म.ए.सो. राणी लक्ष्मीबाई मुलींची सैनिकी शाळा, पुणे येथे राष्ट्रीय छात्रसेना दिवस उत्साहात साजरा….
२८ नोव्हेंबर २०२३ रोजी प्रशालेतील एअर एन सी सी कॅडेट्स यांच्याकडून ७५ वा राष्ट्रीय छात्रसेना दिवस उत्साहात साजरा करण्यात आला. दुपारी १२.३० वा. कार्यक्रमाचे प्रमुख पाहुणे ३ महा एअर स्क्वाड्रन एन सी सी चे कमांडिंग ऑफिसर ग्रुप कॅप्टन अभिजित खेडकर यांना एन सी सी छात्रसैनिकांकडून मानवंदना देण्यात आली. प्रशालेतील बहुउद्देशीय सभागृहात कार्यक्रम आयोजित करण्यात आला.
कार्यक्रमात कॅडेट्सनी एन सी सी ची माहिती व इतिहास सांगितला. तसेच सार्जंट जान्हवी गायकवाड आणि कॉर्पोरल गिरिजा जोगळेकर यांनी त्यांचा ५ आर डी सी सिलेक्शन कॅम्पचा अनुभव सांगितला. त्याचबरोबर एन सी सी चा प्रोत्साहनात्मक व्हिडीओ दाखवण्यात आला.
प्रमुख पाहुणे ३ महा एअर स्क्वाड्रन एन सी सी चे कमांडिंग ऑफिसर ग्रुप कॅप्टन अभिजित खेडकर यांनी कॅडेट्सना सैन्यातील संधींची माहिती दिली आणि मार्गदर्शन केले. कार्यक्रमास त्यांचा पत्नी सौ रूपाली खेडकर सुद्धा उपस्थित राहिल्या व कॅडेट्सचे कौतुक केले.
कार्यक्रमाचे औचित्य साधून प्रशालेकडून एअर युनिटला २५ खुर्च्या भेट देण्यात आल्या.
या संपूर्ण कार्यक्रमाचे नियोजन प्रशालेतील एन सी सी कॅडेट्स नी केले.
कार्यक्रमाचे सूत्रसंचालन कॅडेट खुशी ओसवाल आणि कॅडेट राधिका चव्हाण यांनी केले. एन सी सी विभाग प्रमुख थर्ड ऑफिसर राजश्री गोफणे यांनी कॅडेट्सना मार्गदर्शन केले आणि सर्वांचे आभार मानले.
कार्यक्रमास शाळेचे सर्व पदाधिकारी, सैन्य प्रशिक्षण विभाग व सर्व शिक्षक शिक्षकेत्तर कर्मचारी उपस्थित होते.
