शनिवार दिनांक 27 सप्टेंबर रोजी नवरात्रीनिमित्त कासार आंबोली गावामध्ये म. ए. सो. राणी लक्ष्मीबाई मुलींच्या सैनिकी शाळेच्या कॅडेटसनी अश्वासहित बॅंडच्या तालावर शानदार संचलन केले गावामध्ये जागोजागी रांगोळी काढून, तसेच अश्वांचे औक्षण करून महिलांनी स्वागत केले. याप्रसंगी पद्मावती मातेच्या मंदिरात शाळेच्या मुख्याध्यापिका सौ. ज्योती खिरीड, व सर्व शिक्षक शिक्षकेत्तर कर्मचाऱ्यांच्या हस्ते आरती करण्यात आली. प्रशालेच्या प्रथेप्रमाणे गावचे प्रथम नागरिक म्हणून माजी सरपंच श्री. उमेश सुतार यांचा सन्मान करण्यात आला. मा. मुख्याध्यापिका सौ. ज्योती खिरीड यांनी सर्व ग्रामस्थांना शुभेच्छा दिल्या. त्यानंतर ग्रामस्थांच्या वतीने सर्व सैनिकी परिवाराचा सत्कार करण्यात आला. या संचलनाचे नियोजन शाळेचे कमांडंट एविएन विंग कमांडर श्री. एम यज्ञरामन, मुख्याध्यापिका सौ. ज्योती खिरीड यांच्या मार्गदर्शनानुसार सिनियर मास्टर श्री. संदीप पवार व सर्व शिक्षक शिक्षकेत्तर कर्मचारी यांनी केले होते. कार्यक्रमाचे सूत्रसंचालन सामाजिक कार्यकर्ते श्री. गणेश भिलारे यांनी केले.
