दरवर्षी प्रमाणे यंदाही कॅडेटस मध्ये उद्यमशीलता, व्यवहार ज्ञान, संवाद कुशलता वाढावी. भावी जीवनाचा दृष्टीकोण हा व्यावसायिक व्हावा या हेतूने म.ए.सो. राणी लक्ष्मीबाई मुलींच्या सैनिकी शाळेत दरवर्षी उद्योजक मेळावा हा उपक्रम उत्साहात राबविला जातो. यावर्षी १६ ऑक्टोबर २०२५ रोजी शालेय सभागृहात सकाळी ११ वाजल्या पासून हा मेळावा सुरू झाला. प्रशालेचे कमांडंट एविएन विंग कमांडर श्री. यज्ञरामन, मा. मुख्याध्यापिका सौ. ज्योती खिरीड, शाळेचे सिनियर मास्टर श्री. संदीप पवार यांनी मेळाव्याचे औपचारिक उद्घाटन केले. उद्योजक मेळाव्यात पणती, उटणे, भेळ, पाणीपुरी असे स्टॉल होते. कॅडेटसने रंगवलेल्या पणत्या सर्वांचे लक्ष वेधून घेत होत्या, चवदार पाणीपुरी व चटकदार भेळ, आयुर्वेदिक उटणे साबण व तेल यांचा सुंगध याने ग्राहक उत्साहाने खरेदी करत होते. प्रत्येक कुलाचा स्टॉल होता. व्यवहार चातुर्याची स्पर्धा कॅडेटसमध्ये रंगली होती. आपल्या कुलाची सर्वाधिक विक्री व्हावी यासाठी जाहिरात, आकर्षक भेटकार्ड व फलक लेखन केले होते. याप्रसंगी आंतरकुल स्पर्धा घेण्यात आली होती. याचे परीक्षण ज्येष्ठ शिक्षिका सौ. रेखा रायपूरकर सैन्य प्रशिक्षक हवालदार श्री. गजानन माळी व श्री. मंगेश पाटील यांनी केले होते. या उद्योजक मेळाव्याचे आयोजन श्री. अद्वैत जगधने व छंद वर्गाने केले होते. हाऊस मास्टर व हाउस सदस्यांनी अपार मेहनत घेतली. मेस विभागप्रमुख सुभेदार श्री. नवनाथ पवार, श्री. भाऊसाहेब मार्तंड आणि मेस कर्मचारी, वसतीगृहप्रमुख श्रीमती प्रियांका गुरव व मेट्रन, शाळेचे शिपाई काका, ऑफिस कर्मचारी वर्ग, सर्व सैनिकी परिवार अशा अनेकांच्या सहकार्याने उद्योजक मेळावा यशस्वी झाला. 🪔🪔🏮🏮!!!
