शुक्रवार दिनांक १३ जून २०२५ रोजी शाळेत शिक्षक कार्यशाळा घेण्यात आली. कार्यशाळेची सुरुवात सरस्वती स्तवनाने झाली. पहिल्या सत्रात मागील वर्षीच्या विविध समिती आढावा व मा. कमांडंट सरांचे मार्गदर्शन झाले. दुसऱ्या सत्रात सुप्रसिद्ध शिक्षणतज्ञ डॉ. सुलभा विधाते यांनी नवे शैक्षणिक धोरण व नवा शैक्षणिक आराखडा अत्यंत्य सोप्या भाषेत शिक्षकांना सांगितला. नव्या शैक्षणिक धोरणाला सामोरे जाताना शिक्षकाने कसे तत्पर राहिले पाहिजे याची जाणीव करून देण्यात आली. प्रशालेच्या प्राचार्या श्रीमती पूजा जोग यांनी डॉ. सुलभा विधाते यांचे आभार मानले. तिसऱ्या सत्रात प्रशालेतील समुपदेशक श्रीमती श्रेया श्रीगोंदेकर यांनी शिक्षकांचे शैक्षणिक खेळ घेतले. खेळातून विविध शैक्षणिक मूल्ये स्पष्ट केली. समारोपाच्या सत्रात प्रशालेचे महामात्र डॉ. उमेश बिबवे सर यांनी शालेय शिस्त व एकोपा याचे महत्त्व स्पष्ट केले. कार्यशाळेतील सर्वांचे आभार श्री. जगधने सरांनी मानले. कार्यक्रमाचे सूत्रसंचलन श्री. नांगरे सर यांनी केले.
