रविवार दिनांक 23 मार्च रोजी म.ए.सो. राणी लक्ष्मीबाई मुलींची सैनिकी शाळेत इ.6 वी ते इ.11 वी साठी प्रवेश प्रक्रियेचे आयोजन करण्यात आले होते. इ.6 वी — 107, इ.7 वी — 56, इ.8 वी — 53, इ.9 वी –33 व इ.11 वी — 61 एकूण 310 कॅडेटसनी लेखी परीक्षा दिली. याप्रसंगी शाळेचे कमांडंट एविएन विंग कमांडर श्री. एम. यज्ञरामन यांनी सैनिकी शाळेचे महत्व सांगितले. प्राचार्या श्रीमती पूजा जोग यांनी सैनिकी शाळेचा दिनक्रम व नियम समजावून सांगितले तर श्री. वैभव शिंदे यांनी स्पर्धा परीक्षांची माहिती उपस्थितांना दिली. कार्यक्रमाचे सूत्रसंचालन पर्यवेक्षक श्री. संदीप पवार यांनी केले तर आभारप्रदर्शन पर्यवेक्षक व सिनियर मास्टर श्री. श्याम नांगरे यांनी मानले. प्रवेश प्रक्रियेचे नियोजन शाळेचे कमांडंट व प्राचार्या यांच्या मार्गदर्शनानुसार सौ. अश्विनी मारणे, श्री. अद्वैत जगधने व सर्व सैनिकी परिवाराने केले होते.
