आज दिनांक २६ फेब्रुवारी २०२५ रोजी स्वा. विनायक दामोदर सावरकर यांची पुण्यतिथी साजरी करण्यात आली. प्रशालेचे कमांडंट एविएन विंग कमांडर म. यज्ञरामन, प्राचार्या श्रीमती पूजा जोग यांनी सावरकरांच्या प्रतिमेस हार घालून पूजन केले. प्रशालेतील शिक्षकांनी तसेच विद्यार्थिनींनी प्रतिमेचे फुले वाहून पूजन केले. याप्रसंगी विद्यार्थिनींनी सावरकरांची विविध गीते सादर केली. त्याचप्रमाणे सावरकरांच्या कविता देखील सादर केल्या. दरवर्षी मालतीताई आठवले यांजकडून इयत्ता ८ वी तील दोन सर्वोत्तम कॅडेट्सना स्वा. विनायक दामोदर सावरकर यांचे ग्रंथ तसेच रोख रक्कम दिली जाते. ती बक्षिसे यावर्षी इ. ९ वी तील गुणवंत कॅडेट विधी वर्पे व कॅडेट दक्षिता डुंबरे यांना मिळाली. त्यांचा रोख पारितोषिक व ग्रंथ भेट देऊन सत्कार करण्यात आला. सावरकरांचे जीवन चरित्र प्रशालेतील शिक्षक श्री. मंगेश पाटील यांनी सर्वांसमोर उलगडून दाखवले. प्राचार्य जोग मॅडम यांनी यावेळेस सावरकरांचे चरित्र सर्व विद्यार्थिनींनी आवर्जून वाचले पाहिजे व त्यांच्याप्रमाणे देशभक्तीचे गुण अंगिकारले पाहिजे असे सांगितले. प्रशालेतील ज्येष्ठ शिक्षक श्री. अद्वैत जगधने सर यांनी आभार मानून कार्यक्रमाचा समारोप केला.
