बुधवार दिनांक 15 ऑक्टोबर रोजी प्रशालेत दिवाळी पार्टी व ऑक्टोबर बाॅर्न कार्यक्रम उत्साहात पार पडला, ज्या कॅडेटस, शिक्षक, शिक्षकेत्तर कर्मचारी, मेट्रन यांचा वाढदिवस ऑक्टोबर महिन्यात आहे त्यांचा वाढदिवस केक न कापता आपल्या संस्कृतीप्रमाणे सर्वांचे औक्षण करून पौष्टिक लाडू देऊन साजरा करण्यात आला. या सर्वांना शुभेच्छा शाळेचे सिनियर मास्टर व पीआरओ श्री. संदीप पवार यांनी दिल्या. त्यानंतर सांस्कृतिक कार्यक्रम व दिवाळी पार्टीचे आयोजन, रांगोळी काढून पणती, दिवे लावून करण्यात आले होते. या कार्यक्रमाचे आयोजन शाळेचे कमांडंट एविएन विंग कमांडर श्री. एम यज्ञरामन सर, प्राचार्या सौ. ज्योती खिरीड यांच्या मार्गदर्शनानुसार वसतीगृहप्रमुख श्रीमती प्रियांका गुरव व सहकारी, मेस विभागप्रमुख सुभेदार श्री. नवनाथ पवार व सर्व सैनिकी परिवाराने केले होते.
