आज गुरुवार दिनांक 24 एप्रिल रोजी गणेश कला क्रीडा रंगमंच स्वारगेट, पुणे या ठिकाणी पुणे जिल्हा परिषद माध्यमिक शिक्षण विभाग व पुणे जिल्हा माध्यमिक व उच्च माध्यमिक शाळा मुख्याध्यापक संघ यांच्या संयुक्त विद्यमाने गुणवत्ता संवर्धन अभियान 2024 – 25 चा पारितोषिक वितरण समारंभ उत्साहात पार पडला. म.ए.सो. राणी लक्ष्मीबाई मुलींची सैनिकी शाळेने 500 ते 1000 पर्यंत विद्यार्थी संख्या या गटात मुळशी तालुकास्तर व पुणे जिल्हा स्तरावर प्रथम क्रमांक पटकावला. पुणे जिल्हा परिषद माध्यमिक शिक्षण विभागाचे शिक्षणाधिकारी मा. डाॅ. भाऊसाहेब कारेकर सर, पुणे जिल्हा मुख्याध्यापक संघाचे अध्यक्ष प्राचार्य श्री. नंदकुमार सागर सर व इतर मान्यवर यांच्या हस्ते तालुकास्तर व जिल्हास्तर प्रथम क्रमांकाचे पारितोषिक स्वीकारताना सैनिकी शाळेच्या कॅडेट शैजल पाटील, कॅडेट भक्ती मोरे, शाळेच्या मुख्याध्यापिका श्रीमती पूजा जोग, पर्यवेक्षक, शिक्षक – शिक्षकेतर कर्मचारी व सैनिकी परिवार. या दुहेरी यशाबद्दल महाराष्ट्र एज्युकेशन सोसायटीचे व शाला समितीचे सर्व पदाधिकारी, शाळेचे कमांडंट एविएन विंग कमांडर एम. यज्ञरामन सर यांनी अभिनंदन केले.

आज सैनिकी प्रशालेत पंचायत समिती मुळशी आरोग्य विभाग व प्राथमिक आरोग्य केंद्र सुतारवाडी यांच्या वतीने इ.6 वी ते इ.9 वी च्या कॅडेटस ना जे.ई. (मेंदू-ज्वर) लस देण्यात आली. डॉ. श्रुती उरकुडे, आरोग्य सेविका श्रीमती एम. एम. क्षीरसागर व श्रीमती पी. एस. पोवार यांनी ही लस दिली. या कार्यक्रमाचे नियोजन शाळेचे कमांडंट व प्राचार्या यांच्या मार्गदर्शनानुसार मेडिकल इंचार्ज व प्रभारी रेक्टर श्रीमती प्रियांका गुरव, मेट्रन श्रीमती प्रतिभा चव्हाण व श्रीमती जयश्री खरात यांनी केले होते.

म ए सो राणी लक्ष्मीबाई मुलींची सैनिकी शाळेचे माजी (निवृत्त) गुणवंत क्रीडा शिक्षक व रोल बॉल या खेळाचे जनक श्री राजू दाभाडे सर यांनी आज त्यांच्या साठाव्या वाढदिवसानिमित्त प्रशालेस क्रीडा साहित्य भेट दिले. साठवा वाढदिवस असल्याने एकूण 60 शाळांना ते हे साहित्य वाटप करणार आहेत ही विशेष उल्लेखनीय बाब आहे. श्री राजू दाभाडे सरांना वाढदिवसाच्या शुभेच्छा देताना शालेय पदाधिकारी व कॅडेटस. 💐💐💐💐💐

१४ एप्रिल – म.ए.सो. राणी लक्ष्मीबाई मुलींच्या सैनिकी शाळेत भारतरत्न डॉ. बाबासाहेब आंबेडकर यांची जयंती उत्साहात साजरी करण्यात आली. सदर कार्यक्रमाची सुरुवात महामानवाच्या प्रतिमेस पुष्पहार अर्पण व अभिवादन करून झाली. ज्येष्ठ शिक्षक श्री. अद्वैत जगधने यांनी बुद्ध वंदना म्हटली. त्यानंतर प्रशालेतील शिक्षिका सौ. मंजिरी पाटील यांनी ‘हीच आमची प्रार्थना’ म्हटली व त्यांच्या समवेत सर्व कॅडेटसनेही म्हटली. इयत्ता अकरावीची कॅडेट समिक्षा केळगावकर हीने डॉ. बाबासाहेबांविषयी तिचे विचार व्यक्त केले. प्रशालेतील शिक्षक श्री. शिवदास कापुरे यांनी डॉ. बाबासाहेबांचा जीवनपट विद्यार्थ्यांसमोर सांगितला तसेच श्री. अद्वैत जगधने यांनी बाबासाहेबांचे वेळेचे नियोजन, अभ्यास, करुणा, सामाजिक बांधिलकी, स्व-जाणीव, देशभक्ती इ. वेगवेगळ्या गुणांचे उदाहरणासह महत्व सांगितले. प्रशालेचे कमांडंट एविएन विंग कमांडर म. यज्ञरामन सर यांनी अध्यक्षीय भाषणात डॉ. बाबासाहेब आंबेडकर यांचे जागतिक स्तरावर असणारे महत्व समजावून सांगितले. सदर कार्यक्रमाचे नियोजन प्रशालेतील परिपाठ विभागाने केले होते. कार्यक्रमाचे सूत्रसंचालन व आभारप्रदर्शन श्री. गजानन पाटील यांनी केले.
सदर कार्यक्रमासाठी प्रशालेचे कमांडंट एविएन विंग कमांडर म. यज्ञरामन, प्रशालेच्या प्राचार्या श्रीमती पूजा जोग, प्रशालेचे पर्यवेक्षक व पी आर ओ श्री. संदीप पवार तसेच प्रशालेतील शिक्षक-शिक्षकेतर कर्मचारी, मेट्रन्स व सैनिकी परिवारातील सदस्य उपस्थित होते.

शनिवार दिनांक 29 मार्च रोजी म.ए.सो. राणी लक्ष्मीबाई मुलींची सैनिकी शाळेत इ.12 वी च्या कॅडेटस चा दीक्षांत समारंभ उत्साहात पार पडला. या कार्यक्रमाला प्रमुख अतिथी म्हणून पद्मश्री विठ्ठलराव विखे पाटील सैनिक स्कूल चे माजी कमांडंट व आठारे पब्लिक स्कूल चे प्राचार्य कर्नल एस. एस. जोशी (निवृत्त), श्रीमती कविता जोशी, शाला समितीच्या महामात्रा प्रा. चित्रा नगरकर, शाळेचे कमांडंट एविएन विंग कमांडर एम यज्ञरामन, शाळेच्या प्राचार्या पूजा जोग, पर्यवेक्षक व सिनियर मास्टर श्याम नांगरे व पालक उपस्थित होते. इ.6 वी ते इ.12 वी च्या कॅडेटस नी शानदार संचलन करीत प्रमुख अतिथींना मानवंदना दिली. याप्रसंगी स्वॉर्ड ऑफ ऑनर चा बहुमान स्कूल कॅप्टन व परेड कमांडर कॅडेट प्रार्थी म्हात्रे हिला तर उत्कृष्ट प्रशिक्षणार्थी म्हणून स्कूल स्पोर्टस कॅप्टन कॅडेट ऋतुजा पाचपांडे ला मिळाला. आपल्या अध्यक्षीय मनोगतात बोलताना कर्नल एस. एस. जोशी यांनी देशाच्या संरक्षण दलात महिलांसाठी अधिकाधिक संधी उपलब्ध होत आहेत, त्याचा फायदा या कॅडेटस ला होणार आहे. स्पर्धा परीक्षांची तयारी आतापासूनच सुरू करणे गरजेचे असल्याचे सांगताना या दीक्षांत समारंभात सहभागी असणाऱ्या सर्व कॅडेटचे कौतुक केले. या कार्यक्रमाचे नियोजन शाळेचे कमांडंट एविएन विंग कमांडर एम. यज्ञरामन व प्राचार्या पूजा जोग यांच्या मार्गदर्शनानुसार पर्यवेक्षक संदीप पवार, सुभेदार नवनाथ पवार, हवालदार गजानन माळी, क्रीडा शिक्षक महादेव मगर, अक्षय मांडगे व सैनिकी परिवारातील सदस्यांनी केले होते.

राष्ट्रीय विज्ञान दिन
प्रतिवर्षीप्रमाणे शुक्रवार दिनांक 28 फेब्रुवारी 2025 रोजी राष्ट्रीय विज्ञान दिन संपन्न झाला.
विज्ञान दिनाचे औचित्य साधून संपूर्ण फेब्रुवारी महिन्यात Science February हा उपक्रम राबविण्यात आला.
भारतीय ज्ञान परंपरेची ओळख करून देणे, वैज्ञानिक दृष्टिकोन विकसन व दृढीकरण करण्याच्या उद्देशाने विज्ञान विभागातर्फे 1 फेब्रुवारी 2025 पासून हा उपक्रम राबविण्यात आला.
दररोजच्या परिपाठामध्ये विज्ञान सुविचार, विज्ञान कोडे, संशोधन कथा, भारतीय शास्त्रज्ञांची माहिती, विज्ञान संकल्पनेवर आधारित वर्गश: प्रश्न, आजचे मुलद्रव्य व संकल्पनेवर आधारित वैज्ञानिक कृती व प्रयोग करून दाखवण्यात आले. हा उपक्रम विज्ञान छंद मंडळातर्फे घेण्यात आला. इयत्ता सहावी ते अकरावीच्या विद्यार्थिनी या उपक्रमात सहभागी झाल्या. या उपक्रमाची सांगता म्हणून शुक्रवार 28 फेब्रुवारी 2025 रोजी प्रशालेतील सर्व विज्ञान शिक्षकांनी परिपाठ सादर केला. यामध्ये विज्ञान सुविचार, विज्ञान कथा, विज्ञान कोडी, विज्ञानाच्या कृती व प्रयोग विज्ञान शिक्षकांनी करून दाखवले.
राष्ट्रीय विज्ञान दिनाचे औचित्य साधून कुलश: सायन्स मॅरेथॉन आयोजित करण्यात आली. सायन्स मॅरेथॉनचे स्वरूप पुढीलप्रमाणे
Round 1- 8 Science Riddles
Round 2- Concept explaining
Round 3 -Visual round
Round 4-Hands on Activity
Round 5-Run Stick Run
Round 6-Puzzle
सायन्स मॅरेथॉन दुपारी 2.15 ते 4 या वेळेत संपन्न झाली. इयत्ता सहावी ते आठवीच्या अहिल्या, जिजामाता, लक्ष्मी व दुर्गावती अशा एकूण 12 विद्यार्थिनी या मॅरेथॉनमध्ये सहभागी झाल्या. यामध्ये दुर्गावती कुल विजेत्या ठरला. कार्यक्रमासाठी प्रशालेचे कमांडंट एविएन विंग कमांडर म. यज्ञरामन, प्रशालेच्या प्राचार्या श्रीमती पूजा जोग व सर्व पदाधिकाऱ्यांचे मोलाचे मार्गदर्शन लाभले. तसेच सर्व विज्ञान शिक्षक सौ. मंजिरी पाटील, सौ. सावित्री पाटील, श्री. प्रमोद झुरमुरे, सौ. वैशाली शिंदे, कु. प्रियांका हजारे, श्री. शिवदास कापुरे , श्री. मंगेश पाटील व सौ. आरती जोशी सर्व विज्ञान शिक्षकांनी विद्यार्थिनींना उत्तम असे मार्गदर्शन केले. या कार्यक्रमाचे सर्व नियोजन विज्ञान विभागातर्फे करण्यात आले.

Date – 28 feb. 2025
Interhouse Swimming Competition
Venue – VJS Fitness Club, Baner, Pune.
A) 4 × 50 M. Relay
1) Ahilya House
2) Durgawati House
3) Jijamata House
4) Laxmi House
B) 50 M. Senior
1) Ahilya House
2) Jijamata House
3) Durgavati House
4) Laxmi House
C) 25 M. Junior
1) Laxmi House
2) Ahilya House
3) Durgavati House
4) Jijamata House
D) Championship points
1) Ahilya House — 19
2) Durgavati House — 11
3) Jijamata House — 09
4) Laxmi House — 09
Championship winner —
Ahilya House
💐💐💐💐💐
52 Cadets Participants this Event.

Thanks for Valuable Support –
Subedar Shri. Umesh Ghadge Sir,
Coach Supriya Newale Madam,
Coach Harshada Sonwane Madam,
Metron Laxmi Tai…
💐💐💐💐💐🙏🙏🙏🙏🙏

Coordination Shri Sandeep Pawar,
Guidance —
Commandant AVN Wing Commander M. Yagnaraman Sir
&
H. M. Pooja Jog Madam.

दरवर्षीप्रमाणे शाळेमध्ये शिवजयंती उत्सव अत्यंत उत्साहामध्ये पार पडला. या उत्सवाचे नियोजन इयत्ता नववीच्या विद्यार्थिनींनी केले होते. कार्यक्रमांमध्ये छत्रपती शिवाजी महाराजांचा पाळणा, पोवाडा, गोंधळी गीत, नाट्यप्रसंग सादर करण्यात आले. शिवचरित्राचे गाढे अभ्यासक तथा शिव व्याख्याते मा. श्री विजय खुटवड यांनी छत्रपती शिवाजी महाराजांचा जीवनपट उलगडून दाखवला. या कार्यक्रमाचे आयोजन इयत्ता नववीने केले होते. या कार्यक्रमासाठी शाळेचे कमांडंट श्री यज्ञ रमण सर, मा. मुख्याध्यापिका श्रीमती पूजा जोग आवर्जून उपस्थित होते. कार्यक्रमासाठी सर्व सैनिकी परिवार उपस्थित होता. या प्रसंगी ब्रह्मांड संस्थान सामाजिक राष्ट्रसेवा, पुणे या संस्थेचे सदस्य मा. चारुहास रेडकर (निवृत्त BSNL class one officer) यांनी शिवरायांचे मावळे यांच्या ९ प्रतिमा तसेच ५५० जीवन ज्ञान पुस्तिका प्रदान केल्या. तसेच शिव व्याख्याते श्री विजय खुटवड यांचे व्याख्यान आयोजित केले. छत्रपती शिवरायांच्या आरती व प्रसाद वाटपाने कार्यक्रमाची सांगता झाली.

Date of Event: 17/02/2025 & 18/02/2025
Robotics is shaping the future of technology, and introducing young minds to this field can spark creativity and innovation. The IEEE VIIT Student of electronics department successfully organized 2 day workshop offering students a hands-on learning experience in robotics and embedded systems.
Cadets from class 8 th and 9 th participated in the workshop. During the session, students explored hardware assembly, sensors, and coding using Arduino IDE. They worked on ultrasonic sensor testing, chassis assembly, movement control, and obstacle detection robots, gaining practical skills with each task.
The Robotics Workshop by IEEE VIIT Student Branch provided students with hands-on experience, enhancing their technical skills, problem-solving abilities, and confidence in technology. Pravin Gawande Sir and Anup Ingale Sir mentored IEEE members guiding them in effectively conducting the sessions. Their support ensured smooth execution and enriched the learning experience. The workshop received great feedback from students, teachers, and the principal, who appreciated the engaging and practical approach. The enthusiasm of the students highlighted the impact of such initiatives in sparking an interest in robotics and innovation.
The two-day Robotics Workshop organized by the IEEE
The workshop aimed to introduce students to the fundamentals of robotics, providing them with both theoretical knowledge and practical exposure to robot building, sensor integration, and Arduino programming.

On Day 1, the workshop began with a theory session covering the basics of robotics, its real-world applications, and an introduction to the components of an obstacle detection bot. The session helped students understand how robots are used in various fields, from automation and industrial applications to smart systems and artificial intelligence. In the practical session, students were divided into teams and assigned mentors who guided them step by step. Each team explored how an obstacle detection bot functions, conducted sensor testing, and gained hands-on experience in assembling basic robotic systems.

On Day 2, students were introduced to Arduino coding basics, where they learned about syntax, logic, and programming concepts essential for controlling robots. The practical session encouraged active learning, as students were given the freedom to dismantle and reassemble their bots from scratch, reinforcing their understanding of robotic components, connections, and programming logic. The workshop created an engaging and collaborative environment, allowing students to learn by doing rather than just observing. Their enthusiasm and curiosity were evident throughout the sessions, as they actively participated in discussions, asked insightful questions, and applied their learning. Over two days, they explored real-world applications, assembled and coded their own obstacle-detection bots, and gained insights into line-follower robots. Their active participation, curiosity, and problem-solving mindset made the workshop highly engaging and impactful. Beyond technical skills, the event fostered creativity, teamwork, and critical thinking, making learning both accessible. This initiative inspired young minds to delve deeper into robotics and innovation, paving the way for future learning and .
Students expressed excitement about the hands-on experience, particularly in assembling and coding their obstacle detection bots and learning about line follower robots. They appreciated the opportunity to work with real robotic components, which enhanced their understanding of automation and problem-solving while sparking their curiosity to explore more advanced concepts. Teachers praised the interactive approach and the enthusiasm displayed by students, emphasizing the importance of such workshops in introducing young minds to practical applications of technology.
Faculties of VIIT college Dr. Pravin Gawande and Dr. Anup Ingle accompanied the team and guided the cadets.
Commandant Mr. Yagnaraman sir. Principal Smt.Pooja Jog and ATL incharge Mrs. Manjiri Patil welcomed the team and communicated with cadets.
Science teachers Mr.Mangesh Patil and Mrs. Aarti Joshi participated in the workshop.

आज म.ए.सो. राणी लक्ष्मीबाई मुलींच्या सैनिकी शाळेत रथसप्तमी निमित्त सूर्यनमस्कार एक अभिनव उपक्रम राबविण्यात आला. सकाळी 5.30 वाजता शालेय सभागृहात इ.6 वी ते 9 वी व 11 वी घ्या एकूण 398 कॅडेटसनी प्रत्येकी 13 या प्रमाणे एकूण 5174 सूर्यनमस्कार घातले तर सकाळी 7.30 वाजता शालेय राजपथावर इ.6 वी ते इ.12 वी च्या एकूण 532 कॅडेटसनी प्रत्येकी 13 या प्रमाणे एकूण 6916 व 34 शिक्षक – शिक्षकेत्तर कर्मचारी यांनी 352 सूर्यनमस्कार घातले. एकूण सूर्यनमस्कार संख्या 12,442 झाली. इ.9 वी ची कॅडेट अनया कदम हिने रथसप्तमी व सूर्यनमस्काराचे महत्व समजावून सांगितले. मा. प्राचार्या पूजा जोग यांनी शुभेच्छा दिल्या. या कार्यक्रमाचे आयोजन शाळेचे कमांडंट एविएन विंग कमांडर म. यज्ञरामन सर यांच्या मार्गदर्शनानुसार पर्यवेक्षक संदीप पवार, योग प्रशिक्षिका प्रिती वाळके, ए.एन.ओ. राजश्री गोफणे, क्रीडा शिक्षक महादेव मगर, सैन्य प्रशिक्षक अक्षय मांडगे व सर्व शिक्षक शिक्षकेत्तर कर्मचारी यांनी केले होते.

खगोल विश्व आणि संशोधन या संस्थेच्या सहकार्याने मंगळवार दिनांक २१ जानेवारी २०२५ रोजी प्रशालेत एक दिवसीय खगोलशास्त्रीय कार्यशाळा आणि आकाश दर्शन या उपक्रमाचे आयोजन करण्यात आले होते. विद्यार्थिनींना खगोलशास्त्र आणि आकाश निरीक्षणाच्या मूलभूत संकल्पनांची ओळख व्हावी हा या उपक्रमाचा मुख्य हेतू होता. विश्वाची निर्मिती कशी झाली, विश्वात कोणकोणते घटक आहेत, विश्वातील आपले स्थान काय, पृथ्वीबाहेर जीवसृष्टी असण्याची शक्यता किती आहे यांबाबत कार्यशाळेच्या पहिल्या सत्रात स्लाईड शो आणि फिल्मसह माहिती देण्यात आली. दुसऱ्या सत्रात रात्रीच्या आकाशाची रचना कशी असते, राशी, नक्षत्रे, तारकासमूह कसे तयार झाले, रात्रीच्या आकाशात साध्या डोळ्यांनी आणि टेलिस्कोपने कोणकोणते ग्रह, तारे पाहता येतात, आकाशात घडणाऱ्या घटनांचे निरीक्षण कसे करतात यांबाबत माहिती देण्यात आली. विद्यार्थिनींकडून मोठ्या संख्येने प्रश्न विचारण्यात आल्यामुळे कार्यशाळेचे स्वरूप संवादाचे राहिले.
तिसऱ्या सत्रात सूर्यास्तानंतर संध्याकाळच्या आकाशात ओळीने दिसत असलेले शनी, शुक्र, गुरू आणि मंगळ हे ग्रह विद्यार्थिनींना टेलिस्कोपच्या साह्याने दाखवण्यात आले. दहा इंच आणि आठ इंच व्यासाच्या टेलिस्कोपच्या साह्याने शनीची कडी, शुक्राची कला, गुरू आणि त्याचे चार चंद्र आणि तांबूस मंगळ प्रत्यक्ष पाहता आल्याने विद्यार्थिनींच्या चेहऱ्यावरील आनंद लपत नव्हता. खगोलशास्त्र कार्यशाळेत एकूण ३६६ विद्यार्थिनींनी सहभाग घेतला. या सर्व विद्यार्थिनींना सहभागाचे प्रमाणपत्र देण्यात आले. खगोल विश्व आणि संशोधनाच्या वतीने मयुरेश प्रभुणे, सुप्रिया प्रभुणे, शार्विल जोशी आणि शरद भालेराव यांनी कार्यशाळेला मार्गदर्शन केले.
प्रशालेचे कमांडंट मा. श्री. यज्ञरमण, प्राचार्या मा. श्रीमती पूजा जोग, पर्यवेक्षक मा. श्री. श्याम नांगरे व मा. श्री. संदीप पवार यांच्या उपस्थितीत कार्यक्रमाचे उद्घाटन झाले. ATL इन्चार्ज सौ. मंजिरी पाटील यांनी कार्यक्रमाचे संयोजन केले .
कार्यक्रमाच्या यशस्वितेसाठी सर्व विज्ञान शिक्षक सौ. सावित्री पाटील, श्री. प्रमोद झुरमुरे, विभागप्रमुख सौ. वैशाली शिंदे, श्री. शिवदास कापुरे, कु. प्रियांका हजारे, सौ. आरती जोशी तसेच इयत्ता 9वी विज्ञान छंद मंडळाच्या विद्यार्थिनींचे सहकार्य लाभले .

———–

म.ए.सो. राणी लक्ष्मीबाई मुलींच्या सैनिकी शाळेत 76 वा प्रजासत्ताक दिन उत्साहात साजरा करण्यात आला. प्रजासत्ताक दिनाच्या कार्यक्रमाचे प्रमुख अतिथी कर्नल विजयकुमार (निवृत्त) यांच्या हस्ते भारतमाता पूजन व ध्वजारोहण झाले. याप्रसंगी शाला समितीच्या महामात्रा प्रा. चित्रा नगरकर, म.ए.सो. सिनियर काॅलेज च्या प्रा. पूनम रावत, समुपदेशक वैशाली बोबडे, रोटरी क्लब पुणे विजडम चे नीलेश धोपटे, पालक प्रतिनिधी अपर्णा धर्माधिकारी, शाळेचे कमांडंट ए.वि.एन. विंग कमांडर एम. यज्ञरामन, शाळेच्या प्राचार्या पूजा जोग, पर्यवेक्षक शाम नांगरे व संदीप पवार हे उपस्थित होते. ध्वजवंदनानंतर इयत्ता 6 वी ते 12 वी च्या सर्व कॅडेट्सने शानदार संचलन करीत अश्वांसहित ध्वजाला व प्रमुख अतिथींना मानवंदना दिली. महाराष्ट्र गीत, झंडा गीत व प्रतिज्ञा झाल्यानंतर साहसी सैनिकी प्रात्यक्षिकांचे सादरीकरण करण्यात आले. सायलेंट ड्रील, बँड, लेझीम, कराटे, मर्दानी खेळ, धनुर्विद्या, रायफल शूटिंग, योगासन, मल्लखांब आणि घोडेस्वारी अशा चित्त थरारक प्रात्यक्षिकांचे उत्कृष्ट सादरीकरण या ठिकाणी करण्यात आले. आजच्या कार्यक्रमाचे प्रमुख अतिथी कर्नल विजयकुमार यांनी हा देश तुमच्यासारख्या सैनिकी शाळेच्या मुलींच्या हाती सुरक्षित आहे असे सांगत कौतुक केले आणि भविष्यामध्ये महिलांना देखील अनेक क्षेत्रात यशस्वी होण्याची संधी आहे असे आवर्जून सांगितले. या कार्यक्रमाचे नियोजन शाळेचे कमांडंट विंग कमांडर ए.वि.एन. एम यज्ञरामन, शाळेच्या प्राचार्या पूजा जोग यांच्या मार्गदर्शनानुसार पर्यवेक्षक संदीप पवार, क्रीडाशिक्षक महादेव मगर, ए.एन.ओ. राजश्री गोफणे, सुभेदार नवनाथ पवार, हवालदार गजानन माळी, सैन्य प्रशिक्षक अक्षय मांडगे, सर्व क्रीडा प्रशिक्षक व सर्व सैनिकी परिवाराने केले होते. याप्रसंगी उल्लेखनीय कामगिरी केलेल्या एअर विंग एन.सी.सी. च्या
1) सार्जंट राधिका हेमंत चव्हाण – Best Cadet,
2) विधी वसंत वर्पे – Best in Turnout,
3) कॅडेट अनया अनिकेत कदम – Best in Drill
यांचा प्रमुख अतिथींच्या हस्ते ट्राॅफी देऊन सत्कार करण्यात आला.

राणी लक्ष्मीबाई मुलींची सैनिकी शाळा कासार आंबोली प्रशालेत गणित दिन उत्साहात साजरा झाला.
शुक्रवार दिनांक 17 जानेवारी 2025 रोजी राणी लक्ष्मीबाई मुलींची सैनिकी शाळा कासार आंबोली येथे प्रशालेचा वार्षिक गणित दिन उत्साहात साजरा करण्यात आला. थोर गणित तज्ञ श्री दत्तात्रेय कापरेकर सर यांच्या जयंतीनिमित्त प्रशालेत गणित दिनाचा कार्यक्रम आयोजित करण्यात आला होता. सदर कार्यक्रमात गणित तज्ञ श्री दत्तात्रेय कापरेकर सर यांच्या जीवनकार्याचा व गणितातील त्यांचे योगदान याबाबत माहिती सादर करण्यात आली. तसेच गणित दिनाचे औचित्य साधून गणित प्रश्न मंजूषा घेण्यात आली. सदर प्रश्न मंजूषा स्पर्धा ही कुलशः घेण्यात आली. प्रशालेच्या प्रत्येक कुलातील इयत्ता सहावी, सातवी व आठवीतील प्रत्येकी एक विद्यार्थिनी याप्रमाणे चार कुलांमध्ये ही स्पर्धा घेण्यात आली.
कार्यक्रमाची सुरुवात सरस्वती स्तवन व थोर भारतीय गणित तज्ञ श्री रामानुजन यांच्या प्रतिमेला पुष्प वाहून करून करण्यात आली.
या संपूर्ण कार्यक्रमाचे नियोजन व संचालन इयत्ता नववी च्या विद्यार्थिनींनी केले होते.
शिक्षकांसाठी गणितातील मनोरंजक कोडी विचारण्याात आली ज्यामुळे कार्यक्रमात अधिक रंगत आली. कार्यक्रमाचे अध्यक्ष प्रशालेचे कमांडंट विंग कमांडर श्री यज्ञरामन सर, शालेय पदाधिकारी श्री श्याम नांगरे सर व श्री संदिप पवार सर यांच्या हस्ते गणित प्रश्न मंजूषा स्पर्धेत प्रावीण्य प्राप्त विद्यार्थिनींचा गणिताची पुस्तके देऊन सत्कार करण्यात आला. प्रशालेचे कमांडंट विंग कमांडर श्री यज्ञरामन सर यांनी याप्रसंगी विद्यार्थिनींना मार्गदर्शन केले व सर्व स्पर्धक विद्यार्थिनींचे कौतुक केले. शाळेच्या माननीय मुख्याध्यापिका सौ पूजा जोग मॅडम यांच्या मार्गदर्शनाखाली शालेय गणित दिन राबवण्यात आला. प्रशालेचा गणित दिन यशस्वी होण्यासाठी शाळेतील गणित शिक्षक श्री रविन्द्र उराडे, सौ रेखा रायपुरकर, सौ वैशाली शिंदे, श्री सचिन जाधव, श्री मंगेश पाटील, सर्व शिक्षक व शिक्षकेतर वृंद यांचे मोलाचे सहकार्य लाभले.

म.ए.सो. राणी लक्ष्मीबाई मुलींची सैनिकी शाळेने शालेय वार्षिक सादरीकरण विषय ‘नागरी शिष्टाचार’ अंतर्गत वाहतूक नियमांचे पालन याविषयी जागरूकता निर्माण करणे. या उद्देशाने पुढील कार्यक्रम आयोजित करण्यात आला.
सोमवार दि. 20/1/2025 रोजी ‘राष्ट्रीय सुरक्षा महिना 1 जानेवारी ते 31 जानेवारी’ निमित्ताने पौड गाव येथे ‘रॅली आणि पथनाट्य’ यांचे नियोजन करण्यात आले. त्यासाठी 8 वी क वर्गातील 25 कॅडेट, 9 वी ब मधील 20 कॅडेट आणि शिक्षक सकाळी 10.30 वाजता पौड येथे जाऊन रॅली काढली आणि घोषणा दिल्या. रस्त्याच्या कडेने ओळीने विद्यार्थिनी पौड पोलिस स्टेशन पर्यंत गेल्या. त्या ठिकाणी पथनाट्य सादर केले. या ठिकाणी पौड पोलिस स्टेशन चे वरिष्ठ पोलिस निरीक्षक श्री. संतोष गिरीगोसावी साहेब सहा. पोलिस उपनिरीक्षक भाग्यश्री जाधव मॅडम, ठाणे अंमलदार अनिता रवळेकर मॅडम, पोलिस हवालदार मनोज कदम साहेब यांनी विद्यार्थिनींना मार्गदर्शन करुन त्यांचे कौतुक केले. पोलीस स्टेशनची माहिती दिली. तसेच पोलिस कोठडी, शस्त्रे हे देखील दाखविले. परत येताना पुन्हा रॅलीने पौड बसस्थानकापर्यंत घोषणा देऊन बसस्थानकावर पथनाट्य सादर करण्यात आले.
या कार्यक्रमा साठी शाळेचे कमांडट ए.वि.एन. विंग कमांडर यज्ञरामन सर, प्राचार्या श्रीमती पूजा जोग मॅडम, पर्यवेक्षक श्री. श्याम नांगरे सर व श्री. संदीप पवार सर यांनी मार्गदर्शन केले. याप्रसंगी समन्वयक सौ. सावित्री पाटील, सैन्य प्रशिक्षक सुभेदार श्री. नवनाथ पवार, श्री. अक्षय मांडगे, सौ. सुनिता शिंदे, सौ. दिपाली आंबेकर, सौ. स्वाती शेवडे, मेट्रन भाग्यश्री हांडे, श्री. राम माहित हे उपस्थित होते. सादरीकरण विभाग प्रमुख सौ. सावित्री पाटील यांनी कार्यक्रमाचा समन्वय साधला.

15 जानेवारी आर्मी डे महाराष्ट्र राज्य क्रीडा दिनानिमित्त म.ए.सो. राणी लक्ष्मीबाई मुलींची सैनिकी शाळा कासार आंबोली, ता. मुळशी जि. पुणे, जिल्हा क्रीडा अधिकारी कार्यालय पुणे व मुळशी तालुका क्रीडा शिक्षक संघ यांच्या संयुक्त विद्यमाने आयोजित जिल्हास्तरीय भव्य मुलींची क्राॅसकंट्री स्पर्धा आयोजित करण्यात आली होती. या स्पर्धेचे उद्घाटन सैनिकी शाळेच्या माजी विद्यार्थिनी मेजर (निवृत्त) अर्चिस सबनीस, म.ए.सो. चे सहसचिव व क्रीडा वर्धिनीचे महामात्र श्री. सुधीर भोसले, क्रीडा म.ए.सो. क्रीडावर्धिनी समन्वयक पुणे क्रीडा भारती चे अध्यक्ष श्री. शैलेश आपटे, सैनिकी शाळेचे महामात्र डाॅ. उमेश बिबवे, शाळेचे कमांडंट ए.वि.एन विंग कमांडर श्री. एम यज्ञरामन, प्राचार्या श्रीमती पूजा जोग, पर्यवेक्षक श्री. श्याम नांगरे, श्री. संदीप पवार यांच्या हस्ते झाले, तर पारितोषिक वितरण पंचायत समिती मुळशीच्या माजी उपसभापती सौ. सारिका मांडेकर, शाला समिती अध्यक्षा तथा म.ए.सो. नियामक मंडळाच्या उपाध्यक्षा सौ. आनंदी पाटील, शाळेच्या महामात्रा प्रा. चित्रा नगरकर, क्रीडा समन्वयक श्री. राजकुमार शिर्के, पालक प्रतिनिधी श्री. सूर्यकांत निठुरे यांच्या हस्ते झाले. या स्पर्धा वयोगट १२, १४ व १७ फक्त मुलींसाठी आयोजित करण्यात आल्या होत्या. स्पर्धेचा निकाल पुढीलप्रमाणे.
वयोगट — 12 मुली
१) प्रथम क्रमांक — आराध्या गायकवाड — पुणे ॲथलेटिक्स क्लब.
२) द्वितीय — रक्षिता राठोड — पुणे ॲथलेटिक्स क्लब
३) तृतीय — अनुदा सवदी — द्वारका स्कूल चाकण,
उत्तेजनार्थ
१) अन्विता बोरडे — बालशिक्षण मंदिर इंग्लिश मिडीयम स्कूल
२) कॅडेट वैदेही नेमट — सैनिकी शाळा
३) स्नेहल जगदाळे — सैनिकी शाळा.

वयोगट — 14
१) प्रथम — आर्या डोके — न्यू स्कूल लांडेवाडी ता. आंबेगाव
२) द्वितीय — आदिती भड — भारतीय जैन संघटना वाघोली
३) तृतीय — आकांक्षा पवार — रेणुका स्वरुप हायस्कूल पुणे
उत्तेजनार्थ
१) सई कराळे — सेंट जोसेफ हायस्कूल.
२) इच्छा जाधव — न्यू इंग्लिश स्कूल लांडेवाडी.
३) तनिष्का कोलवडकर — भारतीय जैन संघटना

वयोगट 17 मुली
१) प्रथम क्रमांक — अ दिती हारगुडे — भारतीय जैन संघटना
२) द्वितीय — आर्शिया पवार — पुणे ॲथलेटिक्स क्लब
३) तृतीय — श्रेया मालुसरे — पुणे ॲथलेटिक्स क्लब
उत्तेजनार्थ
१) आदिती तांबे — भारतीय जैन संघटना, वाघोली
२) सृष्टी हंडगर — भारतीय जैन संघटना, वाघोली
३) नेत्रा मच्छा — पुणे ॲथलेटिक्स क्लब

एकूण तीन वयोगटात मिळून ३५२ खेळाडूंनी सहभाग घेतला,क्राॅसकंट्रीची चॅम्पियन शिप भारतीय जैन संघटना शाळेने पटकावली. मेजर (निवृत्त) अर्चिस सबनीस यांनी आपल्या जीवनात खेळाचे खूप च महत्व असल्याचे सांगितले, सौ. सारिका ताई मांडेकर यांनी जीवनात खिलाडूवृत्ती हा गुण फक्त खेळामधूनच विकसित होतो हे सांगितले, अध्यक्षीय मनोगतात सौ. आनंदी पाटील यांनी क्राॅसकंट्री ही स्पर्धा स्वतः ची शारीरिक मानसिक क्षमता सिद्ध करण्यासाठी महत्वाची आहे हे सांगितले. प्रास्ताविक पर्यवेक्षक श्री. संदीप पवार यांनी केले. आभार क्रीडा शिक्षक श्री. महादेव मगर यांनी मानले, स्पर्धेचे तांत्रिक अधिकारी म्हणून श्री. मंगेश भालेराव यांनी कामकाज केले. या कार्यक्रमाचे नियोजन शाळेचे कमांडंट ए.वि.एन विंग कमांडर श्री. यज्ञरामन सर व प्राचार्या श्रीमती पूजा जोग मॅडम यांच्या मार्गदर्शनाखाली सर्व सैनिकी परिवाराने केले होते.