्ता 6 वी ते 12 वी च्या सर्व कॅडेट्सने शानदार संचलन करीत अश्वांसहित ध्वजाला व प्रमुख अतिथींना मानवंदना दिली. महाराष्ट्र गीत, झंडा गीत व प्रतिज्ञा झाल्यानंतर साहसी सैनिकी प्रात्यक्षिकांचे सादरीकरण करण्यात आले. सायलेंट ड्रील, बँड, लेझीम, कराटे, मर्दानी खेळ, धनुर्विद्या, रायफल शूटिंग, योगासन, मल्लखांब आणि घोडेस्वारी अशा चित्त थरारक प्रात्यक्षिकांचे उत्कृष्ट सादरीकरण या ठिकाणी करण्यात आले. आजच्या कार्यक्रमाचे प्रमुख अतिथी कर्नल विजयकुमार यांनी हा देश तुमच्यासारख्या सैनिकी शाळेच्या मुलींच्या हाती सुरक्षित आहे असे सांगत कौतुक केले आणि भविष्यामध्ये महिलांना देखील अनेक क्षेत्रात यशस्वी होण्याची संधी आहे असे आवर्जून सांगितले. या कार्यक्रमाचे नियोजन शाळेचे कमांडंट विंग कमांडर ए.वि.एन. एम यज्ञरामन, शाळेच्या प्राचार्या पूजा जोग यांच्या मार्गदर्शनानुसार पर्यवेक्षक संदीप पवार, क्रीडाशिक्षक महादेव मगर, ए.एन.ओ. राजश्री गोफणे, सुभेदार नवनाथ पवार, हवालदार गजानन माळी, सैन्य प्रशिक्षक अक्षय मांडगे, सर्व क्रीडा प्रशिक्षक व सर्व सैनिकी परिवाराने केले होते. याप्रसंगी उल्लेखनीय कामगिरी केलेल्या एअर विंग एन.सी.सी. च्या
1) सार्जंट राधिका हेमंत चव्हाण – Best Cadet,
2) विधी वसंत वर्पे – Best in Turnout,
3) कॅडेट अनया अनिकेत कदम – Best in Drill
यांचा प्रमुख अतिथींच्या हस्ते ट्राॅफी देऊन सत्कार करण्यात आला.

राणी लक्ष्मीबाई मुलींची सैनिकी शाळा कासार आंबोली प्रशालेत गणित दिन उत्साहात साजरा झाला.
शुक्रवार दिनांक 17 जानेवारी 2025 रोजी राणी लक्ष्मीबाई मुलींची सैनिकी शाळा कासार आंबोली येथे प्रशालेचा वार्षिक गणित दिन उत्साहात साजरा करण्यात आला. थोर गणित तज्ञ श्री दत्तात्रेय कापरेकर सर यांच्या जयंतीनिमित्त प्रशालेत गणित दिनाचा कार्यक्रम आयोजित करण्यात आला होता. सदर कार्यक्रमात गणित तज्ञ श्री दत्तात्रेय कापरेकर सर यांच्या जीवनकार्याचा व गणितातील त्यांचे योगदान याबाबत माहिती सादर करण्यात आली. तसेच गणित दिनाचे औचित्य साधून गणित प्रश्न मंजूषा घेण्यात आली. सदर प्रश्न मंजूषा स्पर्धा ही कुलशः घेण्यात आली. प्रशालेच्या प्रत्येक कुलातील इयत्ता सहावी, सातवी व आठवीतील प्रत्येकी एक विद्यार्थिनी याप्रमाणे चार कुलांमध्ये ही स्पर्धा घेण्यात आली.
कार्यक्रमाची सुरुवात सरस्वती स्तवन व थोर भारतीय गणित तज्ञ श्री रामानुजन यांच्या प्रतिमेला पुष्प वाहून करून करण्यात आली.
या संपूर्ण कार्यक्रमाचे नियोजन व संचालन इयत्ता नववी च्या विद्यार्थिनींनी केले होते.
शिक्षकांसाठी गणितातील मनोरंजक कोडी विचारण्याात आली ज्यामुळे कार्यक्रमात अधिक रंगत आली. कार्यक्रमाचे अध्यक्ष प्रशालेचे कमांडंट विंग कमांडर श्री यज्ञरामन सर, शालेय पदाधिकारी श्री श्याम नांगरे सर व श्री संदिप पवार सर यांच्या हस्ते गणित प्रश्न मंजूषा स्पर्धेत प्रावीण्य प्राप्त विद्यार्थिनींचा गणिताची पुस्तके देऊन सत्कार करण्यात आला. प्रशालेचे कमांडंट विंग कमांडर श्री यज्ञरामन सर यांनी याप्रसंगी विद्यार्थिनींना मार्गदर्शन केले व सर्व स्पर्धक विद्यार्थिनींचे कौतुक केले. शाळेच्या माननीय मुख्याध्यापिका सौ पूजा जोग मॅडम यांच्या मार्गदर्शनाखाली शालेय गणित दिन राबवण्यात आला. प्रशालेचा गणित दिन यशस्वी होण्यासाठी शाळेतील गणित शिक्षक श्री रविन्द्र उराडे, सौ रेखा रायपुरकर, सौ वैशाली शिंदे, श्री सचिन जाधव, श्री मंगेश पाटील, सर्व शिक्षक व शिक्षकेतर वृंद यांचे मोलाचे सहकार्य लाभले.

म.ए.सो. राणी लक्ष्मीबाई मुलींची सैनिकी शाळेने शालेय वार्षिक सादरीकरण विषय ‘नागरी शिष्टाचार’ अंतर्गत वाहतूक नियमांचे पालन याविषयी जागरूकता निर्माण करणे. या उद्देशाने पुढील कार्यक्रम आयोजित करण्यात आला.
सोमवार दि. 20/1/2025 रोजी ‘राष्ट्रीय सुरक्षा महिना 1 जानेवारी ते 31 जानेवारी’ निमित्ताने पौड गाव येथे ‘रॅली आणि पथनाट्य’ यांचे नियोजन करण्यात आले. त्यासाठी 8 वी क वर्गातील 25 कॅडेट, 9 वी ब मधील 20 कॅडेट आणि शिक्षक सकाळी 10.30 वाजता पौड येथे जाऊन रॅली काढली आणि घोषणा दिल्या. रस्त्याच्या कडेने ओळीने विद्यार्थिनी पौड पोलिस स्टेशन पर्यंत गेल्या. त्या ठिकाणी पथनाट्य सादर केले. या ठिकाणी पौड पोलिस स्टेशन चे वरिष्ठ पोलिस निरीक्षक श्री. संतोष गिरीगोसावी साहेब सहा. पोलिस उपनिरीक्षक भाग्यश्री जाधव मॅडम, ठाणे अंमलदार अनिता रवळेकर मॅडम, पोलिस हवालदार मनोज कदम साहेब यांनी विद्यार्थिनींना मार्गदर्शन करुन त्यांचे कौतुक केले. पोलीस स्टेशनची माहिती दिली. तसेच पोलिस कोठडी, शस्त्रे हे देखील दाखविले. परत येताना पुन्हा रॅलीने पौड बसस्थानकापर्यंत घोषणा देऊन बसस्थानकावर पथनाट्य सादर करण्यात आले.
या कार्यक्रमा साठी शाळेचे कमांडट ए.वि.एन. विंग कमांडर यज्ञरामन सर, प्राचार्या श्रीमती पूजा जोग मॅडम, पर्यवेक्षक श्री. श्याम नांगरे सर व श्री. संदीप पवार सर यांनी मार्गदर्शन केले. याप्रसंगी समन्वयक सौ. सावित्री पाटील, सैन्य प्रशिक्षक सुभेदार श्री. नवनाथ पवार, श्री. अक्षय मांडगे, सौ. सुनिता शिंदे, सौ. दिपाली आंबेकर, सौ. स्वाती शेवडे, मेट्रन भाग्यश्री हांडे, श्री. राम माहित हे उपस्थित होते. सादरीकरण विभाग प्रमुख सौ. सावित्री पाटील यांनी कार्यक्रमाचा समन्वय साधला.

15 जानेवारी आर्मी डे महाराष्ट्र राज्य क्रीडा दिनानिमित्त म.ए.सो. राणी लक्ष्मीबाई मुलींची सैनिकी शाळा कासार आंबोली, ता. मुळशी जि. पुणे, जिल्हा क्रीडा अधिकारी कार्यालय पुणे व मुळशी तालुका क्रीडा शिक्षक संघ यांच्या संयुक्त विद्यमाने आयोजित जिल्हास्तरीय भव्य मुलींची क्राॅसकंट्री स्पर्धा आयोजित करण्यात आली होती. या स्पर्धेचे उद्घाटन सैनिकी शाळेच्या माजी विद्यार्थिनी मेजर (निवृत्त) अर्चिस सबनीस, म.ए.सो. चे सहसचिव व क्रीडा वर्धिनीचे महामात्र श्री. सुधीर भोसले, क्रीडा म.ए.सो. क्रीडावर्धिनी समन्वयक पुणे क्रीडा भारती चे अध्यक्ष श्री. शैलेश आपटे, सैनिकी शाळेचे महामात्र डाॅ. उमेश बिबवे, शाळेचे कमांडंट ए.वि.एन विंग कमांडर श्री. एम यज्ञरामन, प्राचार्या श्रीमती पूजा जोग, पर्यवेक्षक श्री. श्याम नांगरे, श्री. संदीप पवार यांच्या हस्ते झाले, तर पारितोषिक वितरण पंचायत समिती मुळशीच्या माजी उपसभापती सौ. सारिका मांडेकर, शाला समिती अध्यक्षा तथा म.ए.सो. नियामक मंडळाच्या उपाध्यक्षा सौ. आनंदी पाटील, शाळेच्या महामात्रा प्रा. चित्रा नगरकर, क्रीडा समन्वयक श्री. राजकुमार शिर्के, पालक प्रतिनिधी श्री. सूर्यकांत निठुरे यांच्या हस्ते झाले. या स्पर्धा वयोगट १२, १४ व १७ फक्त मुलींसाठी आयोजित करण्यात आल्या होत्या. स्पर्धेचा निकाल पुढीलप्रमाणे.
वयोगट — 12 मुली
१) प्रथम क्रमांक — आराध्या गायकवाड — पुणे ॲथलेटिक्स क्लब.
२) द्वितीय — रक्षिता राठोड — पुणे ॲथलेटिक्स क्लब
३) तृतीय — अनुदा सवदी — द्वारका स्कूल चाकण,
उत्तेजनार्थ
१) अन्विता बोरडे — बालशिक्षण मंदिर इंग्लिश मिडीयम स्कूल
२) कॅडेट वैदेही नेमट — सैनिकी शाळा
३) स्नेहल जगदाळे — सैनिकी शाळा.

वयोगट — 14
१) प्रथम — आर्या डोके — न्यू स्कूल लांडेवाडी ता. आंबेगाव
२) द्वितीय — आदिती भड — भारतीय जैन संघटना वाघोली
३) तृतीय — आकांक्षा पवार — रेणुका स्वरुप हायस्कूल पुणे
उत्तेजनार्थ
१) सई कराळे — सेंट जोसेफ हायस्कूल.
२) इच्छा जाधव — न्यू इंग्लिश स्कूल लांडेवाडी.
३) तनिष्का कोलवडकर — भारतीय जैन संघटना

वयोगट 17 मुली
१) प्रथम क्रमांक — अ दिती हारगुडे — भारतीय जैन संघटना
२) द्वितीय — आर्शिया पवार — पुणे ॲथलेटिक्स क्लब
३) तृतीय — श्रेया मालुसरे — पुणे ॲथलेटिक्स क्लब
उत्तेजनार्थ
१) आदिती तांबे — भारतीय जैन संघटना, वाघोली
२) सृष्टी हंडगर — भारतीय जैन संघटना, वाघोली
३) नेत्रा मच्छा — पुणे ॲथलेटिक्स क्लब

एकूण तीन वयोगटात मिळून ३५२ खेळाडूंनी सहभाग घेतला,क्राॅसकंट्रीची चॅम्पियन शिप भारतीय जैन संघटना शाळेने पटकावली. मेजर (निवृत्त) अर्चिस सबनीस यांनी आपल्या जीवनात खेळाचे खूप च महत्व असल्याचे सांगितले, सौ. सारिका ताई मांडेकर यांनी जीवनात खिलाडूवृत्ती हा गुण फक्त खेळामधूनच विकसित होतो हे सांगितले, अध्यक्षीय मनोगतात सौ. आनंदी पाटील यांनी क्राॅसकंट्री ही स्पर्धा स्वतः ची शारीरिक मानसिक क्षमता सिद्ध करण्यासाठी महत्वाची आहे हे सांगितले. प्रास्ताविक पर्यवेक्षक श्री. संदीप पवार यांनी केले. आभार क्रीडा शिक्षक श्री. महादेव मगर यांनी मानले, स्पर्धेचे तांत्रिक अधिकारी म्हणून श्री. मंगेश भालेराव यांनी कामकाज केले. या कार्यक्रमाचे नियोजन शाळेचे कमांडंट ए.वि.एन विंग कमांडर श्री. यज्ञरामन सर व प्राचार्या श्रीमती पूजा जोग मॅडम यांच्या मार्गदर्शनाखाली सर्व सैनिकी परिवाराने केले होते.

RLMSS Air NCC Contingent

02 Jan 25 (Thu)

‘We the Cadets of National Cadet Corps, do solemnly pledge….’

Great a start of the New Year…

With Best wishes….

~ The MES’s RLMSS Family

म. ए. सो. राणी लक्ष्मीबाई मुलींची सैनिकी शाळा कासार आंबोली येथे शनिवार दिनांक 21 डिसेंबर 2024 रोजी सायंकाळी 5.00 ते 8.00 या कालावधीत प्रशालेचे स्नेहसंमेलन व गुणगौरव समारंभ शाळेच्या क्रीडांगणावर उत्साहात साजरे झाले.

म. ए. सो. शिक्षण संस्थेच्या नियामक मंडळाच्या उपाध्यक्षा सौ. आनंदीताई पाटील, म. ए. सो. राणी लक्ष्मीबाई मुलींच्या सैनिकी शाळेचे महामात्र डॉ. श्री उमेश बिबवे, स्नेहसंमेलनाच्या प्रमुख पाहुण्या प्रशालेच्या माजी विद्यार्थिनी सिद्धी आडवणकर, फिल्म मेकर श्री. रश्मिन महागावकर तसेच प्रशालेचे कमांडंट एविएन विंग कमांडर म यज्ञरामन, प्रशालेच्या मुख्याध्यापिका सौ. पूजा जोग, पर्यवेक्षक श्री. श्याम नांगरे, पर्यवेक्षक श्री. संदीप पवार, सर्व शिक्षक, शिक्षकेतर कर्मचारी व पालक यांच्या उपस्थितीत स्नेहसंमेलन पार पडले.
भारतीय संस्कृती व सभ्यता – विविधतेत एकता या विषयाला अनुसरून स्नेहसंमेलनात भारतातील विविध राज्य-प्रदेश व त्यांची संस्कृती, परंपरा यांचे दर्शन प्रशालेच्या विद्यार्थिनींनी संबंधित राज्यातील पारंपारिक सामूहिक तसेच एकल नृत्याद्वारे सादर केले.
सदर स्नेहसंमेलनाला प्रशालेचे कमांडंट एविएन विंग कमांडर म यज्ञरामन, प्रशालेच्या मुख्याध्यापिका सौ. पूजा जोग यांचे मोलाचे मार्गदर्शन व सहकार्य लाभले.
प्रशालेच्या भव्य पटांगणावर रंगबेरंगी प्रकाशझोतात व विविध राज्यातील पारंपरिक पोशाख परिधान करून विद्यार्थिनींनी उत्कृष्टरित्या भारतीय संस्कृती, परंपरा व सभ्यतेचे प्रदर्शन केले.
कार्यक्रमाची सुरुवात प्रशालेच्या गुणवंत विद्यार्थिनींच्या सत्कार समारंभाद्वारे झाली. म. ए. सो. शिक्षण संस्थेच्या नियामक मंडळाच्या उपाध्यक्षा सौ. आनंदीताई पाटील, शाळेचे महामात्र डॉ. श्री उमेश बिबवे, स्नेहसंमेलनाच्या प्रमुख पाहुण्या प्रशालेच्या माजी विद्यार्थिनी सिद्धी आडवणकर व श्री. रश्मिन महागावकर यांच्या हस्ते प्रशालेच्या गुणवंत विद्यार्थिनींचा सत्कार करण्यात आला. वर्ष 2023-24 मधील प्रत्येक इयत्ता व तुकडीतील प्रथम व द्वितीय क्रमांक पटकाविणाऱ्या विद्यार्थिनी, वर्ष 2023-24 मधील इयत्ता दहावी व बारावीच्या परीक्षेत प्रथम पाच विद्यार्थिनी व वर्ष 2024-25 मधील प्रत्येक इयत्ता व तुकडीतील सर्वोत्कृष्ट विद्यार्थिनी तसेच विविध संस्थेद्वारे दिले जाणारे विशेष प्रावीण्य, शिष्यवृत्ती बक्षीसे यांचे वितरण मान्यवरांच्या हस्ते करण्यात आले.

आज दिनांक 14 डिसेंबर 2024 रोजी दत्तजयंती निमित्त आदर्शगाव अंबडवेट पांढर, ता. मुळशी येथील दत्त मंदिरात इ. 11 वी व इ. 9 वी च्या एकूण 64 कॅडेटस ने ड्रिल ड्रेस मध्ये स्वयंसेवक म्हणून गर्दीनियंत्रणाचे काम उत्कृष्टरित्या केले, याचे नियोजन शाळेचे कमांडंट मा. एम यज्ञरामन सर यांच्या मार्गदर्शनानुसार पर्यवेक्षक श्री. शाम नांगरे, पर्यवेक्षक श्री. संदीप पवार, एन.सी.सी. ऑफिसर ए.एन.ओ. सौ. राजश्री गोफणे, सैन्य प्रशिक्षक सुभेदार श्री. नवनाथ पवार, हवालदार श्री. गजानन माळी, सैन्य प्रशिक्षक श्री. अक्षय मांडगे व मेट्रन स्वाती ताई यांनी केले होते. सर्व अतिथी व भाविकांनी सैनिकी शाळेच्या या उपक्रमाचे विशेष कौतुक केले…
🙏🙏

म.ए.सो. राणी लक्ष्मीबाई मुलींची सैनिकी शाळेच्या इ. 11 वी च्या कॅडेटस ने म.ए.सो. सिनियर काॅलेज, क्रीडा भारती, पुणे महानगर व क्रीडा विभाग जिल्हा क्रीडा परिषद पुणे यांच्या संयुक्त विद्यमाने आयोजित वयोगट 19 मुली च्या स्पर्धेत इयत्ता 11 वी च्या दोन्ही संघांनी फायनल मध्ये प्रथम व द्वितीय क्रमांक पटकावले प्रथम रोख पारितोषिक 3000/- रु. व ट्राॅफी द्वितीय क्रमांक 2000/-रु. व ट्राॅफी प्राप्त‌, म.ए.सो. च्या एकूण 14 संघानी भाग घेतला होता, विजयी संघाचे, क्रीडा शिक्षक श्री. महादेव मगर सर, मेट्रन श्रीमती प्रतिभा चव्हाण मॅडम, श्री. राम काका सर्वांचे मनःपूर्वक हार्दिक अभिनंदन…
🙏🙏🙏🙏🙏💐💐💐💐💐

10 Dec 2024

RLMSS hosted the Contingent of Indian Naval Bike Expedition – 2024 – Ride of The Marakkars, on their return leg to Mumbai.
The Team led by
Commodore D Sengupta from the Western Naval Command gave an interactive insight into the cause & purpose of the expedition while inspiring the Cadets to join Indian Navy and be a winner for ever.
Lt Cdr Vishal Nair briefed the Cadets about the Technical Expertise of the Indian Navy and how to go about preparing to join the Indian Navy.
The team also had representation of officers from the Indian Army and Indian Air Force promoting Tri-Service Synergy.
‘The Ride of Marakkars’ Team of the Indian Navy left an indelible impression on the minds of young Cadets, Staff and officials of RLMSS alike making the visit an important milestone in the journey of the MES’s RLMSS Family.

jayahind…

ATL – IoT workshop
The two-days IoT workshop was organized by the IEEE VIIT Student Branch at RLMSS on December 2nd and 3rd, 2024, was a resounding success, engaging students from 7th to 9th grades. The workshop had been focused on providing them with hands-on experience with IoT projects featuring sensors, Arduino boards, and online simulation tools such as TinkerCAD. Students gained a solid understanding of the concept of IoT, exploring how everyday objects can be connected to the internet to collect and exchange data.
The workshop highlighted various applications of IoT across different industries, showcasing how this technology is transforming sectors such as healthcare, agriculture, smart cities, and more. In addition, participants were introduced to the Blynk IoT application, which allows for easy development of IoT solutions. The basics of Artificial Intelligence (AI), Machine Learning (ML), and computer networks were also covered, providing a well-rounded perspective on how these technologies interconnect.
The projects not only reinforced theoretical concepts but also empowered the students to experience the outcomes of their learning. By the end of the workshop, the students shared insightful thoughts on the real-life applications of the projects they worked on, demonstrating their understanding of IoT’s practical implications. Organized by IEEE, the event aimed to inspire and prepare young minds for the evolving landscape of IoT technology. The workshop’s success was marked by the active participation of IEEE members, who recognized the significance of this learning opportunity for both academic and professional growth.
Participants gained valuable expertise related to IoT, coming away with plenty of ideas for solving everyday problems using IoT applications. They learned how Arduino works, and by working with various sensors, they grasped their functionality and importance. The team also focused on effective teamwork, overcoming challenges, and communicating with each other to address questions and concerns. One of the biggest challenges we faced was completing all the projects within a tight time frame, but the satisfaction reflected in each student’s face motivated us to push through. Everyone enjoyed the workshop, shared their ideas, and even presented problem statements that sparked engaging discussions. In conclusion, the two-day IoT workshop was a remarkable journey filled with insightful discussions, hands-on learning experiences, and collaborative problem-solving. Participants were exposed to cutting-edge technologies, including AI, ML, and the basics of coding. Throughout the workshop, we witnessed a shared enthusiasm for exploring the vast potential of IoT in various industries, making it a truly enriching experience for all involved.