म.ए.सो. राणी लक्ष्मीबाई मुलींची सैनिकी शाळेच्या विद्यार्थिनींनी भारतीय आंतरराष्ट्रीय विज्ञान महोत्सवामध्ये सहभाग
चंदीगड येथे नुकत्याच संपन्न झालेल्या भारतीय आंतरराष्ट्रीय विज्ञान महोत्सव यामध्ये म.ए.सो. राणी लक्ष्मीबाई मुलींची सैनिकी शाळेच्या विद्यार्थिनींना सहभागी होण्याचा योग आला. या फेस्टिवल मध्ये प्रशालेच्या कॅ. तनिष्का दाभोळे, कॅ. जिजा मोहिते, कॅ. प्रशंसा वानखेडे, कॅ. इंद्रजा भोसले, कॅ. समीक्षा पटणे, कॅ. ऋतुजा कापरे, कॅ. देविका ताड कॅ. वेदिका भांबुरे, कॅ. सारा चतुरे, कॅ. शर्वरी मोरे, कॅ. कार्तिकी मर्गज, कॅ. पूर्वजा खेडकर यांनी सहभाग नोंदवला.
महोत्सवामध्ये विद्यार्थिनींना विविध शास्त्रज्ञ, व्याख्याते भौतिकशास्त्र रसायनशास्त्र, जीवशास्त्र, गणित, पर्यावरण व हवामान शास्त्र या विषयातील अनेक तज्ञ व्यक्तींचे मोलाचे मार्गदर्शन लाभले. तसेच विविध राज्यातून आलेल्या विद्यार्थिनींशी हितगुज करण्याचे संधी मिळाली. त्यानिमित्त विद्यार्थिनींकडून भाषेचे, संस्कृतीचे आदान प्रदान करण्यात आले. महोत्सवामध्ये विविध प्रकल्प चे सादरीकरण करण्यात आले होते. त्या प्रकल्पांविषयी सखोल अशी माहिती घेण्याचा विद्यार्थ्यांनी आनंद घेतला.
हरियाणा राज्याचे मुख्यमंत्री श्री नायब सिंह सैनी ह्यांनी विद्यार्थिनींना महोत्सवासाठी शुभेच्छा दिल्या व विशेष मार्गदर्शन देखील केले.
त्या शैक्षणिक दौऱ्याचे यशस्वी आयोजक व्ही.व्ही.एम. समन्वयक श्रीमती मीना मालेगावकर, श्रीमती मानसी मालेगावकर, श्री. किरण बिडवे तसेच आयआयटीएम चे श्री. मनोज डोमकावळे यांचे विशेष सहकार्य लाभले. प्रशालेच्या विज्ञान शिक्षिका सौ. वैशाली शिंदे व श्री. शिवदास कापुरे यांनी वेळोवेळी विद्यार्थिनींना मार्गदर्शन केले. प्रशालेचे कमांडर मा. एअर विंग कमांडर यज्ञरामन अय्यर सर, प्रशालेच्या मुख्याध्यापिका मा.सौ. ज्योती खिरीड मॅडम, प्रशालेचे सिनियर मास्टर श्री संदीप पवार, विभाग प्रमुख सौ मंजिरी पाटील व विज्ञान विभागातील सर्व शिक्षक यांनी विद्यार्थिनींना मार्गदर्शन केले. चंदीगड येथील पंचकुला येथे संपन्न झालेल्या भारतीय आंतरराष्ट्रीय विज्ञान महोत्सवाचा भाग होण्याचे सौभाग्य या विद्यार्थिनींना लाभले. या सहभागामुळे विद्यार्थिनींना विज्ञान विषयातील विविध क्षेत्रांतील नव्या संधींची नव्या आव्हानांची ओळख झाली. विज्ञानाने समृद्ध आणि आत्मनिर्भर भारत हा या आंतरराष्ट्रीय विज्ञान महोत्सवाचा मुख्य उद्देश होता.
