बुधवार दि. २६ जुलै २०२३ रोजी प्रशालेमध्ये दुपारी ३.०० ते ४.०० या वेळेमध्ये १२ वी च्या सिनियर कॅडेट्स यांनी कारगिल डे / विजय दिवस या सुंदर कार्यक्रमाचे नियोजन केले होते. सूत्रसंचालनासोबतच बासरी वादन, नृत्य, देश भक्तीपर गीत व नाटिका या माध्यमातून कॅडेट्स यांनी आपली देश प्रेमाची भावना व्यक्त केली. सदर कार्यक्रम सैन्य प्रशिक्षण विभागातर्फे सादर करण्यात आला. कार्यक्रमानंतर पाऊस खूप असल्याने कॅडेट्सना LOC कारगिल चित्रपट दाखविण्यात आला कार्यक्रम यशस्वी होण्यासाठी सैन्य प्रशिक्षण विभागाचे हवालदार गजानन माळी व बाळासाहेब चव्हाण यांनी मार्गदर्शन केले. कार्यक्रमासाठी सैनिकी परिवार उपस्थित होता.
