आज दिनांक १८ फेब्रुवारी २०२५ रोजी सैनिकी शाळेत अश्वमोहिमे चे उत्साहात स्वागत करण्यात आले. कात्रज येथील शिवसृष्टीतील गंगासागर तलावाच्या प्रतिरूपासाठी रायगड किल्ल्यावरून जलकुंभ हा अश्वांवरून म.ए.सो. राणी लक्ष्मीबाई मुलींची सैनिकी शाळा येथे आणण्यात आला होता. यात सैनिकी शाळेची इ.8 वी ची कॅडेट पूर्वजा खेडकर हिने सहभाग घेतला. या अश्व मोहिमेचे प्रमुख व शाळेचे मुख्य अश्व प्रशिक्षक श्री. गुणेश पुरंदरे यांच्या नेतृत्वाखाली ही अश्वमोहिम काढण्यात आली होती. या अश्व मोहिमेचे स्वागत प्रशालेचे कमांडंट एविएन विंग कमांडर म. यज्ञरामन, पर्यवेक्षक संदीप पवार व सर्व सैनिकी परिवाराने केले होते.
