झॅांसीची राणी लक्ष्मीबाई यांच्या पुण्यतिथीनिमित्त प्रशालेतील राणी लक्ष्मीबाई पुतळयाला हार घातला तसेच घोष पथकाच्या धून वर मानवंदना देण्यात आली. या प्रसंगी प्रशालेतील शिक्षक श्री. प्रशांत जोशी सर यांनी राणी लक्ष्मीबाईचे चरित्र उलगडून दाखवले. या प्रसंगी सर्व सैनिकी परिवार मानवंदनेसाठी उपस्थित होता.
झॅांसीची राणी लक्ष्मीबाई यांच्या पुण्यतिथीनिमित्त बालगंधर्व चौक येथील राणी लक्ष्मीबाई पुतळयाला महाराष्ट्र एज्यूकेशन सोसायटीच्या राणी लक्ष्मीबाई मुलींच्या सैनिकी शाळेकडून मानवंदना देण्यात आली. या प्रसंगी शाळेच्या प्राचार्या डॅा.सुलभा विधाते,सैन्य निदेशक श्री.गजानन माळीसर, प्रा.प्रमोद झुरमुरे सर, शाळेचा स्टाफ तसेच सैनिकी शाळेच्या कॅडेट्सचा प्लाटून व बॅंडपथक उपस्थित होते. राणी लक्ष्मीबाईंच्या पुतळयाला प्राचार्या डॅा.सुलभा विधाते,सैन्य निदेशक गजानन माळीसर व स्कूल कॅप्टन सई धोंड यांनी हार घातला. शाळेच्या प्लाटूनने बॅंडच्या तालावर शानदार सलामी दिली. बॅंडपथकाने यावेळी वेगवेगळ्या धून सादर केल्या व उपस्थितांची मने जिंकून घेतली. यावेळी कॅडेटसनी राणी लक्ष्मीबाईंच्या नावाचा जयजयकार करत परिसर दणाणून सोडला.
