८ मार्च – जागतिक महिला दिन म.ए.सो. राणी लक्ष्मीबाई मुलींच्या सैनिकी शाळेत दैनंदिन परिपाठात साजरा करण्यात आला. सदर दिवसाचे औचित्य साधून परिपाठ सादर करणाऱ्या इयत्ता सातवीच्या कॅडेट्सनी संपूर्ण परिपाठ महिला दिनाशी संबंधित विषयावर सादर केला. सदर परिपाठात कॅडेट वेदश्री खडके हिने दिनविशेष सांगताना जागतिक महिला दिन व इतर आजचे दिनविशेष सांगितले तसेच कॅडेट श्रद्धा लोखंडे हिने महिलांविषयी असलेले कोडे विचारले नंतर कॅडेट त्रिवेणी लाड हिने वेगवेगळ्या क्षेत्रात नावलौकिक असलेल्या महिलांविषयीचे सामान्य ज्ञानावर आधारित प्रश्न विचारले तसेच कॅडेट गायत्री आबंदे हिने आजी, आई, मावशी, मामी, आत्या, बहीण या वेगवेगळ्या नात्यांची संबंधित असलेल्या सर्व महिलांना महिला दिनाच्या शुभेच्छा दिल्या!
कुटुंब सांभाळण्यापासून ते देशसेवेपर्यंत आज वेगवेगळ्या क्षेत्रात महिलांचे योगदान अनन्यसाधारण आहे. अशाच महान असलेल्या तसेच आजच्या पिढीला प्रेरणादायी असलेल्या महिलांविषयीची माहिती कॅडेट यशस्विनी माने हिन सामाजिक कार्यकर्त्या सिंधुताई सपकाळ यांच्या जीवनपट विद्यार्थिनीसमोर गोष्टी रुपात सांगितला तसेच कॅडेट राजनंदिनी चौधरी हिने पहिल्या महिला डॉक्टर आनंदीबाई जोशी यांचे जीवन व कर्तुत्व विषयी माहिती सांगितली.
महिला दिनाचे निमित्त साधून समुपदेशन विभागांतर्गत इयत्ता आठवी अ ची कॅडेट द्राक्षायनी शिंगे हिने ‘मर्दानी’ ह्या चित्रपटातील एक गीत घेतले की, ज्यामध्ये अन्यायाला वाचा फोडण्याच्या स्त्रीच्या स्वभावाविषयी वर्णन केले आहे यावर एक नृत्य सादर केले. तसेच तसेच प्रशालेतील चित्रकला विभागातर्फे इयत्ता आठवीच्या विद्यार्थिनींनी वेगवेगळ्या क्षेत्रात असलेल्या महिलांचे चित्र काढून ते आर्ट वालला प्रदर्शित करण्यात आले.
प्रशालेतील शिक्षक श्री अद्वैत जगधने यांनी महिला वेगवेगळ्या भूमिका कशा बजावत असतात याविषयी माहिती सांगितली तसेच महिला दिन का साजरा करतात? याचे कारण यानिमित्ताने शोधण्याचे आवाहन कॅडेटसला दिले. नंतर शाळेतील पर्यवेक्षक व PRO श्री संदीप पवार यांच्या हस्ते प्रशालेतील महिला शिक्षिकांना गुलाब पुष्प व भेटकार्ड देऊन सन्मानित करण्यात आले तसेच प्रशालेचे कमांडंट एविएन विंग कमांडर म. यज्ञरामन यांच्या हस्ते प्रशालेच्या प्राचार्या पूजा जोग मॅडम तसेच इतर महिला शिक्षिकांना पुष्पगुच्छ, भेट कार्ड व गुलाब पुष्प देऊन सन्मानित करण्यात आले व जागतिक महिला दिनाच्या शुभेच्छा देण्यात आल्या. संपूर्ण कार्यक्रमाचे नियोजन हे प्रशालेतील परिपाठ विभागाने केले होते.
