दि. १० जानेवारी २०२४ रोजी म.ए.सो राणी लक्ष्मीबाई मुलींची सैनिकी शाळा कासार आंबोली, तालुका मुळशी, जिल्हा पुणे येथे रोटरी क्लब ऑफ पूना वेस्ट , रोटरी इंटरनॅशनल जिल्हा 3131 व व्हलकन टेक्नॉलॉजीज यांच्या सामाजिक बांधिलकी च्या वतीने सैनिकी शाळेला ला ४ स्मार्ट टीव्ही , २ यु.व्ही प्लांट्स आणि ५ ओपन जिम चे साहित्य देण्यात आले याचा उद्घाटन समारंभ व्हल्कन टेक्नॉलॉजी चे मॅनेजिंग डायरेक्टर श्री राजेश जी मिश्रा तसेच महाराष्ट्र एज्युकेशन सोसायटीच्या उपाध्यक्षा व शाळा समिती अध्यक्षा सौ. आनंदीताई पाटील, श्री. अमोल गावडे ,श्री. रवींद्र घेवडे ,श्री. कल्पेश गुप्ता, रोटरी क्लब ऑफ पूना वेस्ट चे अध्यक्ष श्री. विपिन घाटे, श्री. निरंजन मथुरे, श्री. संतोष चिपळूणकर, श्री. पवनदीप सिंग, श्री. हरेंद्र देशपांडे, श्री. प्रशांत अक्कलकोटकर, सौ. माधुरी घाटे, सौ. दिपाली मथुरे, सौ. दिपाली देशपांडे, माजी मुख्याध्यापिका सौ. सुवर्णा कांबळे यांच्या उपस्थितीत पार पडला, आपल्या अतिथी मनोगतात श्री. राजेश मिश्रा यांनी जी शाळा देशकार्यात प्रत्यक्ष सहभागी आहे अशा शाळेला भविष्यात नक्कीच मदत करू असे आश्वासन दिले, तर अध्यक्षीय भाषणात सौ. आनंदी पाटील यांनी मुलींना भविष्यात देशसेवेच्या खूप संधी असल्याचे सांगितले. या कार्यक्रमाचे नियोजन शाळेचे पदाधिकारी यांच्या मार्गदर्शनानुसार सर्व शिक्षक-शिक्षकेत्तर कर्मचारी यांनी केले होते.

दिनांक 27 ते 30 डिसेंबर 2023 रोजी सारंगखेडा येथे झालेल्या चेतक फेस्टिव्हल राज्यस्तरीय अश्वारोहण स्पर्धेत म.ए.सो. राणी लक्ष्मीबाई मुलींच्या सैनिकी शाळेतील कॅडेट इ. 9 ब ची श्रावणी केदारी हिने Gold medal 1, Silver Medal 1, Bronze medal 1 अशी एकूण 3 तर 9 वी ब च्या कॅडेट श्रावणी नलावडे हिने Silver Medal 1, Bronze Medel 1 अशी 2 मेडल पटकावली, कॅडेट संस्कृती रणदिवे 9 ब हिने सहभाग घेतला, या कॅडेटस ना अश्व प्रशिक्षक श्री. गुणेश पुरंदरे सर यांनी मार्गदर्शन केले, या तिघींचे, त्यांचे पालक व श्री. गुणेश पुरंदरे सर यांचे मनःपूर्वक हार्दिक अभिनंदन.
💐💐💐💐💐🙏🙏🙏🙏🙏

शनिवार दिनांक 16 डिसेंबर रोजी म.ए.सो.राणी लक्ष्मीबाई मुलींची सैनिकी शाळा, कासार आंबोली, ता. मुळशी येथे ” 16 डिसेंबर विजयदिन ” कार्यक्रम उत्साहात पार पडला, कार्यक्रमाचे प्रमुख अतिथी मेजर जनरल अजय पाल सिंग (निवृत्त) यांना सैनिकी शाळेच्या कॅडेटस नी शानदार संचलन करीत मानवंदना दिली. याप्रसंगी बोलताना मेजर जनरल अजय पाल सिंग यांनी आज महिलांना सशस्त्र सेना दलात भरपूर संधी उपलब्ध आहेत त्याचा लाभ घ्यावा असे आवाहन केले.

On 16th December 2023 (Sat), “Vijay Divas” was celebrated with fervor and enthusiasm at MES Rani Laxmibai Girls’ Military School, Kasar Amboli, Mulshi. Guard of Honour was presented to Maj Gen Ajay Pal Singh VSM, the Chief Guest. Speaking on the occasion, the General appealed to the Cadets to take advantage of the varied career opportunities available in the Armed Forces.

.

.

.

.

उरवडे ग्रामपंचायत व राष्ट्रीय सर्वांगीण ग्रामविकास संस्थेचा शिवसमर्थ बचत गट यांच्या संयुक्त विद्यमाने आयोजित 16 डिसेंबर विजय दिनानिमित्त माजी सैनिकांचा सत्कार करण्यात आला याप्रसंगी कार्यक्रमाचे प्रमुख अतिथी महाराष्ट्र एज्युकेशन सोसायटी चे अध्यक्ष एअर मार्शल भूषण जी गोखले (निवृत्त) यांना व माजी सैनिकांना सैनिकी शाळेच्या कॅडेटस नी शानदार संचलन करीत मानवंदना दिली, सैनिकी शाळेच्या शानदार संचलन व बॅंड पथकाच्या प्रात्यक्षिकांने सर्व प्रमुख अतिथी, माजी सैनिक व उरवडे ग्रामस्थ भारावून गेले होते या शानदार संचलनाचे नेतृत्व स्कूल कॅप्टन कॅडेट मुग्धा पाटे व बॅंड पथकाचे नेतृत्व कॅडेट कृपा घरत हिने केले होते. याप्रसंगी सैनिकी शाळेचे पदाधिकारी उपस्थित होते.

The same evening, in another program organised at Urwade, to felicitate Ex-servicemen by Urwade Gram Panchayat in association with Shiv-Samarth Bachat Gat of Rashtriya Sarvangin Gramvikas Sanstha, the Chief Guest was Air Marshal Bhushan G Gokhale (Retd), President, Maharashtra Education Society. Cadets of RLMSS to participated with their splendid performance led by School Cadet Captain Cdt Mugdha Pate and the Band was led by Cdt Krupa Gharat. RLMSS Officials too were present and felicitated by the organisers on this solemn occasion.

एअर मार्शल नारायण मेनन यांनी सैनिकी शाळेतील विद्यार्थिनींशी साधला संवाद …

दिनांक 5 डिसेंबर 2023 रोजी महाराष्ट्र एज्युकेशन सोसायटीच्या राणी लक्ष्मीबाई मुलींची सैनिकी शाळा, कासार आंबोली येथे एअर मार्शल नारायण मेनन PVSM UYSM AVSM यांनी सपत्नीक सदिच्छा भेट दिली व प्रशालेतील विद्यार्थिनींशी संवाद साधला.
प्रशालेतील विद्यार्थिनींनी एअरमार्शल एन. मेनन यांना मानवंदना दिली व औक्षण करून त्यांचे स्वागत केले.
एअर मार्शल नारायण मेनन यांनी आपल्या मार्गदर्शनात 1965 व 1971 च्या युद्धाचे अनुभव सांगितले. युद्धजन्य कठीण परिस्थितीत नेतृत्व कौशल्य व योग्य निर्णयक्षमता यांच्या जोरावर आपण कसे यश मिळवू शकतो, याविषयी मार्गदर्शन केले. तसेच विद्यार्थिनींनी विचारलेल्या प्रश्नांची अत्यंत समर्पक शब्दात उत्तरे दिली.
या कार्यक्रमाचे संपूर्ण नियोजन प्रशालेचे सर्व पदाधिकारी आणि सैनिकी परिवार यांच्या मार्गदर्शनाखाली सैन्य प्रशिक्षण विभागाने केले. या कार्यक्रमासाठी प्रशालेच्या शाला समिती महामात्रा श्रीमती नेहा देशपांडे आवर्जून उपस्थित होत्या.
या कार्यक्रमाचे सूत्रसंचालन प्रशालेच्या इयत्ता बारावीच्या कॅडेट्स सृष्टी वाघमोडे व हिंदवी खासबागे यांनी केले.

District level Archery Competition…

U/17 indian bow
Rudra yenpure 10 th silver
Vaibhavi shelar 10 th. Bronze
Siddhi navale 10 th. 4 th

U/19 indian bow
Anuradha aiwale 12 th. Gold
Hitaishi bhagwati 12 th. Bronze

U/17 Fita bow
Shreya jadhav 10 th. Gold

U/19 compound bow
Samruddhi taur 9 th. Gold
Saee purohit. 10 th. Silver
Samruddhi navale. 10 th. Bronze

सोलापुर येथे झालेल्या विभागस्तरीय आर्चरी स्पर्धेत म. ए . सो राणी लक्ष्मीबाई मुलींची सैनिकी शाळेच्या दोन विद्यार्थिनी राज्यस्तरीय आर्चरी स्पर्धेसाठी निवड
समृद्धी तौर 3rd
सई पुरोहित 4th
यांना मार्गदर्शन गौरव सर यांनी केले सर्व विद्यार्थिनी आणि गौरव सर यांचे खूप खूप अभिनंदन💐💐

Athletics

राणी लक्ष्मीबाई मुलींची सैनिकी शाळा
तालुकास्तरीय मैदानी स्पर्धेत पुढील विद्यार्थिनींनी घवघवीत यश संपादन केले
द्वितीय क्रमांक वयोगट(14 वर्षाखालील मुली)
1)स्वरा दुधाळे 4×100
2) वैभवी भोईटे 4×100
3) गिरीजा पाटेकर 4×100
4) श्रावणी बिरादार 4×100
5) आदिती कळमकर 4×100

तृतीय क्रमांक वयोगट(14 वर्षाखालील मुली)
1) स्वरा दुधाळे (400 मीटर धावणे)
2) कीर्ती गुरव (गोळा फेक)
3) वैभवी केंजळे (उंचवडी)

प्रथम क्रमांक(17 वर्षाखालील मुली)
1)श्रिया वायकर 400 मीटर धावणे
2) शर्वरी शितोळे (हॅमर थ्रो)
3) वृषाली इंगळे (अडथळा शर्यत)

द्वितीय क्रमांक वयोगट(17 वर्षाखालील मुली)
1)दूर्वा गायकवाड (भालाफेक)
2) तनिष्का लायगुडे (हॅमर थ्रो)
3) रिया डोळस (अडथळा शर्यत)
4) प्रीती मारणे 3000 मीटर धावणे
5) प्रीती मारणे (पाच किलोमीटर चालणे)

तृतीय क्रमांक वयोगट(17 वर्षाखालील मुली)
1) तनिष्का जायगुडे (थाळीफेक)
2) समृद्धी कलाने (पंधराशे मीटर धावणे)
3) श्वेतांबरी काळभोररीले 4×100
4) भोसले ऐश्वर्यारीले 4×100
5) भंडलकर श्रावणीरीले 4×100
6) जोगळेकर गिरिजारीले 4×100
7)कृष्णाली इंगळेरीले 4×100
8) प्रणाली बापकर (लांब उडी)
10)दिशा धनवे (उंच उडी)

प्रथम वयोगट(19 वर्षाखालील मुली)
1) पल्लवी ठाकूर (थाळीफेक)
2) तनवी दसपुते (800 मीटर)
3) दूर्वा गोरे रिले 4×100 धावणे
4) मृणाल घोगरेरिले 4×100 धावणे
5) मुग्धा पाटेरिले 4×100 धावणे
6) पल्लवी ठाकूर रिले 4×100 धावणे
7)सायली गावडेरिले 4×100 धावणे
8) स्नेहल भिलारेरिले 4×400 मीटर धावणे
8) तन्वी दशपुतेरिले 4×400 मीटर धावणे
10) मधुरा बर्डेरिले 4×400 मीटर धावणे
11) अंकिता रानवडेरिले 4×400 मीटर धावणे
12) प्रीती मारणेरिले 4×400 मीटर धावणे

दुतीय क्रमांक( वयोगट 19 वर्षाखालील मुली)
1)श्रावणी धायगुडे 200 मीटर धावणे
2) मधुरा बर्डे (1500 मीटर धावणे)
3) मृणाल घोगरे (400 मीटर धावणे)

तृतीय क्रमांक वयोगट(19 वर्षाखालील मुली)
1)शर्वरी धायगुडे(1500मीटर धावणे)
2)श्रुतिका भोसले (गोळा फेक)
3) दूर्वा गोरे (100 मीटर धावणे) त्यांना मार्गदर्शन करणारे क्रीडा प्रशिक्षक श्री. मंगेश भालेराव सर यांचे अभिनंदन🙏🙏

अॅथलेटिक्स सर्व विजयी खेळाडू, सहभागी खेळाडू, मंगेश सर ,मगर सर, मेधा ताई,राम काका,अश्वशाळा ते पाकशाळा यांचे मनःपूर्वक हार्दिक अभिनंदन 💐💐👍👍
मा.जिल्हा क्रीडा अधिकारी यांच्याकडे बालेवाडी येथे या स्पर्धा घेण्यासाठी पाठपुरावा केला होता त्याला यश येऊन आंतरराष्ट्रीय ट्रॅकवर मुलींना तालुका स्पर्धा खेळण्याची संधी मिळाली त्याबद्दल क्रीडा विभागाचे ही मनःपूर्वक आभार🙏

जिल्हा क्रीडा परिषद शालेय जिल्हा स्तर अॅथलेटिक्स स्पर्धेमध्ये वयोगट 19 च्या 4 ×100 मीटर रिले संघाने प्रथम क्रमांक पटकावल्याने या संघाची विभाग स्तरीय स्पर्धेसाठी निवड झालेली आहे या स्पर्धेतील सहभागी खेळाडू पुढीलप्रमाणे. १)मुग्धा पाटे -१२ वी
२)दुर्वा गोरे — ११ वी
३)मृणाल घोगरे –११ वी
४) पल्लवी ठाकुर — १२ वी
५) सायली गावडे – १२ वी.
U19 लांब उडी — तृतीय क्रमांक
1)मुग्धा पाटे
U-19 तिहेरी उडी प्रथम क्रमांक
1) मुग्धा पाटे
U-17 रिले 4×400 द्वितीय क्रमांक
1) श्रेया वायकर इयत्ता अकरावी
2) वैभवी ठोंबरे इयत्ता दहावी
3) अनुष्का मुंडे इयत्ता दहावी
4)भक्ती तापकीर इयत्ता दहावी
5)शार्वी चव्हाण इयत्ता दहावी
भालाफेक U-19 द्वितीय क्रमांक
1) दीक्षा गावडे इयत्ता अकरावी
सर्व यशस्वी व सहभागी खेळाडूचे तसेच त्यांना मार्गदर्शन करणारे मंगेश भालेराव सर यांचेही मनःपूर्वक हार्दिक अभिनंदन 💐💐💐💐💐

बॉक्सिंग

आज झालेल्या शालेय बॉक्सिंग स्पर्धेमध्ये खालील विद्यार्थिनी संपादन केले 1. 1st place

Under 17
Rudra Konde
Sara Jadhav
Gauri Chinchure
Pranali Vigve
Sanskruti Kadam
Shaijal Patil
Gargi Gosavi
Dnyaneshwari Chandere
Nutan Rajput

Under 19
Shrusti Pawar
Dhanashree Ingale
Shruti Khole
Krupa Gharat
Koushiki deshpande
Nishita Hajare

2nd Place

Under 17
Shrushti Mandekar
Druvi Chavan
Samruddhi Kamble
Anushka Mazire
Bhakti Nanavre
Tanishka Tangde

Under 19
Durva Chavan
Astha Mane

3rd place

Under 17
Trisha Tapkir
Divya Sonavane

Under19
Ishika Vartak
Hindavi Khasbage.

Rifle Shooting
District level Rifle Shooting competition

Under 14

Dyuti Jaani (Silver)
ShreyaTalekar(Bronze)
Urvi Kulkarni (lV)

Under 17

Mukti Patel (Silver)
Divyanka Gurkha(lV)

Under 19

Gayatri Nakade (Gold)
SanskrutiShinde(Silver)
Sanika Patil (Bronze)

Coach : Hav Gajanan Mali sir

आज झालेल्या जिल्हा क्रीडा परिषद शालेय जिल्हा स्तर अॅथलेटिक्स स्पर्धेमध्ये वयोगट 19 च्या 4 ×100 मीटर रिले संघाने प्रथम क्रमांक पटकावल्याने या संघाची विभाग स्तरीय स्पर्धेसाठी निवड झालेली आहे या स्पर्धेतील सहभागी खेळाडू पुढीलप्रमाणे.
१)मुग्धा पाटे -१२ वी
२)दुर्वा गोरे — ११ वी
३)मृणाल घोगरे –११ वी
४) पल्लवी ठाकुर — १२ वी
५) सायली गावडे – १२ वी.

2) मुग्धा पाटे — लांब उडी — तृतीय क्रमांक

सर्व यशस्वी व सहभागी खेळाडू , मार्गदर्शक — श्री .मंगेश भालेराव सर ,रेणुका गावित ताई यांचे मनःपूर्वक हार्दिक अभिनंदन.. 💐👍

वुशू

आज जगदंबा हाॅल, जामखेड ता.अहमदनगर येथे झालेल्या शालेय वुशू स्पर्धेत इ.12 वी अ ची कृपा घरत हिची अमरावती येथे होणा-या राज्यस्तरीय स्पर्धेसाठी निवड झाली आहे,तसेच पुढील विद्यार्थिनींनी ब्राॅंझमेडल मिळविले आहे. 1) धनश्री इंगळे — १२ वी ब.
2)सानिका भास्कर — ११ वी अ
3) गौरी चिंचुरे — १० वी ब

सहभाग
१) श्रावणी खोपडे ११ वी अ
२) संस्कृती कदम — १० वी अ
सर्व यशस्वी व सहभागी खेळाडू, मार्गदर्शक,कु.साक्षी चक्रवर्ती ताई,रेणुका ताई गावित ,रामकाका, अश्वशाळा ते पाकशाळा सर्वांचे मनःपूर्वक हार्दिक अभिनंदन व कॅडेट कृपा घरत ला शुभेच्छा… 💐💐👍👍

अथलेटिक्स

आज रविवार दि.22/10/2023 रोजी श्री शिवछत्रपती क्रीडासंकुल बालेवाडी, पुणे येथे विभागस्तरावरच्या अथलेटिक्स स्पर्धा संपन्न झाल्या.…
त्यामध्ये आपल्या
म.ए.सो. राणी लक्ष्मीबाई मुलींची सैनिकी शाळा मुळशी कु. मुग्धा पाटे या मुलीने तिहेरी उडी(Triple Jump)विभागस्तरावर प्रथम क्रमांक मिळविला आहे…… तिची “चंद्रपूर” येथे होणाऱ्या राज्यस्तरीय स्पर्धेसाठी निवड झालेली आहे……👍👌💐
यशस्वी खेळाडू अन पालक, यांचे खुप खुप अभिनंदन….
🚩🚩🚩🏃🏻‍♀️💐💐💐

आर्चरी

अमरावती येथे झालेल्या ZP SCHOOL STATE level
सई पुरोहित आणि समृद्धी तौर या दोघांना आर्चरी मध्ये
टीम silver medel मिळाले
हार्दिक अभिनंदन …..✌️✌️👍

सैनिकी विरांगणांनी केला भारतीय वायूसेना दिवस उत्साहात साजरा….

म.ए.सो. राणी लक्ष्मीबाई मुलींची सैनिकी शाळा, कासार अंबोली, पुणे येथे ९ ऑक्टोबर २०२३ रोजी प्रशालेतील एअर एन.सी.सी. कॅडेट्स यांच्याकडून ९१ वा भारतीय वायुसेना दिवस उत्साहात साजरा करण्यात आला. प्रशालेतील मैदानावर सकाळी ६ .१५ वा. भारतीय वायुसेना दिनानिमित्त एअर एन.सी.सी. ने उत्कृष्ट संचलन केले. आणि दि. १० ऑक्टोबर २०२३ रोजी सकाळी ७.४० वा. प्रशालेतील बहुउद्देशीय सभागृहात कार्यक्रम आयोजित करण्यात आला.
कार्यक्रमात कॅडेट्सनी भारतीय वायुसेनेची व त्यातील एयरक्राफ्ट्स ची माहिती व इतिहास सांगितला. तसेच Commbined Annual Training Camp -७१६ चा अनुभव सांगितला आणि उपक्रमांचे फोटो आणि व्हिडीओ दाखवण्यात आले. त्याचबरोबर भारतीय वायुसेनेचा प्रोत्साहनात्मक व्हिडीओ आणि एअर शो दाखवण्यात आला.
उपमुख्याध्यापक श्री.अनंत कुलकर्णी सर यांनी सर्व कॅडेट्सना भारतीय वायुसेने मधील विविध संधी व त्यासाठी लागणाऱ्या महत्त्वाच्या गोष्टी या सगळ्याबद्दल मार्गदर्शन केले. आणि सध्या सुरु असलेल्या इस्राईल आणि पॅलेस्टाईन युद्धाच्या स्थितीची माहिती दिली.
एन.सी.सी. विभाग प्रमुख थर्ड ऑफिसर राजश्री गोफणे यांनी कार्यक्रमाचे नियोजन केले आणि कॅडेट्सना मार्गदर्शन केले.
कार्यक्रमास सर्व पदाधिकारी, सैन्य प्रशिक्षण विभाग, शिक्षक शिक्षकेत्तर कर्मचारी उपस्थित होते.

‘एक तारीख एक तास’ श्रमदान या उपक्रमांतर्गत सैनिकी शाळेच्या वीरांगणाचे स्वच्छता अभियान….
दिनांक 01 ऑक्टोबर 2023 रविवार रोजी महाराष्ट्र एज्युकेशन सोसायटीच्या राणी लक्ष्मीबाई मुलींच्या सैनिकी शाळेतील सर्व विद्यार्थिनींनी शालेय परिसरात स्वच्छता केली. सहावी आणि दहावीच्या विद्यार्थिनींनी कासार आंबोली गावातील पद्मावती मंदिर, विठ्ठल मंदिर परिसर व जिल्हा परिषद शाळा परिसर स्वच्छ केला. यावेळी स्वच्छतेविषयी असलेल्या जनजागृती विषयक घोषणा देण्यात आल्या व घोषवाक्य दर्शविण्यात आली.या निमित्ताने स्वच्छतेविषयी विद्यार्थिनींनी गावात जनजागृती केली व स्वच्छतेचा मंत्र दिला व स्वच्छतेची शपथ दिली. गावकरी व नागरिक आपण राहत असलेला परिसर स्वच्छ ठेवतील अशी अपेक्षा व्यक्त केली. राणी लक्ष्मीबाई मुलींची सैनिकी शाळा ही कासार-अंबोली या गावातच असल्याने व पद्मावती मंदिर हे ग्रामदैवत असल्याने हा परिसर स्वच्छतेसाठी निवडला होता. प्रशालेत शिकत असलेल्या विद्यार्थीनी बहुतांश शहरी भागातल्या आहेत. या उपक्रमामुळे त्यांना ग्रामीण जीवनाची ओळख झाली. या कार्यक्रमासाठी कासार आंबोलीचे सरपंच श्री.उमेश सुतार माजी सरपंच श्री.सचिन धुमाळ , सर्व ग्रामपंचायत सदस्य, विस्तार अधिकारी श्री.निकम साहेब, ग्रामविकास अधिकारी श्री.क्षीरसागर भाऊसाहेब,आशासेविका सौ.आशाताई लांडगे, सैनिकी शाळेच्या कॅम्पस डायरेक्टर सौ.गितांजली बोधनकर, पर्यवेक्षक श्री.संदीप पवार, सर्व शिक्षक व शिक्षकेतर कर्मचारी उपस्थित होते. या कार्यक्रमाचे आयोजन सैनिकी शाळेच्या मुख्याध्यापिका सौ. सुवर्णा कांबळे, उपमुख्याध्यापक श्री. अनंत कुलकर्णी, पर्यवेक्षक श्री. श्याम नांगरे यांच्या मार्गदर्शनानुसार सर्व शिक्षक शिक्षकेत्तर कर्मचारी यांनी केले .

सैनिकी शाळेत गणेशोत्सव उत्साहात साजरा
दरवर्षीप्रमाणे यावर्षी देखील प्रशालेच्या दीड दिवसाच्या गणपतीची प्रतिष्ठापना करण्यात आली होती. आनंदात व मोठ्या जल्लोषात गणेश उत्सवाची सुरुवात झाली. प्रत्येक वर्षी वेगवेगळ्या प्रकारच्या देखाव्याची आरास तयार करण्यात येते, यावर्षी देखील प्राचीन गुहा तसेच प्राचीन वस्तू व वास्तू यांच्या देखावाच्या माध्यमातून दाखविण्याचा प्रयत्न इयत्ता दहावीच्या विद्यार्थिनींनी केला. प्राचीन गोष्टीचे जतन व संवर्धन करणे हा या देखावा मागचा हेतू होता. आधुनिक काळात जगत असताना आपली संस्कृती कशी जपावी हा विद्यार्थिनींना देखावाच्या माध्यमातून दिलेला संदेश होता.
सदर गणेशोत्सवाची नियोजनाची व तयारीची जबाबदारी दरवर्षीप्रमाणे यावर्षी देखील इयत्ता दहावीच्या विद्यार्थ्यांनीकडे देण्यात आली होती. विद्यार्थिनींनी उपलब्ध असलेल्या साहित्याचा तसेच वर्तमानपत्राचा रद्दीचा लगदा तयार करून गुहा तयार केली आणि लेण्यांची भिंतीचित्र यांचे प्रदर्शन भरविले होते.
पहिल्या दिवशी श्रीची प्रतिष्ठापना परंपरेप्रमाणे शिष्यवृत्तीधारक विद्यार्थिनी इयत्ता नववीतील कॅडेट मुक्ती पटेल व कॅडेट आर्या निपसे यांचा हस्ते झाली. सायंकाळी खेळ व नृत्य या करमणुकीच्या कार्यक्रमाचे विद्यार्थिनींनी नियोजन करून उत्तमरीत्या सादर केला.
दुसऱ्या दिवशी पालक शिक्षक संघाचे प्रतिनिधींच्या उपस्थितीत गणपतीची आरती करून विसर्जन मिरवणूक द्वारे दीड दिवसाचा गणपतीची सांगता झाली.
सदर गणेशोत्सव नियोजन व यशस्वीरित्या होण्यासाठी प्रशालेचे पदाधिकारी कॅम्पस डायरेक्टर सौ. गीतांजली बोधनकर, प्रशालेच्या प्राचार्या सौ. सुवर्णा कांबळे, उपमुख्याध्यापक श्री. अनंत कुलकर्णी, पर्यवेक्षक श्री. श्याम नांगरे, श्री. संदीप पवार, इयत्ता दहावीचे वर्गशिक्षक व इतर सर्व कर्मचाऱ्यांचे मार्गदर्शन व सहकार्य लाभले.

दिनांक 29 ऑगस्ट 2023 रोजी म. ए. सो.राणी लक्ष्मीबाई मुलींची सैनिकी शाळा कासार आंबोली येथे राष्ट्रीय क्रीडा दिन उत्साहात साजरा करण्यात आला यानिमित्त शाळेतील विद्यार्थिनींचे रस्सीखेच स्पर्धेचे आयोजन केले होते या कार्यक्रमाचे प्रमुख पाहुणे शाळेच्या कॅम्पस डायरेक्टर सौ. गीतांजली बोधनकर यांनी क्रीडा दिनाचे महत्त्व विद्यार्थ्यांना सांगितले. अध्यक्षीय मनोगत शाळेचे उपमुख्यद्यापक श्री. अनंत कुलकर्णी यांनी उत्तम आरोग्यासाठी नियमित व्यायाम खेळ याचे महत्त्व विद्यार्थिनींना सांगितले. याप्रसंगी शाळेचे पर्यवेक्षक श्री. संदीप पवार सैन्य प्रशिक्षक विभाग प्रमुख श्री. गजानन माळी, श्री. बाळासाहेब चव्हाण क्रीडा शिक्षक श्री. महादेव मगर सर्व शिक्षक शिक्षकेतर कर्मचारी उपस्थित होते. या कार्यक्रमात प्रशालेचे एकूण 553 विद्यार्थिनींनी सहभाग घेतला. या कार्यक्रमाचे प्रास्ताविक कॅडेट वैभवी शिंदे हिने केले, तर आभार प्रदर्शन कॅडेट अक्षयनी माने हिने केले.

म.ए.सो राणी लक्ष्मीबाई मुलींची सैनिकी शाळा कासार आंबोली ता.मुळशी च्या इयत्ता ९ वी च्या ५० विद्यार्थिनी ,शाळेचे पदाधिकारी व शिक्षक यांनी सुतार वाडी येथील आदित्य प्रांगण संस्कार प्रतिष्ठान मधील मतिमंद मुलांच्या शाळेतील दिव्यांग मुलांना राखी बांधून खाऊ वाटप करत सामाजिक बांधिलकी चा संदेश दिला, दिव्यांग बालकांच्या चेह-यावरचा आनंद पाहून व त्यांच्यामध्ये असणाऱ्या विविध क्षमता पाहून सैनिकी शाळेच्या विद्यार्थिनी भारावून गेल्या, या प्रसंगी संस्कार प्रतिष्ठान चे संस्थापक अध्यक्ष श्री.उल्हास केंजळे, मुख्याध्यापक श्री.मच्छिंद्र जाधव, सैनिकी शाळेच्या कॅंपस डायरेक्टर सौ.गीतांजली बोधनकर, उपमुख्याध्यापक श्री.अनंत कुलकर्णी, पर्यवेक्षक श्री.संदीप पवार, सौ.मंजिरी पाटील, श्री.महेश कोतकर, श्री.प्रमोद झुरमुरे, श्री.भाऊसाहेब मार्तंड हे शिक्षक उपस्थित होते. या प्रसंगी ज्येष्ठ शिक्षक श्री. भाऊसाहेब मार्तंड व काही दिव्यांग विद्यार्थ्यांनी देशभक्तीपर गीते गाऊन सर्वांची मने जिंकली, या कार्यक्रमाचे नियोजन सैनिकी शाळेच्या मुख्याध्यापिका सौ.सुवर्णा कांबळे यांच्या मार्गदर्शनानुसार शिक्षकांनी केले होते.

लक्ष्य फाऊंडेशनतर्फे आयोजित करण्यात आलेल्या ‘कारगिल विजय रजत महोत्सवा’च्या निमित्ताने घेण्यात आलेल्या ‘पोस्टर मेकिंग कॉम्पिटिशन’मध्ये महाराष्ट्र एज्युकेशन सोसायटीच्या राणी लक्ष्मीबाई मुलींची सैनिकी शाळेतील कॅ. सिया बच्छाव, कॅ. साक्षी बोंडगे, कॅ. गायत्री जोशी या छात्रांनी बनविलेल्या पोस्टरला प्रथम क्रमांक देऊन गौरवण्यात आले.

या कार्यक्रमात लक्ष्य फाऊंडेशनच्या संस्थापिका सौ. अनुराधा प्रभूदेसाई व अन्य मान्यवरांच्या अनुभव कथनातून प्रत्यक्ष कारगिल युद्धाचा थरार विद्यार्थ्यांना अनुभवायला मिळाला. पुण्यातील विविध शाळांमधील सुमारे साडेतीन हजार विद्यार्थी या वेळी उपस्थित होते. महाराष्ट्र एज्युकेशन सोसायटीच्या राणी लक्ष्मीबाई मुलींची सैनिकी शाळेतील १०४ छात्रांचा त्यामध्ये समावेश होता.

पूर्व माध्यमिक शिष्यवृत्ती परीक्षा इयत्ता आठवी – या परीक्षेचा निकाल दिनांक २९ एप्रिल २०२२ रोजी जाहीर करण्यात आला. या परीक्षेत पाच विद्यार्थ्यांनी पात्र झाल्या आहेत. पात्र विद्यार्थिनींची नावे पुढील प्रमाणे –
१) मुक्ती ईश्वर पटेल = 222 / 300
२) आर्या अमित निपसे = 188 /300
३) गिरिजा हेमंत जोगळेकर = 170 / 300
४) जानवी रुपेश गायकवाड = 156 / 300
५) श्रावणी विलास नलावडे = 150 / 300

ग्रामीण गुणवत्ता यादीमध्ये २ विद्यार्थिनींची निवड झाली आहे.
१) आर्या अमित निपसे
२) मुक्ती ईश्वर पटेल

सर्व यशस्वी विद्यार्थिनींचे अभिनंदन. तसेच त्यांना मार्गदर्शन करणाऱ्या सर्व शिक्षकांचे व पदाधिकारी या सर्वांचे अभिनंदन.

आपल्या प्रशालेची विद्यार्थिनी कॅडेट गीता गणपत धनवडे, इयत्ता नववी (ब) हिची एशिया बुक ऑफ रेकॉर्ड्स (Asia Book of Records) या आशिया खंडातील अतिशय मानांकित असणाऱ्या पुस्तकामध्ये रेकॉर्डची नोंद झाली आहे. सायन्स विषयामध्ये कॅडेट गीता गणपत धनवडे हिने आशिया खंडामध्ये सर्वात कमी वयात म्हणजेच अकरा वर्षे पाच महिने पाच दिवस या छोट्याशा कालावधीमध्ये केलेल्या वेगवेगळ्या महत्त्वपूर्ण संशोधनाची दखल घेऊन रेकॉर्डची नोंद या पुस्तकात करण्यात आली आहे. कॅडेट गीता गणपत धनवडे हिने आतापर्यंत वेगवेगळ्या संशोधनामध्ये, विभागामध्ये वीस अवॉर्ड्स मिळविले आहेत. यातील पोलिसांसाठी केलेले संशोधन विशेष उल्लेखनीय आहे. वेगवेगळ्या विषयांमध्ये उल्लेखनीय आणि भरीव कार्य करणाऱ्या व्यक्तींची नोंद या पुस्तकामध्ये ठेवली जाते.

तसेच गीताच्या कार्याची इंडिया बुक ऑफ रेकॉर्ड (India Book of Records) मध्ये दखल घेऊन नोंद करण्यात आली आहे. इंडिया बुक ऑफ रेकॉर्ड्स या पुस्तकांमध्ये तसेच वेबसाईट वरती आणि सुदर्शन टी.व्ही. वरती सदरील बातमी प्रसारित झाली आहे.

दिनांक 11 जुलै 2023 रोजी शाळेच्या ए.टी.एल. वर्कशॉप या कार्यक्रमांमध्ये डॉ.दत्तात्रय नाईक (महान संशोधक आणि शास्त्रज्ञ) आणि डॉ. नेहा देशपांडे (लाईफ टाईम मेंबर म.ए.सो.) यांचे शुभ हस्ते कॅडेट गीता गणपत धनवडे हिचा शाळेतर्फे सत्कार करण्यात आला.

सदरील प्रोजेक्टसाठी ए.टी.एल. इन्चार्ज आणि उपप्राचार्य श्री. अनंत कुलकर्णी आणि सायन्स विभाग प्रमुख सौ. मंजिरी पाटील यांचे मार्गदर्शन लाभले. सैनिकी परिवारातर्फे कॅम्पस डायरेक्टर सौ. गीतांजली बोधनकर, प्राचार्या सौ. सुवर्णा कांबळे, उपप्राचार्य श्री. अनंत कुलकर्णी, विज्ञान विभाग प्रमुख सौ. मंजिरी पाटील, पर्यवेक्षक श्री. संदीप पवार आणि श्री. श्याम नांगरे यांनी कॅडेट गीताला शुभेच्छा दिल्या.

कॅडेट गीता गणपत धनवडे हिच्या पुढील शैक्षणिक वाटचालीसाठी हार्दिक शुभेच्छा … !!

दिनांक ११ जुलै ते १३ जुलै २०२३ रोजी प्रशालेत अटल कार्यशाळा घेण्यात आली. दिनांक ११ जुलै रोजी बहुउद्देशीय सभागृहात कार्यक्रमाची सुरूवात झाली. प्रमुख अतिथी दत्तात्रय नाईक, नेहा देशपांडे होते रितिक मोरे यांच्या मार्गदर्शनाखाली ही कार्यशाळा घेण्यात आली. प्रशालेतील विद्यार्थीनींना Electronic components, timer bot, LED sensor, digital scale, traffic light, याच बरोबर coding विषयी मार्गदर्शन करण्यात आले. Arduino वापरून प्रोग्रामिंग द्वारे ट्रॅफिक लाईट चे मोडेल विद्यार्थिनींनी कडून करून घेण्यात आले. या कार्यशाळेमध्ये प्रशालेतील विद्यार्थीनी स्वतः प्रात्यक्षिक करुन इतर विद्यार्थिनींना ही त्याबद्दल माहिती देतील असा उद्देश होता. यावेळी प्रशालेच्या कॅम्पस डायरेक्टर सौ. गीतांजली बोधनकर, प्राचार्या सौ.सुवर्णा कांबळे व उपप्राचार्य श्री. अनंत कुलकर्णी यांच्या मार्गदर्शाखाली ही कार्यशाळा घेण्यात आली.

दि. ७ जुलै २०२३ रोजी प्रशालेचा २६ वा वर्धापन दिन मोठ्या उत्साहात पार पडला. या कार्यक्रमास प्रशालेच्या शालासामिती अध्यक्षा मा. डॉ. माधवी मेहेंदळे उपस्थित होत्या. प्रशालेच्या निर्मितीपाठी संस्थेची भूमिका सांगून, शाळेतील जास्तीत जास्त मुलींनी येथील विविध सोयी सुविधांचा उपयोग करून घेत आपली प्रगती साकारावी असे उद् गार डॉ. मेहेंदळे यांनी काढले. या प्रसंगी प्रशालेतील कॅडेट्स च्या रँक प्रमुख पाहुण्यांच्या हस्ते प्रदान करण्यात आल्या. या निमित्ताने प्रशालेच्या विद्या दैनंदिनीचे प्रकाशन देखील करण्यात आले.

दि. ४ जुलै २०२३ रोजी पौड, ता. मुळशी येथे शिक्षक आमदार मा. श्री. जयंत आसगावकर यांनी सैनिकी शाळेची ऍथलेटिक्स राष्ट्रीय खेळाडू कॅडेट मुग्धा पाटे हिचा सत्कार केला व शाळेला शिक्षक आमदार निधीतून प्रिंटर भेट दिला, प्रिंटर स्विकारताना पर्यवेक्षक श्री.संदीप पवार राष्ट्रीय खेळाडू कॅडेट मुग्धा पाटे.