आज म.ए.सो. राणी लक्ष्मीबाई मुलींच्या सैनिकी शाळेत दहीहंडी उत्सव उत्साहात साजरा झाला. गोकुळाष्टमी निमित्त मुलींच्या सैनिकी शाळेत आंतरकुल इंग्रजी सुविचारांची दहीहंडी घेण्यात आली. कार्यक्रमाचे प्रमुख अतिथी इ. सहावीचे पालक प्रतिनिधी ॲड. सौ. स्वप्नाली साळुंखे, उद्योजक श्री. प्रदीप साळुंखे, सिनियर मास्टर श्री. शाम नांगरे, पर्यवेक्षक श्री. संदीप पवार, ज्येष्ठ शिक्षिका सौ. मंजिरी पाटील व सर्व शिक्षक – शिक्षकेत्तर कर्मचारी यांच्या हस्ते भगवान श्रीकृष्णांचे पूजन झाल्यानंतर
संगीताच्या तालावर पावसाच्या सरी झेलत इ. सहावी ते बारावीच्या सर्व कॅडेटसने दहीहंडी उत्सवाचा आनंद घेतला. दहीहंडी फोडणे स्पर्धेत जिजामाता कुलाने एकावर एक तीन थर रचत दहीहंडी फोडून प्रथम क्रमांक पटकावला. त्यानंतर सर्व कॅडेटस व सैनिकी परिवाराला दहीकाल्याचा प्रसाद देण्यात आला. कार्यक्रमाचे आयोजन शाळेचे कमांडंट एविएन विंग कमांडर श्री. एम. यज्ञरामन, प्राचार्या सौ. ज्योती खिरीड यांच्या मार्गदर्शनानुसार क्रीडा विभागाने केले होते. श्री महादेव मगर, सुभेदार श्री. नवनाथ पवार, हवालदार श्री. गजानन माळी, श्री. विनायक पाटील, कु. तेजश्री दिघे, रेक्टर श्रीमती प्रियांका गुरव, सर्व शिक्षक व शिक्षकेतर कर्मचारी यांनी नियोजन केले होते.
