म.ए.सो. राणी लक्ष्मीबाई मुलींची सैनिकी शाळेत पर्यावरणपूरक गणेशोत्सव उत्साहात साजरा…
शालेय प्रथेप्रमाणे यंदाही शाळेमध्ये गणेश उत्सव साजरा करण्यात आला. इयत्ता दहावीचा वर्ग व वर्ग शिक्षक यांनी उत्कृष्ट पद्धतीने गणेशोत्सवाचे नियोजन केले. पारंपारिक टाळाच्या नादात व ढोल ताशाच्या गजरात भव्य मिरवणूक काढून पारंपारिक पद्धतीने गणेशाची प्राण प्रतिष्ठा करण्यात आली. सैनिकी शाळेच्या परंपरेला साजेसा ऑपरेशन सिंदूर या विषयावर देखावा सादर करण्यात आला. पहेलगाम येथे झालेल्या भ्याड आतंकवादी हल्ल्याचा निषेध आणि ऑपरेशन सिंदूर ची माहिती आणि जनजागृती व्हावी या उद्देशाने ऑपरेशन सिंदूर हा देखावा यावेळी सादर करण्यात आला. भारतीय सशस्त्र दलांनी केलेला हल्ला, युद्धात वापरलेली ब्रह्मोस मिसाइल आणि विमाने यांची प्रतिकृती ही तयार करण्यात आली होती. पाकिस्तानच्या ज्या भागांमध्ये हल्ला करण्यात आला त्या भागांना नकाशामध्ये दाखवून त्याची माहिती दाखवण्यात आली.
गणेशोत्सवाच्या निमित्ताने कॅडेटसनी गणेश पंचाक्षर स्तोत्र, अथर्वशीर्ष याचे पठण केले. सांस्कृतिक कार्यक्रमात आमच्या काळातील गणपती ही नाटिका, गणेश वंदना, नृत्य आणि गणेशाचे कीर्ती असणारे कीर्तन सादर करण्यात आले.
कॅडेटसमध्ये आपल्या भारतमातेच्या प्रति देशभक्ती राष्ट्राभिमान निर्माण व्हावा या हेतूने कार्यक्रमाचे आयोजन करण्यात आले होते.
कार्यक्रमाचे आयोजन इयत्ता. दहावी अ व ब वर्गशिक्षक श्री अद्वैत जगधने व भाऊसाहेब मार्तंड यांनी केले होते.
उत्सवाच्या मागील प्रेरणास्थान प्रशालेचे कमांडंट एविएन विंग कमांडंर श्री. यज्ञरामन सर, प्राचार्या सौ. ज्योती खिरीड मॅडम, सिनियर मास्टर श्री. श्याम नांगरे, पीआरओ श्री. संदीप पवार यांचे मोलाचे मार्गदर्शन लाभले,
कार्यक्रम यशस्वी करण्यासाठी सर्व सैनिकी परिवाराने विशेष परिश्रम घेतले.
शाला समिती च्या अध्यक्षा सौ. आनंदी पाटील मॅडम, महामात्रा सौ. चित्रा नगरकर मॅडम, महामात्र डॉ. श्री. उमेश बिबवे सर यांनी सर्व सैनिकी परिवाराचे कौतुक करुन गणेशोत्सवाच्या शुभेच्छा दिल्या.
